ເອັບ​ສັນ​ ນຳ​​ເຄື່ອງພິມ 6 ຮຸ່ນ​ຕອບໂຈດ​ຕະ­ຫຼາດ​ລາວ

ເອັບ​ສັນ​ ນຳ​​ເຄື່ອງພິມ 6 ຮຸ່ນ​ຕອບໂຈດ​ຕະ­ຫຼາດ​ລາວ

ເອັບ​ສັນ​ ນຳ​​ເຄື່ອງພິມ 6 ຮຸ່ນ​ຕອບໂຈດ​ຕະ­ຫຼາດ​ລາວ

ເມື່ອ​ວັນ​ທີ 16 ກຸມ­ພາຜ່ານ​ມາ​ ທີ່ໂຮງ­ແຮມ​ແລນ​ມາກ ນະ­ຄອນ­ຫຼວງ​ວຽງຈັນ ບໍ­ລິ­ສັດເອັບ​ສັນຕົວ​ແທນ​ຈຳ­ໜ່າຍສິນ­ຄ້າ​ໄອ​ທີ​ໃນ ສປປ ລາວ ໄດ້​ນຳ​ສະ­ເໜີຜະ­ລິດ​ພັນນະ​ວັດ­ຕະ​ກຳ​ໃໝ່​ເຄື່ອງ​ພີມ 6 ຮຸ່ນ ຈາກ L-Series ແລະ ເຄື່ອງ​ສະ​ແກນ ເນີ 4 ຮຸ່ນ ເພື່ອ​ເຈາະ​ຕະ­ຫຼາດລາວ.

ທ່ານ ໄພ​ໂຣດ ຍົມ​ມະ­ຫາ​ລາ​ກຸນ ຜູ້ຈັດ­ການ​ທະ​ນາ​ທຸ­ລະ​ກິດ​ເອັບ​ສັນ ປະ­ຈຳລາວ​ກ່າວ​ວ່າ: ປະ­ຈຸ​ບັນ ໃນ ສປປ ລາວ ໄດ້​ມີ​ການ​ພັດ­ທະ­ນາ​ຫຼາຍ​ໂຄງ­ການ​ທີ່ ສຳ­ຄັນ​ນັບ​ທັງ​ພາກ​ລັດ​ພາກ​ທຸ­ລະ​ກິດ ແລະ​ການ​ລົງ­ທຶນ​ຕ່າງ­ປະ­ເທດ​ຈຶ່ງ​ເປັນ​ໂອກາດ​ທີ່​ດີ​ໃຫ້​ແກ່​ຕະ­ຫຼາດ​ໄອ​ທີ​ໃນ​ລາວ, ໃນ​ຂະ­ນະ​ທີ່ບໍ­ລິ­ສັດ​ໄອ​ທີ​ຕ່າງໆ​ເຫັນ​ໄດ້​ໂອກາດ​ທາງ​ທຸ­ລະ​ກິດ​ສົດ­ໃສ​ແນ່­ນອນ​ໃນ ນັ້ນ​ລວມ​ທັງ​ເອັບ​ສັນ​ສິນ­ຄ້າ​ຊັ້ນ​ນຳ​ລະດັບ​ໂລກ​ໃນ​ເລື່ອງ​ເຕັກ​ໂນ​ໂລ​ຊີ​ດ້ານ​ການພິມ ແລະ​ເຄື່ອງ­ສາຍ​ໂປຣ​ເຈັກ​ເຕີ, ປະ­ຈຸບັນ​ຍັງ​ຄົງ​ເປັນ​ສິນ­ຄ້າ​ຊັ້ນ​ນຳ​ຕະ­ຫຼາດດ້ານ​ເຄື່ອງ­ພິມ inkjet ໃນ​ລາວ, ເພື່ອເປັນ​ການ​ຍືນ​ຢັນ​ໃນ​ການ​ເປັນ​ຜູ້­ນຳ​ດ້ານຕະ­ຫຼາດ​ເອັບ​ສັນ​ໄດ້​ຕັດ­ສິນ​ໃຈ​ເປີດ​ໂຕ ເຄື່ອງ­ພິມ inkjet-tank 6 ຮຸ່ນ​ໃໝ່​ຈາກ L-Series ແລະ​ເຄື່ອງ​ສະ​ແກນ​ເນີ 4 ຮຸ່ນ ເພື່ອ​ເຈາະ​ຕະ­ຫຼາດ​ລາວ​ໂດຍ​ເນັ້ນ​ກຸ່ມ​ເປົ້າໝາຍ​ໄປ​ທີ່​ກຸ່ມ​ພາກ​ທຸ­ລະ​ກິດ ພາກ​ລັດ​ຖະ ບານ ແລະ​ສະ​ຖາ​ບັນ​ສຶກ​ສາ.

ຫຼັງ​ຈາກ​ການ​ເປີດ​ໂຕ​ໃນ​ອາ­ຊີ ປີ 2010 ເຄື່ອງ­ພິມ ເອັບ​ສັນ (EPSON L-Series inkjet tank) ໄດ້​ກະ​ຕຸ້ນ​ອຸດສາ​ຫະ​ກຳ​ມີ​ການ​ເຕີບ​ໂຕ​ຢ່າງ​ຕໍ່​ເນື່ອງ ຂອງ​ເຄື່ອງ­ພິມ​ຮຸ່ນ​ໃໝ່ໆ, ໂດຍ​ກາງ​ປີ 2016 ເຄື່ອງ­ພິມ​ຮຸ່ນ L-Series ມີ​ຍອດຂາຍ​ໃນ​ເຂດ​ນີ້ 15 ລ້ານ​ເຄື່ອງ​ໄປ​ແລ້ວ  ສຳ­ລັບ ສປປ ລາວ ມີ­ຄ່າ​ນິ­ຍົມ​ໃນ​ຍີ່­ຫໍ້ຂອງ​ສິນ­ຄ້າ ແລະ​ເຄື່ອງ­ພິມ inkjet tank  ມີ​ທ່າ​ອ່ຽງ​ເພີ່ມ​ຂຶ້ນ​ເຮັດ​ໃຫ້​ຜູ້​ຜະ­ລິດ​ລາຍໃຫຍ່​ຫຼາຍ​ທ່ານ​ເຂົ້າ​ມາ​ໃນ​ຕະ­ຫຼາດ​ນີ້, ເຖິງ​ແມ່ນ​ວ່າ​ຈະ​ມີ​ການ​ແຂ່ງ­ຂັນ​ຫຼາຍ EPSON L-Series ກໍ​ຍັງ​ໄດ້​ຮັບ​ຄວາມນິ­ຍົມ ແລະ​ພໍ­ໃຈ​ໃນ​ການ​ເພີ່ມ​ຂຶ້ນ​ຂອງຍອດ​ຂາຍ.

ສຳ­ລັບ L-Series 6 ມີ​ບາງ​ຢ່າງເພີ່ມ​ໃໝ່ ແລະ​ກໍ​ມີ​ບາງ​ຢ່າງ​ເພີ່ມ​ຄວາມ​ສາມາດ​ຈາກ​ຮຸ່ນ​ເກົ່າ ຊຶ່ງ​ເປັນ​ເຄື່ອງ­ພິມ​ທີ່​ໃຊ້​ງານ​ໄດ້​ຫຼາຍ​ຮູບ​ແບບ​ທີ່​ໄດ້​ຮັບ​ການອອກ​ແບບ​ເພື່ອ​ໃຫ້​ເໝາະ​ສົມ​ກັບ​ການ​ໃຊ້ ງານ​ໃນ​ທຸກໆ​ລະ­ດັບ​ບໍ່​ວ່າ​ຈະ​ເປັນ​ພາກລັດ, ເອ­ກະ​ຊົນ, ທຸ­ລະ​ກິດ​ຂາດ​ນ້ອຍ, ກາງ ແລະ​ໃຫຍ່, ສ່ວນ​ຮຸ່ນ L360, L380, L385 ແລະ L3485 ກໍ​ໄດ້​ຮັບ​ການ​ປັບປຸງ​ທີ່​ທັນ​ສະ­ໄໝ ແລະ​ມີ​ຄວາມ​ໄວ​ໃນການ​ພິມ​ເພີ່ມ​ຂຶ້ນ 30%; L605, ແລະ L1455 ນີ້​ແມ່ນ​ເປັນ​ຮຸ່ນ​ທີ່​ອອກ​ໃໝ່ ແຕ່ລະ​ເຄື່ອງ​ແມ່ນ​ຮັບ­ປະ­ກັນ​ເປັນ​ເວ­ລາ 2 ປີ ຊຶ່ງ​ປະ­ຈຸ​ບັນ​ມີ​ພຽງ EPSON ຍີ່­ຫໍ້ດຽວ​ທີ່​ກ້າ​ຮັບ­ປະ­ກັນ​ຄຸນ​ນະ​ພາບ​ທຸກໆ​ຊິ້ນ  ສ່ວນ​ຂອງ​ເຄື່ອງ­ພິມ​ລວມ​ທັງ​ຫົວ​ພິມ ແລະ​ແຜ່ນ​ນ້ຳ​ມຶກ.

ສ່ວນ​ເຄື່ອງ​ສະ​ແກນ​ເນີ 4 ຮຸ່ນ (DS-360w) ເປັນ​ແບບ​ພົກ​ພາ​ສາ­ມາດ​ໃຊ້ ສະ​ແກນ​ແບບ​ວາຍ​ຟາຍ (WiFi) ໄດ້ຮຸ່ນ DS-530 ແລະ DS-570w  ສາມາດ​ສະ​ແກນ​ເຈ້ຍ​ຂະ­ໜາດ A4 ໄດ້ເຖິງ 4 ພັນ​ໜ້າ​ຕໍ່​ມື້, ຍິ່ງ​ໄປ​ກວ່າ​ນັ້ນ​ມັນຍັງ​ໄດ້​ຄຳ­ນຶງ​ເຖິງ​ເອ­ກະ­ສານ​ຕົ້ນ​ສະ­ບັບເພື່ອ​ໃຫ້​ແນ່​ໃຈ​ວ່າ​ຈະ​ບໍ່​ມີ​ການ​ທັບ​ຊ້ອນກັນ, Flatbed Dock ເປັນ​ຄຳ​ສັ່ງ​ທີ່​ເຮັດໃຫ້​ຜູ້​ໃຊ້​ງານ​ໝັ້ນ​ໃຈວ່າ ­ການ​ສະ​ແກນຈະ​ກົງ​ກັບ​ເອ­ກະ­ສານ​ຕົ້ນ​ສະ­ບັບ​ຫຼາຍ​ທີ່ ສຸດ, DS-1630 ເປັນ​ຮຸ່ນ​ໃໝ່​ສາ­ມາດສະ​ແກນ ແລະ​ສົ່ງ​ຟາຍ​ໃຫ້​ຜູ້​ໃຊ້​ງານຫຼາຍ​ຄົນ​ໄດ້​ໃນ​ເວ­ລາ​ດຽວ​ກັນ​ຜ່ານ​ທາງລະ­ບົບ​ເຄືອ​ຂ່າຍ  ຊຶ່ງ​ເຄື່ອງ​ສະ​ແກນ​ເຫຼົ່າ ນີ້​ມີ​ປະ­ສິດ­ທິ­ພາບ​ເຮັດ​ວຽກ​ດີ​ຂຶ້ນ ແລະ​ໄວຂຶ້ນ​ກວ່າ​ເກົ່າ 35% ຍ້ອນ​ແນວ​ນີ້ ທາງ​ບໍລິ​ສັດ​ເອັບ​ສັນ ຈຶ່ງ​ໄດ້​ນຳ​ສະ­ເໜີຜະ­ລິດ​ຕະພັນ​ທີ່​ເປັນ​ນະ​ວັດ­ຕະ​ກຳ​ໃໝ່​ເຂົ້າ​ສູ່​ປະເທດ​ລາວ​ທັງ​ນີ້​ກໍ​ເພື່ອ​ເຮັດ​ໃຫ້​ລູກ​ຄ້າ​ມີທາງ​ເລືອກ​ຫຼາຍ​ຂຶ້ນ.

 

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຫມວດຫມູ່

Copy Protected by Chetan's WP-Copyprotect.