ບຸນເດສລີກາ ຍັງຢຶດແຊ໋ມຜູ້ຊົມຫຼາຍທີ່ສຸດໃນລີກເອີຣົບໄວ້ໄດ້

ບຸນເດສລີກາ ຍັງຢຶດແຊ໋ມຜູ້ຊົມຫຼາຍທີ່ສຸດໃນລີກເອີຣົບໄວ້ໄດ້

ບຸນ​ເດ​ສລີ​ກາ ຍັງ​​ຢຶດ​ແຊ໋ມ​ຜູ້​ຊົມ​ຫຼາຍ​ທີ່​ສຸດ​ໃນ​ລີກ​ເອີ​ຣົບ​ໄວ້​ໄດ້

ການ​ແຂ່ງ­ຂັນ​ບານ­ເຕະ “ບຸນ​ເດ​ສລີ​ກາ” ຂອງ​ເຢຍ​ລະ​ມັນ ຍັງ​ຄົງ​ຄອງ​ແຊ໋ມ​ຜູ້​ຊົມ​ຕໍ່​ນັດ​ຫຼາຍ​ທີ່​ສຸດ​ໃນ​ລີກ​ບານ­ເຕະ​ຂອງ​ທະ­ວີບ​ເອີ​ຣົບ ຊຶ່ງ​ສາ­ມາດ​ຄອງ​ສະ­ຖິ­ຕິ​ມາ​ຕັ້ງ­ແຕ່​ລະ­ດູ​ການ 2011-2012 ຈົນ​ເຖິງ​ລະ­ດູ​ການ​ຫຼ້າ​ສຸດ 2016-2017.

ສຳ­ນັກ​ຂ່າວ​ກີ­ລາ​ຕ່າງ­ປະ­ເທດ​ໄດ້​ລາຍ​ງານ​ເມື່ອ​ອາ­ທິດ​ທີ່​ຜ່ານ​ມາ​ວ່າ ການ​ແຂ່ງ­ຂັນ​ບານ­ເຕະ​ບຸນ​ເດ​ສລີ​ກາ ເຢຍ​ລະ​ມັນ ຍັງ​ສາ­ມາດ​ຄອງ​ແຊ໋ມ​ລີກ​ບານ­ເຕະ​ເອີ​ຣົບ​ທີ່​ມີ​ຍອດ​ຜູ້​ຊົມ​ສະ­ເລ່ຍ​ຕໍ່​ນັດ​ສູງ​ທີ່​ສຸດ ໂດຍ​ຕົວ​ເລກ​ຜູ້​ຊົມ​ສະ­ເລ່ຍ​ຕໍ່​ນັດ​ຂອງ ບຸນ​ເດ​ສລີ​ກາ ລະ­ດູ​ການ 2016-2017 ຢູ່​ທີ່ 40.693 ຄົນ ຊຶ່ງ​ຫຼາຍ​ກວ່າ​ພຣີ​ເມຍ​ລີກ ອັງ­ກິດ ທີ່​ມີ​ຍອດ​ຜູ້​ເຂົ້າ​ຊົມ​ສະ­ເລ່ຍ 35.838 ຄົນ ສ່ວນ​ລາ​ລີ​ກາ ແອັດ​ສະ​ປາຍ ມີ​ຍອດ​ຜູ້​ເຂົ້າ​ຊົມ​ສະ­ເລ່ຍ 27.609 ຄົນ ຂະ­ນະ​ທີ່ ກັລ​ໂຊ ເຊ​ເຣຍ ອາ ອິ​ຕາ​ລີ ມີ​ຍອດ​ຜູ້​ເຂົ້າ​ຊົມ​ສະ­ເລ່ຍ 22.177 ຄົນ ແລະ​ລີກ​ເອິງ ຝຣັ່ງ ມີ​ຍອດ​ຜູ້​ເຂົ້າ​ຊົມ​ສະ­ເລ່ຍ 21.202 ຄົນ.

ສຳ­ລັບ​ລີກ​ແດນ​ໝີ​ຂາວ ຣັດ​ເຊຍ ເຈົ້າ­ພາບ​ບານ­ເຕະ​ໂລກ 2018 ແມ່ນ​ມີ​ຍອດ​ຜູ້​ເຂົ້າ​ຊົມ​ສະ­ເລ່ຍ​ຢູ່​ທີ່ 11.415 ຄົນ ຊຶ່ງ​ນັບ​ເປັນ​ຕົວ​ເລກ​ທີ່​ໜ້ອຍ​ກວ່າ​ລີກ​ໃນ​ປະ­ເທດ​ປອກ​ຕຸຍ​ການ ທີ່​ມີ​ຍອດ​ຜູ້​ເຂົ້າ​ຊົມ​ສະ­ເລ່ຍ​ທີ່ 11.839 ຄົນ ແຕ່​ເຖິງ​ແມ່ນ​ວ່າ ບຸນ​ເດ​ສລີ​ກາ ເຢຍ​ລະ​ມັນ ຈະ​ຄອງ​ແຊ໋ມ​ຜູ້​ຊົມ​ສູງ​ສຸດ​ຕິດ­ຕໍ່​ກັນ​ມາ​ຕັ້ງ­ແຕ່​ລະ­ດູ​ການ 2011-2012 ຈົນ​ເຖິງ​ລະ­ດູ​ການ 2016-2017 ແຕ່​ຕົວ​ເລກ​ຜູ້​ຊົມ​ສະ­ເລ່ຍ​ກໍ​ເຫັນ​ວ່າ​ຫຼຸດ​ລົງ ຊຶ່ງ​ລະ­ດູ​ການ 2011-2012 ມີ​ຜູ້​ຊົມ 44.293 ຄົນ ແລະ​ເປັນ​ສະ­ຖິ­ຕິ​ທີ່​ຫຼາຍ​ກວ່າ​ລະ­ດູ​ການ 2016-2017 ເຖິງ 3.600 ຄົນ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຫມວດຫມູ່

Copy Protected by Chetan's WP-Copyprotect.