ຫວຽດນາມ ຍົກເລີກນໍາເຂົ້າຂີ້ເຫຍື້ອຢາງ ໃນປີ 2025

ລັດຖະບານຫວຽດນາມ ປະກາດເມື່ອບໍ່ດົນມານີ້ວ່າ: ຈະຍົກເລີກການນໍາເຂົ້າຂີ້ເຫຍື້ອທີ່ເປັນຢາງ ຕັ້ງແຕ່ປີ 2025 ເປັນຕົ້ນໄປ ແລະ ຈະຈັດການກັບຕູ້ສິນຄ້າຂີ້ເຫຍື້ອທີ່ຍັງຕົກຄ້າງຢູ່ທີ່ທ່າເຮືອຈໍານວນຫຼາຍ.

ຂໍ້ມູນຂອງກົມພາສີອາກອນ ຫວຽດນາມ ຊີ້ວ່າ: ຫວຽດນາມ ນໍາເຂົ້າຂີ້ເຫຍື້ອເຊິ່ງລວມເຖິງເຫຼັກ, ເຈ້ຍ ແລະ ຢາງ ລວມກັນ 9,2 ລ້ານໂຕນ ເມື່ອປີກ່ອນເພີ່ມຂຶ້ນ 14% ຈາກປີ 2017.

ນັບຈົນເຖິງທ້າຍເດືອນກຸມພາທີ່ຜ່ານມາ ມີຕູ້ສິນຄ້າທີ່ບັນຈຸຂີ້ເຫຍື້ອເກືອບ 21.600 ຕູ້ ທີ່ຍັງບໍ່ມີການຕິດຕໍ່ເພື່ອນໍາຕູ້ສິນຄ້າດັ່ງກ່າວອອກຈາກທ່າເຮືອ ໂດຍ 44% ຂອງຕູ້ສິນຄ້າເຫຼົ່ານັ້ນຕົກຄ້າງຢູ່ທີ່ທ່າເຮືອມາຍາວນານກວ່າ 3 ເດືອນ.

ລັດຖະບານຫວຽດນາມ ມີຄໍາສັ່ງໃຫ້ຍົກເລີກນໍາເຂົ້າຂີ້ເຫຍື້ອຊົ່ວຄາວ ເມື່ອເດືອນກໍລະກົດ ປີ 2018 ໂດຍລະບຸວ່າ: ຫວຽດນາມ ຕ້ອງບໍ່ກາຍເປັນສະຖານທີ່ຖິ້ມຂີ້ເຫຍື້ອຂອງປະເທດອື່ນເຮັດໃຫ້ສິນຄ້າຫຼາຍພັນຕູ້ຕົກຄ້າງຢູ່ທ່າເຮືອມາຍາວນານຫຼາຍເດືອນ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຫມວດຫມູ່

Copy Protected by Chetan's WP-Copyprotect.