ລະ­ວັງ! “ຄອມ​ພິວ​ເຕີ ວິ​ເຊິນ ​ຊິນ​ໂດຣມ” ຈະ​ຖະ​ຫຼົ່ມ​ສາຍ­ຕາ

ລະ­ວັງ! “ຄອມ​ພິວ​ເຕີ ວິ​ເຊິນ ​ຊິນ​ໂດຣມ” ຈະ​ຖະ​ຫຼົ່ມ​ສາຍ­ຕາ

ລະ­ວັງ! “ຄອມ​ພິວ​ເຕີ ວິ​ເຊິນ ​ຊິນ​ໂດຣມ” ຈະ​ຖະ​ຫຼົ່ມ​ສາຍ­ຕາ

ປັດ­ຈຸ­ບັນ  ຄົງ​ບໍ່​ສາ­ມາດ​ປະ­ຕິ­ເສດ​ໄດ້​ວ່າ​ຄອມ​ພິວ​ເຕີ​ໄດ້​ເຂົ້າ​ມາ​ເປັນ​ສ່ວນ​ໜຶ່ງ​ຂອງ​ການ​ເຮັດ​ວຽກ​ຮອບ­ດ້ານ ແຕ່​ວ່າ​ໃນ​ການ​ຈົດ­ຈໍ່​ຢູ່​ກັບ​ຂໍ້​ມູນ​ເທິງ​ໜ້າ​ຈໍ​ເປັນ​ເວ­ລາ​ດົນ​ນານ​ກໍ​ຈະ​ເກີດ​ອາ­ການ​ປວດ​ຕາ ຕາ­ມົວ ນ້ຳ​ຕາ​ໄຫຼ ແສບ​ຕາ ຕາ​ແຫ້ງ ປວດ​ຫົວ ປວດ​ຄໍ ປວດ​ບ່າ​ໄຫຼ່ ແລະ​ປວດ​ຫຼັງ ຊຶ່ງ​ກຸ່ມ​ອາ­ການ​ເຫຼົ່າ​ນີ້​ເອີ້ນ​ວ່າ Computer Vision Syndrome : CVS  (ຄອມ​ພິວ​ເຕີ​ວິ​ເຊິນ​ຊິນ​ໂດຣມ).

ນີ້​ຄື​ກຸ່ມ​ອາ­ການ​ຜິດ​ປົກ­ກະ­ຕິ​ຊຶ່ງ​ເກີດ​ຈາກ​ການ​ໃຊ້​ງານ​ໜ້າ​ຈໍ​ຄອມ​ພິວ​ເຕີ ລວມ​ເຖິງ​ການ​ໃຊ້​ງານ​ອຸ­ປະ­ກອນ​ດິ​ຈິ​ຕອລ​ທີ່​ມີ­ໜ້າ​ຈໍ​ມໍ​ນີ​ເຕີ​ອື່ນໆ​ເຊັ່ນ ແທັບ​ເລັດ ແລະ​ສະ­ມາດ​ໂຟນ ໂດຍ​ລະ­ດັບ​ຄວາມ​ຮຸນ​ແຮງ​ຂອງ​ອາ­ການ​ຈະ​ເພີ່ມ​ຫຼາຍ​ຂຶ້ນ​ຕາມ​ໄລ­ຍະ​ເວ­ລາ​ທີ່​ໃຊ້​ສາຍ­ຕາ​ຢູ່​ໜ້າ​ຈໍ​ດົນໆ ແລະ​ຍັງ​ພົບ​ອີ​ກວ່າ​ພຶດ­ຕິ​ກຳ​ການ​ໃຊ້​ງານ​ໜ້າ​ຈໍ​ທີ່​ມີ​ຄວາມ​ສ່ຽງ​ໃນ​ການ​ເກີດ​ພະ­ຍາດ​ຫຼາຍ​ແມ່ນ​ການ​ໃຊ້​ງານ​ໜ້າ​ຈໍ​ຕິດ­ຕໍ່​ກັນ​ເປັນ​ເວ ລາ​ດົນ​ເກີນ 2 ຊົ່ວ­ໂມງ ຫຼື ການ​ເຮັດ​ວຽກ​ທີ່​ຕ້ອງ​ຢູ່​ໜ້າ​ຈໍ​ຄອມ​ພິວ​ເຕີ​ທຸກໆ​ວັນ.

ນອກ­ຈາກ​ສາ­ເຫດ​ທີ່​ລະ­ບຸ​ຢູ່​ຂ້າງ​ເທິງ​ນັ້ນ­ແລ້ວ ການ​ຈັດ​ວາງ​ຕຳ­ແໜ່ງ​ໜ້າ​ຈໍ​ຄອມ​ພິວ​ເຕີ​ທີ່​ບໍ່ເໝາະ​ສົມແສງ​ສະ­ຫວ່າງ ຫຼື ແສງ​ສະ­ທ້ອນ​ຈາກ​ຄອມ​ພິວ​ເຕີ​ທີ່​ແຈ້ງ​ເກີນ​ໄປ ໄລ­ຍະ​ຫ່າງ​ລະ­ຫວ່າງ​ດວງ​ຕາ​ກັບ​ຈໍ​ຄອມ​ພິວ​ເຕີ​ທີ່​ບໍ່​ເໝາະ​ສົມ ແລະ​ຄວາມ​ຜິດ​ປົກ­ກະ­ຕິ​ຂອງ​ສາຍ­ຕາ​ຂອງ​ຜູ້​ໃຊ້​ຄອມ​ພິວ​ເຕີ​ທີ່​ຍັງ​ບໍ່​ໄດ້​ຮັບ​ການ​ແກ້​ໄຂ ລວມ​ເຖິງ​ທ່າ​ນັ່ງ​ເຮັດ​ວຽກ​ທີ່​ບໍ່​ເໝາະ​ສົມ ທັງ​ໝົດ​ນີ້​ລ້ວນ​ແຕ່​ເປັນ​ສາ­ເຫດ​ຂອງ​ການ​ເກີດ​ພະ­ຍາດ​ຄອມ​ພິວ​ເຕີ​ວິ​ເຊິນ​ຊິນ​ໂດຣມ.

ສຳ­ລັບ​ວິ­ທີ​ປ້ອງ​ກັນ​ນັ້ນ ຈະ​ຕ້ອງ​ໄດ້​ຈັດ​ຕຳ­ແໜ່ງ​ການ​ວາງ​ໜ້າ​ຈໍ​ຄອມ​ພິວ​ເຕີ​ໃຫ້​ຫ່າງ​ຈາກ​ດວງ​ຕາ​ປະ­ມານ​ໃດ​ໜຶ່ງ​ເພື່ອ​ຫຼຸດ​ແສງ​ສະ­ທ້ອນ​ຈາກ​ໜ້າ​ຈໍ ຫຼື ອາດ​ໃຊ້​ແກ້ວ​ກັນ­ແສງ​ສະ­ທ້ອນ​ຕິດ​ທີ່​ໜ້າ​ຈໍ​ຄອມ ພິວ​ເຕີ​ເພື່ອ​ຫຼຸດ​ແສງ​ສະ­ທ້ອນ​ເຂົ້າ​ຫາ​ດວງ​ຕາ ແລະ​ຂະ­ນະ​ເຮັດ​ວຽກ​ຢູ່​ໜ້າ​ຈໍ​ກໍ​ຄວນ​ກະ​ພິບ​ຕາ​ເພີ່ມ​ຂຶ້ນ​ເພື່ອ​ເພີ່ມ​ຄວາມ​ຊຸ່ມ​ຊື່ນ​ໃຫ້​ກັບ​ຜິວ​ດວງ​ຕາ ໂດຍ​ປົກ­ກະ­ຕິ​ສະ­ເລ່ຍ 14-16 ຄັ້ງ​ຕໍ່​ນາ­ທີ ຢ່າງ­ໃດ​ກໍ​ຕາມ ຜົນ​ການ​ສຶກ​ສາ​ກໍ​ພົບ​ວ່າ­ການ​ໃຊ້​ງານ​ໜ້າ​ຈໍ​ຄອມ​ພິວ​ເຕີ​ຈະ​ເຮັດ​ໃຫ້​ຄວາມ​ຖີ່​ຂອງ​ການ​ກະ​ພິບ​ຕາ​ຫຼຸດ​ລົງ​ເຫຼືອ​ພຽງ 1 ໃນ 4 ຂອງ​ຄວາມ​ຖີ່​ປົກ­ກະ­ຕິ ຊຶ່ງ​ສົ່ງ​ຜົນ​ໃຫ້​ເກີດ​ອາ­ການ​ຕາ​ແຫ້ງ ແລະ​ແສບ​ຕາ​ນັ້ນ​ເອງ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຫມວດຫມູ່

Copy Protected by Chetan's WP-Copyprotect.