ຊຳ​ຊຸງ​ຂະຫຍາຍ​ໂຮງງານຜະລິດ​​ໂທລະສັບ​ມື​ຖືໃນ​ອິນ​ເດຍ

ຊຳ​ຊຸງ​ຂະຫຍາຍ​ໂຮງງານຜະລິດ​​ໂທລະສັບ​ມື​ຖືໃນ​ອິນ​ເດຍ

ຊຳ​ຊຸງ​ຂະຫຍາຍ​ໂຮງງານຜະລິດ​​ໂທລະສັບ​ມື​ຖືໃນ​ອິນ​ເດຍ

ຊຳ​ຊຸງ​ອິ​ເລັກ​ໂຕ​ນິກ ​ເປີດ​ເຜີຍ​ແຜນການ​ລົງທຶນ​ເພີ່ມ​ກຳລັງ​ຜະລິດ​ສະມາດ​ໂຟນ​ເປັນ​ສອງ​ເທົ່າ​ຢູ່​ທີ່​ໂຮງງານ​ໃນ​ອິນ​ເດຍ ​ເພື່ອ​ຮອງ​ຮັບ​ການ​ແຂ່ງຂັນ​ຈາກ​ຄູ່​ແຂ່ງ​ຫຼາຍ​ແຫ່ງ​ທີ່​ພະຍາຍາມ​ເຂົ້າ​ມາຍາ​ດຊີງ​ສ່ວນ​ແບ່ງ​ໃນ​ຕະຫຼາດ​ທີ່​ກຳລັງ​ເຕີບ​ໂຕ​ຢ່າງ​ວ່ອງ​​ໄວ​ໃນ​ອິນ​ເດຍ.

ສຳນັກຂ່າວ​ຕ່າງປະ​ເທດ​ລາຍ​ງານ​ວ່າ: ​ໃນ​ຫຼາຍ​ປີ​ທີ່​ຜ່ານ​ມາ ຊຳ​ຊຸງ​ປະສົບ​ຜົນສຳ​ເລັດ​ໃນ​ການ​ສ້າງ​ຍີ​່ຫໍ້​ໃນ​ຕະຫຼາດ​ອິນ​ເດຍ ​ໂດຍ​ສະ​ເພາະ​ທຸລະ​ກິ​ດສະມາດ​ໂຟນທີ່​ຊຳ​ຊຸງ​ມີ​ຍອດ​ຂາຍ​ເປັນອັນ​ດັບ 1 ຈາກ​ອານິສົງ​ຂອງ​ຕົວ​ເລືອກ​ຜະລິດ​ຕະພັນ​ທີ່​ມີ​ຫຼາຍ​ຮຸ່ນ​ໃນ​ຫຼາຍ​ລະດັບ​ລາຄາ ລວມ​ໄປ​ເຖິງ​ກຳລັງ​ການ​ຜະລິດ​ຈາກ​ໂຮງງານ​ພາຍ​ໃນ​ປະ​ເທດ ​ເພື່ອ​ຮອງ​ຮັບ​ຄວາມ​ຕ້ອງການ​ໃນ​ຕະຫຼາດ​ສະມາດ​ໂຟນອິນ​ເດຍທີ່​ເພີ່ມ​ຂຶ້ນ​ຢ່າງ​ວ່ອງ​ໄວ ຊຳ​ຊຸງ​ຕັ້ງ​ເປົ້າ​ທີ່​ຈະ​ເພີ່ມ​ກຳລັງ​ການ​ຜະລິດ ຫຼັງຈາກ​ທີ່​ຂະຫຍາຍ​ໂຮງງານ​ໃນ​ເມືອງ​ໂນ​ອິດາ​ເປັນ 2 ​ເທົ່າ ​ໂດຍ​ຫຼັງ​ຈາກ​ການ​ຂະຫຍາຍ​ໂຮງງານ​ສຳ​ເລັດ​ຈະ​ເຮັດ​ໃຫ້​ໂຮງງານ​ດັ່ງກ່າວ​ມີ​ກຳລັງ​ການ​ຜະລິດ​ສະມາດ​ໂຟນ​ເຖິງ 10 ລ້ານ​ໜ່ວຍ​ຕໍ່​ເດືອນ ​ແລະ ຊ່ວຍ​ສ້າງ​ວຽກ​ເຮັດ​​ໄດ້​ຫຼາຍ​ພັນ​ຄົນ, ທ່ານ ຣາວີ ຊານ​ກາ ປຣາ​ສາດ ​ລັດຖະມົນຕີ​ວ່າການ​ກະຊວງ​ອິ​ເລັກ​ໂຕ​ນິກ ​ແລະ ​ເຕັກ​ໂນ​ໂລ​ຊີ​ຂໍ້​ມູນ​ຂ່າວ​ສານ​ຂອງ​ອິນ​ເດຍກ່າວ​ວ່າ ການ​ລົງທຶນ​​ໃນ​ອຸດສາຫະກຳ​ອິ​ເລັກ​​ໂຕ​ນິກຂອງ​ອິນ​ເດຍ​ເພີ່ມ​ຂຶ້ນ​ຈາກ 1,1 ​ຮ້ອຍ​ຕື້ຣູປີ​ເປັນ 15,3 ພັນ​ຕື້ຣູປີ​ໃນ​ໄລຍະ 3 ປີ​ທີ່​ຜ່ານ​ມາ ​ແລະ ຄາດ​ວ່າ ມູນ​ຄ່າ​ການ​ລົງທຶນ​ຈະ​ເພີ່ມ​ຂຶ້ນ​ເຖິງ 64 ພັນ​ຕື້ຣູປີ ( 1 ພັນ​ຕື້​ໂດ​ລາ​ສະຫະລັດ) ພາຍ​ໃນ​ປີ 2020.

​ເຖິງ​​ວ່າ​ຊຳ​ຊຸງ​ຈະ​ຄອງ​ສ່ວນ​ແບ່ງ​ເປັນອັນ​ດັບ 1 ​ໃນ​ຕະຫຼາດ ​ແຕ່​ມີ​ການ​ເຕີບ​ໂຕ​ໃນ​ອັດຕາ​ທີ່​ໜ້ອຍ​ກວ່າ​ຄູ່​ແຂ່ງ ​ໂດຍ​ສະ​ເພາະ​ຜູ້​ຜະລິດ​ສັນຊາດ ​ສປ ຈີນ ​ເຊັ່ນ: ອອບ​ໂປ້ ​ແລະ ວີ​ໂວ່ ທີ່​ເລີ່​ມ​ເຂົ້າ​ມາ​ຍາດ​ຊີງ​ສ່ວນ​ແບ່ງ​ໃນ​ຕະຫຼາດ​ສະມາດ​ໂຟນລະດັບ​ກາງ ຂະນະ​ທີ່​​ແອັບ​ເປິ​ລ​ໄດ້​ເລີ່​ມຜະລິດ​ໄອ​​ໂຟນຮຸ່ນ ​ເອສອີ ​ໃນ​ເດືອນ​ກ່ອນ​​ໃນ​ໂຮງງານ​ທາງ​ພາກ​ໃຕ້​ຂອງ​ອິນ​ເດຍ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຫມວດຫມູ່

Copy Protected by Chetan's WP-Copyprotect.