ຍີ່ປຸ່ນ ປະກາດຮັບແຮງງານຕ່າງປະເທດເພີ່ມຂຶ້ນ

ປັດຈຸບັນ ຍີ່ປຸ່ນ ເຊິ່ງມີເສດຖະກິດຂະໜາດໃຫຍ່ອັນດັບ 3 ຂອງໂລກ ແລະ ເປັນສະມາຊິກສໍາຄັນໃນກຸ່ມ ຈີ 20 ແຕ່ກໍາລັງເກີດບັນຫາປະຊາກອນອາຍຸສູງເພີ່ມຂຶ້ນຢ່າງໄວວາ ສວນທາງກັບອັດຕາການເກີດໃໝ່ຕໍ່າທີ່ສຸດໃນໂລກ.

ທ່ານ ນາງ ໂທໂມມິ ອິນາດະ ນັກການເມືອງ ແລະ ເປັນທີ່ປຶກສາຂອງ ທ່ານ ຊິນໂຊ ອາເບະ ນາຍົກລັດຖະມົນຕີ ຍີ່ປຸ່ນ ກ່າວວ່າ: ຍີ່ປຸ່ນ ກໍາລັງເປີດ ກວ້າງຮັບແຮງງານຕ່າງປະເທດເຂົ້າມາເຮັດວຽກໃນປະເທດ ເພື່ອແກ້ໄຂບັນຫາການຂາດແຄນແຮງງານໃນລະບົບ ເນື່ອງຈາກອັດຕາການເກີດໃນ ຍີ່ປຸ່ນ ຢູ່ໃນລະດັບຕໍ່າຫຼາຍປີຊ້ອນຄຽງຄູ່ກັບການກາຍເປັນສັງຄົມຜູ້ອາຍຸສູງເຕັມຮູບແບບເຮັດໃຫ້ແຮງງານໃນໄວເຮັດວຽກມີຈໍານວນຫຼຸດລົງ.

ສິ່ງທີ່ເກີດຂຶ້ນສ້າງພາລະມະຫາສານແກ່ລະບົບເສດຖະກິດຂອງ ຍີ່ປຸ່ນ ໂດຍທາງການປະເມີນວ່າປະຊາກອນໄວເຮັດວຽກຂອງປະເທດຈະປັບຕົວຫຼຸດລົງສະເລ່ຍ 1,1% ຕໍ່ປີ ຕະຫຼອດໄລຍະ 50 ປີຕໍ່ໜ້າ, ຂະນະທີ່ການປັບປຸງກົດໝາຍກ່ຽວກັບການພັກອາໄສໃນ ຍີ່ປຸ່ນ ຈະເຮັດໃຫ້ມີແຮງງານຈາກຕ່າງປະເທດຈໍານວນ 350.000 ຄົນ ຍ້າຍເຂົ້າມາໃນ ຍີ່ປຸ່ນ ໃນໄລຍະ 5 ປີຕໍ່ໜ້າ.

ນະໂຍບາຍຕ່າງໆລວມເຖິງການຫຼຸດພາສີ ແລະ ນະໂຍບາຍຈູງໃຈອື່ນໆ ເພື່ອຊຸກຍູ້ການລົງທຶນ, ສະໜັບສະໜູນການວິໄຈ ແລະ ພັດທະນາຕະຫຼອດຮອດການເພີ່ມໂອກາດໃນການເຮັດວຽກແກ່ປະຊາກອນຍິງ ແລະ ປະຊາກອນອາຍຸສູງນໍາອີກ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຫມວດຫມູ່

Copy Protected by Chetan's WP-Copyprotect.