ໂຣນ​ັລ​ດິນ​ໂຢ້ ປະ­ກາດ​ອຳ​ລາ​ວົງ​ການ​ບານ­ເຕະ

ໂຣນ​ັລ​ດິນ​ໂຢ້ ປະ­ກາດ​ອຳ​ລາ​ວົງ​ການ​ບານ­ເຕະ

ໂຣນ​ັລ​ດິນ​ໂຢ້ ປະ­ກາດ​ອຳ​ລາ​ວົງ​ການ​ບານ­ເຕະ

ໂຣນ​ັລ​ດິນ​ໂຢ້ ອະ­ດີດ​ດາວ​ຍິງ​ທີມ​ຊາດ​ບຣາ​ຊິນ ໄວ 37 ປີ ຕັນ​ສິນ​ໃຈ​ຢຸດ­ຕິ​ການ​ເປັນ​ນັກ​ເຕະ­ບານ​ອາ­ຊີບ​ຢ່າງ​ເປັນ​ທາງ​ການ​ຮຽບ​ຮ້ອຍ​ແລ້ວ ຊຶ່ງ​ຄາດ​ວ່າ​ຈະ​ມີ​ນັດ​ອຳ​ລາ​ວົງ​ການ​ຢ່າງ​ເປັນ​ທາງ​ການ​ພາຍ­ຫຼັງ​ຈົບ​ການ​ແຂ່ງ­ຂັນ​ບານ­ເຕະ​ໂລກ 2018 ຮອບ​ສຸດ​ທ້າຍ.

ສຳ­ນັກ​ຂ່າວ​ກີ­ລາ​ຕ່າງ­ປະ­ເທດ​ໄດ້​ລາຍ​ງານ​ເມື່ອ​ອາ­ທິດ​ທີ່​ຜ່ານ​ມາ​ວ່າ ໂຣ​ແບຣ​ໂຕ້ ເດ ອັສ​ຊິ​ສ ອ້າຍ ແລະ​ເປັນ​ຜູ້​ຈັດ­ການ​ສ່ວນ​ຕົວ​ຂອງ ໂຣນ​ັລ​ດິນ​ໂຢ້ ໄດ້​ອອກ​ມາ​ເປີດ­ເຜີຍ​ເມື່ອ​ວັນ​ທີ 16 ມັງ­ກອນ 2018 ຜ່ານ​ມາ ກ່ຽວ​ກັບ​ການ​ຕັດ­ສິນ​ໃຈ​ອຳ​ລາ​ວົງ​ການ​ບານ­ເຕະ​ຢ່າງ​ເປັນ​ທາງ​ການ​ຂອງ​ນ້ອງ​ຊາຍ​ໂດຍ​ລະ­ບຸ​ວ່າ “ເຂົາ​ຢຸດ​ເຕະ­ບານ​ແລ້ວ ມັນ​ຈົບ​ລົງ​ແລ້ວ ຊຶ່ງ​ຕອນ​ນີ້​ກໍ​ເຖິງ​ເວ­ລາ​ທີ່​ຈະ​ຕ້ອງ​ກິດ­ຈະ­ກຳ​ໃຫ້​ຍິ່ງ​ໃຫຍ່​ຢ່າງ​ທີ່​ຄວນ​ຈະ​ເປັນ ແລະ​ອາດ​ຈະ​ເກີດ​ຂຶ້ນ​ພາຍ­ຫຼັງ​ຈົບ​ເສິກ​ບານ­ເຕະ​ໂລກ 2018 ທີ່​ປະ­ເທດ​ຣັດ​ເຊຍ”.

ສຳ­ລັບ ໂຣນ​ັລ​ດິນ​ໂຢ້  ເລີ່ມ​ຕົ້ນ​ເສັ້ນ­ທາງ​ອາ­ຊີບ​ນັກ​ເຕະ­ບານ​ດ້ວຍ​ການ​ເປັນ​ນັກ​ເຕະ​ເຍົາ­ວະ​ຊົນ​ຂອງ ເກຣ​ມິ​ໂອ ທີມ​ດັງ​ໃນ​ບ້ານ​ເກີດ ດ້ວຍ​ທັກ​ສະ­ການ​ເຕະ­ບານ​ທີ່​ໂດດ​ເດັ່ນ ສົ່ງ​ຜົນ​ໃຫ້​ດາວ​ຮຸ່ງ​ດວງ​ນີ້​ສາ­ມາດ​ກ້າວ​ຂຶ້ນ​ສູ້​ທີມ​ຊຸດ​ໃຫຍ່​ດ້ວຍ​ໄວ​ພຽງ 18 ປີ ກ່ອນ​ຈະ​ໂຊ​ຟອມ​ການ​ຫຼິ້ນ​ໄດ້​ຢ່າງ​ເໜືອ​ຊັ້ນ ດ້ວຍ​ສະ­ຖິ­ຕິ​ລົງ​ສະ­ໜາມ 52 ນັດ ຍິງ​ທະ­ລຸ​ໄດ້ 21 ປະ­ຕູ ຕະ­ຫຼອດ​ການ​ລົງ​ຫຼິ້ນ 3 ລະ­ດູ​ການ ຫຼັງ​ຈາກ​ນັ້ນ​ກໍ​ຍ້າຍ​ມາ​ຄ້າ​ແຂ່ງ​ໃນ​ທະ­ວີບ​ເອີ​ຣົບ​ກັບ​ທີມ ປາ​ຣີ​ສ ແຊງ​-ແຊກ​ແມງ ເມື່ອ​ປີ 2001 ແລະ​ຕໍ່​ມາ​ກໍ​ປະ­ສົບ​ຄວາມ​ສຳ­ເລັດ​ຢ່າງ​ສູງ​ກັບ ບາ​ເຊ​ໂລ​ນາ ຊຶ່ງ​ເປັນ​ທີມ​ແຊ໋ມ​ຢູ່​ຟາ ແຊ໋ມ​ປຽນ​ລີກ ເມື່ອ​ປີ 2006 ຊຶ່ງ​ມີ ໂຣນ​ັລ​ດິນ​ໂຢ້ ຢູ່​ໃນ​ສັງ­ກັດ ຫຼັງ​ຈາກ​ນັ້ນ​ກໍ​ຍ້າຍ​ມາ​ຮ່ວມ​ທີມ ເອ​ຊີ ມິ​ລານ ໃນ​ປີ 2008 ກ່ອນ​ຈະ​ຍ້າຍ​ກັບ​ບ້ານ​ເກີດ​ໄປ​ຫຼິ້ນ​ໃຫ້​ກັບ ຟລາ​ເມງ​ໂກ ເມື່ອ​ປີ 2011 ຈາກ​ນັ້ນ​ກໍ​ຫຼິ້ນ​ໃຫ້​ກັບ​ທີມ ອັຕ​ເລ​ຕ​ໂກ ມີ​ໄນ​ໂຣ້ ແລະ​ເກ​ເຣ​ຕາ​ໂຣ້ ກ່ອນ​ຈະ​ປິດ​ສາກ​ອາ­ຊີບ​ນັກ​ເຕະ​ກັບ​ທີມ ຟລູ​ມິ​ເນນ​ເຊ້.

ຂະ­ນະ​ທີ່​ການ​ຮ່ວມ​ທີມ​ຊາດ​ບຣາ​ຊິນ​ນັ້ນ ໂຣນ​ັລ​ດິນ​ໂຢ້ ໄດ້​ລົງ​ຫຼິ້ນ​ທັງ​ໝົດ 97 ນັດ ສາ­ມາດ​ຍິງ​ທະ­ລຸ 33 ປະ­ຕູ ແລະ​ເປັນ​ສ່ວນ​ໜຶ່ງ​ຂອງ​ທີມ​ໃນ​ຊຸດ​ຄວ້າ​ແຊ໋ມ​ໂລກ​ເມື່ອ​ປີ 2002 ອີກ​ດ້ວຍ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຫມວດຫມູ່

Copy Protected by Chetan's WP-Copyprotect.