ທີມບານບ້ວງຫຼວງພະບາງ ຄວ້າອັນດັບ 3 ຊີງແຊ້ມສະໂມສອນອາຊຽນ

ຊົມເຊີຍທັບນັກກີລາທີມບານບ້ວງຫຼວງພະບາງສາມາດຢາດຜົນງານໜ້າພໍໃຈຄວ້າອັນດັບ  3  ໃນການແຂ່ງຂັນບານບ້ວງລາຍການ TBSL 2019 ຊິງແຊ້ມສະໂມ ສອນອາຊຽນທີ່ປະເທດໄທ.

 ການແຂ່ງຂັນດັ່ງກ່າວນຳໂດຍທ່ານ ຂັນແກ້ວ ດວງເດືອນ ຜູ້ຈັດ ການທີມທັງເປັນຄູຝຶກພ້ອມຄະນະ ແລະນັກກີລາຮ່ວມໂດຍການແຂ່ງຂັນມີ 8 ທີມຈາກ 6 ປະເທດ ປະກອບມີທີມ Hi Tech ແຊ້ມເກົ່າ (ໄທ) ສະໂມສອນການໄຟຟ້າສ່ວນ ພູມມິພາກ (ໄທ) ສະໂມສອນສະວູມະຫາວິທະຍາໄລສີນະຄະລິນວິໂລ້ດ (ໄທ) ສະໂມສອນ Adroit ຈາກສິງກະໂປ  ສະໂມສອນ  Matrix ຈາກມາເລເຊຍ ສະໂມສອນ Philippines (ຟີລິບປີນ) ສະໂມ ສອນ Kabayan (ຟີລິບປິນ) ແລະສະໂມສອນຫຼວງພະບາງຈາກ  ສປປ ລາວ.

ຜ່ານການແຂ່ງຂັນສະໂມສອນຫຼວງພະບາງໜຶ່ງດຽວຈາກລາວ ເຮັດຜົນງານໄດ້ດີເຂົ້າໄປເຖິງຮອບ 4  ທີມ ເຂົ້າໄປພົບກັບທີມ  Hi Tech ແຊ້ມເກົ່າຜ່ານການແຂ່ງຂັນ 4 ຄໍ ເຕີ້ເປັນ Hi Tech ເອົາຊະນະໄປ 101-74 ເຮັດໃຫ້ທີມຫຼວງພະບາງ ໄດ້ໄປຊິງອັນດັບ 3 ກັບທີມການໄຟຟ້າສ່ວນພູມມິພາກ (ໄທ) ຕະຫຼອດ 4 ຄໍເຕີທັງສອງທີມຫຼິ້ນໄດ້ສູສີກັນປ່ຽນກັນເຮັດຄະແນນຂຶ້ນນຳແຕ່ສຸດທ້າຍແລ້ວຈົບການແຂ່ງຂັນເປັນທີມຫຼວງພະບາງສາມາດເອົາຊະນະໄປໄດ້ 81-78 ຄະແນນຄວ້າອັນດັບ 3 ພ້ອມຮັບເງິນລາງວັນ 400.000 ບາດ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຫມວດຫມູ່

Copy Protected by Chetan's WP-Copyprotect.