ປີໃໝ່ຫລວງພະບາງ ເກີດອຸບັດເຫດ 18 ລາຍ

ປີໃໝ່ຫລວງພະບາງ ເກີດອຸບັດເຫດ 18 ລາຍ

ປີໃໝ່ຫລວງພະບາງ ເກີດອຸບັດເຫດ 18 ລາຍ

ສໍາລັບປີໃໝ່ໄລຍະ 7 ວັນອັນຕະລາຍ ທີ່ແຂວງຫຼວງພະບາງໄດ້ເກີດອຸບັດເຫດຕາມທ້ອງຖະໜົນທັງໝົດ 18 ລາຍ, ທຽບໃສ່ປີກ່ອນແມ່ນເພີ່ມຂຶ້ນ ແຕ່ໂຊກດີປີນີ້ບໍ່ມີຄົນເສຍຊີວິດ, ສ່ວນເມືອງທີ່ເກີດອຸບັດເຫດອັນດັບໜຶ່ງຍັງແມ່ນ ເມືອງຫຼວງພະບາງ.

ທ່ານ ບຸນສະຫວັດ ສົມພະໄຊ ຫົວໜ້າພະແນກຈະລາຈອນ ແຂວງຫຼວງພະບາງ ໄດ້ໃຫ້ສໍາພາດຕໍ່ທີມຂ່າວເສດຖະກິດ-ສັງຄົມຜ່ານທາງໂທລະສັບໃນວັນທີ 4 ມັງກອນນີ້ຮູ້ວ່າ: ຜ່ານການເກັບກໍາອຸບັດເຫດປີໃໝ່ສາກົນ 2017 ໃນຂອບເຂດທົ່ວແຂວງໄລຍະ 7 ວັນອັນຕະລາຍແມ່ນມີອຸບັດເຫດເກີດຂຶ້ນທັງໝົດ 18 ລາຍ, ມີຜູ້ໄດ້ຮັບບາດເຈັບທັງໝົດ 34 ຄົນ, ເຈັບເລັກນ້ອຍ 18 ຄົນ, ສົມຄວນ 13 ຄົນ, ສາຫັດ 3 ຄົນ, ພາຫະນະເປ່ເພ 38 ຄັນ, ເລັກນ້ອຍ 23 ຄັນ ແລະເປ່ເພສົມຄວນ 15 ຄັນ.

ສຳລັບເມືອງທີ່ເກີດອຸບັດເຫດອັນດັບ ໜຶ່ງຍັງແມ່ນເມືອງຫຼວງພະບາງເກີດຂຶ້ນທັງໝົດ 8 ລາຍ, ມີຜູ້ໄດ້ຮັບບາດເຈັບ 17 ຄົນ, ເຈັບເລັກນ້ອຍ 10 ຄົນ, ສົມຄວນ 7 ຄົນ, ພາຫະນະເປ່ເພ 22 ຄັນ, ເພເລັກນ້ອຍ 15 ຄັນ, ສົມຄວນ 7 ຄັນ.

ເມື່ອທຽບໃສ່ປີໃໝ່ 2016 ອຸບັດເຫດປີນີ້ຢູ່ແຂວງຫຼວງພະບາງມີຕົວເລກເພີ່ມຂຶ້ນແຕ່ບໍ່ມີຜູ້ເສຍຊີວິດ, (ປີ 2016 ເກີດຂື້ນ 6 ລາຍ ແລະເສຍຊີວິດ 3 ຄົນ). ສ່ວນສາເຫດຫຼັກເຮັດໃຫ້ເກີດອຸບັດເຫດຍັງແມ່ນດື່ມສິ່ງມື່ນເມົາແລ້ວຂັບ. ພ້ອມ ນັ້ນທ່ານຍັງໄດ້ຮຽກຮ້ອງໃຫ້ຜູ້ໃຊ້ລົດ, ໃຊ້ຖະໜົນເວລາຂັບຂີ່ໃຫ້ລະມັດລະວັງ ແລະປະຕິບັດຕາມລະບຽບຈະລາຈອນຢ່າງເຂັ່ງຄັດ ເພື່ອຫຼີກລຽງຈາກການ ເກີດອຸບັດເຫດອັນທີ່ຈະນໍາຜົນເສຍຫາຍມາສູ່ຕົນເອງ, ຄອບຄົວ ແລະເພື່ອນຮ່ວມທາງ.

ຂ່າວ: ເສດຖະກິດ-ສັງຄົມ

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຫມວດຫມູ່

Copy Protected by Chetan's WP-Copyprotect.