10 ວິທີ​ຮັກສາ Inkjet Printer ໃຫ້​ຢູ່​ກັບ​​ເຮົາ​ໄປ​ດົນໆ

ເຄື່ອງພິມອິງ​ເຈັດ (Inkjet Printer) ນັ້ນ​ເປັນ​ອຸປະກອນ​ສຳຄັນ​ສຳລັບ​ວຽກ​ເອກະສານທີ່​ຫຼາຍ​ໆ​ຄົນ​ຂາດ​ບໍ່​ໄດ້ ດັ່ງນັ້ນ ມື້​ນີ້​ຄໍ​ລຳ​ຜ່າ​ໂລກ​ໄອ​ທີ​ຈິ່ງ​ມີ 10 ວິທີ​ແນະນຳ​ການ​ດູ​ແລ​ຮັກສາ​ເຄື່ອງພິມອິງ​​ເຈັດ ໃຫ້​ຢູ່​ກັບ​ເຮົາ​ໄປ​ດົນໆ​ມາ​ຝາກ ຊຶ່ງ​ສາມາດ​ເຮົາ​ໄດ້​ດັ່ງ​ຕໍ່​ໄປ​ນີ້:

  1. ທຳ​ຄວາມ​ສະອາດຫົວພິມ​ຂອງ​ເຄື່ອງພິມອິງ​ເຈັດ​ຢູ່​ສ​ະ​ເໝີ

ການ​​ເອົາ​ໃຈ​ໃສ່​ເລື່ອງ​ການ​ຮັກ​ສາຄວາມ​ສະອາດ​ຫົວ​ພິມ​ຂອງ​ເຄື່ອງພິມ​​ເປັນ​ວິ​ທີ​ໜຶ່ງ​ທີ່​ຈະ​ຊ່ວຍ​ບໍ່​ໃຫ້​ເກີດ​ການ​ຕີບ​ຕັນ​ຂອງ​ຫົວ​ພິມ​ໄດ້ ຫຼາຍ​ເທື່ອ​ທີ່​ມີ​ນໍ້າໝຶກ​ບາງ​ສ່ວນ​ຕົກ​ຄ້າງ​ແລ້ວ​ໄຫຼ​ໄປ​ຈັບ​ກັນ​ເປັນ​ຄາບ​ຢູ່​ບໍລິ​ເວນ​ສ່ວນ​ປາຍ​ຂອງ​ຫົວ​ພິມ ​ແລ້ວ​ເຮັດ​ໃຫ້​ອອກ​ອາການ​ແປ​ກໆ ຫຼື​ສີ​ຜິດ​ພ້ຽນ ວິທີ​ແກ້​ໄຂ​ແບບ​ງ່າຍໆ​ຄື ນຳ​ກັບ​ໝຶກ​ອອກ​ມຈາກ​ເຄື່ອງພິມ ​ແລ້ວ​ຄ່ອຍໆ​ເຊັດ​ທຳ​ຄວາມ​ສະອາດ​ບໍລິ​ເວນ​ຫົວ​ພິມ​ດ້ວຍ cotton buds  ຫ້າມ​ໃຊ້​ເຈ້ຍອະນາ​ໄມ​ແລະ​​ເຫຼົ້າ​ເຊັດ​ໂດຍ​ເດັດຂາດ, ຈາກ​ນັ້ນ ນຳ​ກັບ​ໝຶກ​ໃສ່​ເຂົາ​ໄປ​ໃນ​ຊ່ອງ​ຂອງ​ເຄື່ອງພິມ​ແລ້ວ​ດຶງ​ອອກ​ມາ ການ​ຮັກສາ​ຄວາມ​ສະອາດ​ຂອງ​ຫົວ​ພິມ​ແບບ​ສະໝໍ່າສະ​ເໝີ​ຈະ​ຊ່ວຍ​ໃຫ້​ງານ​ພິມ​ໄດ້​ປະລິມານ​ຫຼາຍ​ຂຶ້ນ​ແບບ​ເຫັນ​ໄດ້​ຊັດ​ເຈນ​ເລີຍ.

  1. ພະຍາຍາມ​ໃຊ້​ເຄື່ອງພິມ​​ໃຫ້​ສະໝໍ່າສະ​ເໝີ

​ເຄື່ອງພິມ​ທຸກ​ຕົວ​ສາມາດ​ປ້ອງ​ກັນ​ບັນຫາ​ງານ​ພິມ​ບໍ່​ໄດ້​ດັ່ງ​ໃຈ​ດ້ວຍ​ການ​ໝັ່ນ​ໃຊ້​ວຽກ​ມັນ​ເລື້ອຍໆ ຫຼື​ຢ່າງ​ໜ້ອຍ​ໃຊ້​ພິມ​ງານ​ທັງ​ສີ ​ແລະ​ຂາວ-ດຳ​ແດ່ ​ເພາະ​ຈະ​ຊ່ວຍ​ປ້ອງ​ກັນ​ບໍ່​ໃຫ້​ໝຶກ​ແຫ້ງ​ເປັນ​ຄາບ​ຕິດ​ຢູ່​ພາຍ​ໃນ​ທໍ່​ສີດ​ນໍ້າໝຶກ ຄຳ​ແນະນຳ​ຄື ຄວາມ​​ເປີດ​ເຄື່ອງ Printer  ອາທິດ​ລະ​ຄັ້ງ ​ເພື່ອ​ໃຫ້​ຫົວ​ພິມ​ສີດ​ໝຶກ​ໃໝ່​ເຂົ້າ​ໄປ​ໄລ​ໝຶກ​​ເກົ່າ ປ້ອງ​ກັນ​ບັນຫາ​ກາ​ນຕີບ​ຕັນ​ຂອງ​ໝຶກ.

  1. ການ​ເກັບ​ຮັກສາ​ເຄື່ອງພິມ​ເມື່ອ​ບໍ່​ໄດ້ນຳ​ໃຊ້

ຄວນ​ມີ​ຜ້າຄຸມ​ກັນ​​ຝຸ່ນ​ເຄື່ອງພິມ​ໄວ້ ​ເພື່ອ​ປ້ອງ​ກັນ​ຝຸ່ນ​ລະອອງ​ບໍ​ໃຫ້​ເຂົ້າ​ມາ​ໃນ​ກົນ​​ໄກ ສຳລັບ​ເຄື່ອງພິມ​ທີ່​ມີ​ຫົວ​ພິມ​ຢູ່​ຕົວ​ເຄື່ອງ ຈະ​ຕ້ອງມີ​ກັບ​ໝຶກ​ຕິດ​ຢູ່​ເຄື່ອງ​ສະ​ເໝີ ​ເຖິງ​ວ່າ​ຈະ​ມີ​ໝຶກ​ຢູ່ຫຼື​ບໍ່​ກໍ່​ຕາ​ມ ​ເພາະ​ການ​ນຳ​ກັບ​ໝຶກ​ອອກ ຈະ​ເປັນ​ການ​ເປີດ​ໃຫ້​ອາກາດ​ເຂົ້າ​ໄປ​ເຮັດ​ໃຫ້​ທໍ່​ທາງ​ເດີນ​ນໍ້າ​ໝຶກແຫ້ງ ສ່ວນ​ປະ​ເພດ​ທີ່​ຫົວ​ພິມ​ຢູ່​ໃນ​ກັບ​ໝຶກ ​ໃຫ້​ນຳ​ກັບ​ໝຶກ​ອອກ​ມາ​ໄວ້​ໃນ​ຖົງ  Zip-lock ຫຼື ຖົງພລາສຕິກ​ແລ້ວ​ປິດ​ປ້ອງ​ກັນ​ບໍ່​ໃຫ້​ອາກາດ​ເຂົ້າ​ໄປ

  1. ຮັກສາ​ສຸຂະພາບ​ຂອງ​ເຄື່ອງພິມ​ໃຫ້​ດີ

ການ​ໝັ່ນ​ກຳຈັດ​ເສດ​ເຈ້ຍ ​ແລະ​ຝຸ່ນ​ຜົງ​ທັງຫຼາຍ​ດ້ວຍ​ການ​​ເປົ່າ​ເສດ​ຜົງ ​ແລະ​ຝຸ່ນ​ອອກ​ດ້ວຍ​ເຄື່ອງ​ເປົ່າ​ລຳ​ທຳ​ມະ​ດາໆ (ບໍ່​ແມ່ນ​ເຄື່ອງ​​ເປົ່າ​ຜົມ) ຈະ​ຊ່ວ​ຍໃຫ້​ເຄື່ອງພິມ​ຂອງ​ເຮົາ​ສາມາດ​ປ້ອນ​​ເຈ້ຍ​ໄດ້​ແບບ​ບໍ່ຕິດ​ຂັດ

  1. ຢ່າ​ໃຫ້​ຫົວ​ພິມ​ຕັນ

ຫົວ​ພິມ​ປະກອບ​ດ້ວຍ nozzle  ຊຶ່ງ​ເປັນ​ທໍ່​ສີດ​ນໍ້າໝຶກ ​ເມື່ອ​ເກີດ​ການ​ອັດ​ຕັນ​ຈະ​ເຮັດ​ໃຫ້​ງານ​ພິມ​ຂະໜາດ​ຄວາມ​ຄົມ ຫຼື​ມີ​ລາຍ​ເປັນ​ເສັ້ນໆ ວິ​ທີ​ແກ້​ໄຂ​ຄື​ໃຫ້​ຮຽກ​ໃຊ້​ໂປຣ​ແກ​ຣມສຳລັບ​ກວດ​ສອບ ​ແລະທຳ​ຄວາ​ມສະອາດ​ຫົວ​ພິມ​ທີ່​ຕິດ​ຕັ້ງ​ມາ​ພ້ອມ​ກັບ​ຕອນ​ທີ່​ເຮົາ​ຕິດ​ຕັ້ງ driver  ຊຶ່ງ​ຈະ​ມີ​ຄຳ​ແນະນຳ​ຂັ້ນ​ຕອນ​ຕ່າງໆ​ຢູ່​ແລ້ວ.

  1. ການ​ທຳ​ຄວາມ​ສະອາດ​ລູກ​ກິ້ງ​ໝຸນ​ເຈ້ຍ (Roller)

ນໍາ​ເຈ້ຍ​ໜາໆ​ທີ່​ສາມາດ​ດູດ​ຊຶມ​ນໍ້າ​ໄດ້​ດີ ​ແລ້ວ​ສີດ​ນໍ້າ​ຢາ​ທຳ​ຄວາມ​ສະອາດ​ທີ່​ມີ​ສ່ວນ​ປະສົມ​ຂອງ​ແອນ​ໂມ​ເນຍ​ໃຫ້​ໝາດໆ ​ແລ້ວ​ປ້ອນ​ເຂົ້າ​ໄປ​ໃນ​ເຄື່ອງພິມ ​ແລະ feed ​ເຈ້ຍ​ອອກ​ມາ ​ເຮັດ​ແບບ​ນີ້​ຊໍ້າໆ 2-3 ຄັ້ງ ​ແລ້ວ​ຈິ່ງ​ໃຊ້​ເຈ້ຍ​ທຳ​ມະ​ດາ​ປ້ອນ​ເຂົ້າ​ໄປ ​ແລະ ອອກ​ມາ​ເພື່ອ​​ເຊັດ​ລູກ​ກິ​ງໝຸນ​ເຈ້ຍ​ໃຫ້​ແຫ້ງ ພຽງ​ເທົ່າ​ນີ້ ກໍ​ຈະ​ຊ່ວຍ​ລ້າງ​ໝຶກ ​ແລະ​ສິ່ງ​ສົກກະ​ປົກ​ທີ່​ຕິດ​ຢູ່​ໄດ້​ແລ້ວ

  1. ປິ​ດ​ເຄື່ອງ​ດ້ວຍ switch ຂອງ​ເຄື່ອງພິມ​ກ່ອນ​ຖອດ​ປັກ​ໄຟ

ການ​ປິດ​ເຄື່ອງ​ດ້ວຍ switch ຂອງ​ເຄື່ອງພິມ ຈະ​ເຮັດ​ໃຫ້​ເຄື່ອງພິມ​ມີ​ການ​ທຳ​ຄວາມ​ສະອາດ​ຫົວ​ພິມ ​ແລະ​ເກັບ​ກັບ​ໝຶກ​ເຂົ້າບ່ອນ​ກ່ອນ​ຕັດ​ໄຟ ​ເຂົ້າ​ເຄື່ອງ ຈິ່ງ​ເປັນ​ການ​ເຮັດ​ໃຫ້​ເຄື່ອງພິມ​ຖືກ​ປິດ​ລົງ​ແບບ​ຖືກ​ຕ້ອງ ການ​ຖອດ​ປັກ​ໄຟ​ຫຼື​ປິດ switch ປັກ​ໄຟ​​ໂດ​ຍບໍ່​ປິດ​ດ້ວຍ switch ຂອງ​ເຄື່ອງພິມ​ຈ​ເຮັດ​ໃຫ້​ເພ​ໄດ້​ງ່າຍ.

  1. ໝັ່ນ​ອັບ​​ເດດ ​ driver ແລະ software ຂອງ​ເຄື່ອງພິມ​ຢູ່​ສະ​ເໝີ

​ເພາະ software (ລວມ​ໄປ​ເຖິງ driver) ​ໃໝ່ໆ ຈະ​ຖືກ​ປັບປຸງ​ໃຫ້​ດີ​ຂຶ້ນ​ຈາກ version ກ່ອນໆ ​ແລະ​ໃນ​ບາງ​ຄັ້ງກໍ່​ມີ features  ​ໃໝ່ໆ ​ເພື່ອ​ເພີ່ມ​ປະສິດທິພາບ​ໃນ​ການ​ນຳ​ໃຊ້​ອີກ​ດ້ວຍ

  1. ບໍ່​ຄວນ​ນຳ​ໝຶກ​ຄຸນ​ນະພາ​ບຕໍ່າ​ມາຕື່ມ​​ໃສ່

​ແນ່ນອນ​ແລ້ວ​ ​ເຖິງ​ຈະ​ພິມ​ງານ​ອອກ​ມາ​ໄດ້​ກໍ່ຕາມ ​ແຕ່​ຈະ​ເຮັດ​ໃຫ້​ກັບ​ໝຶກ​ຕີບ​ຕັນ​ໄວຂຶ້ນ ​ແລະ​ອາດ​ເຮັດ​ໃຫ້​ຫົວ​ພິມ​​​ເສາຍ​ຫາຍ​ອີກ​ດ້ວຍ

  1. ຄວນ​ປຸ່ນນໍ້າໝຶກ ​​ເມື່ອ​ມີ​ການ​ເຕືອນ​ໝຶກ​ໝົດ

ຫຼາຍ​ຄົນ​ຍັງ​ຝຶນທີ່​ຈະ​ພິມ​ຕໍ່ ​ເຖິງ​ວ່າ driver ຂອງ​ເຄື່ອງພິມ​ຈະ​ຂຶ້ນ​ມາ​ເຕືອນ​ວ່າ​ໝຶກ​ໝົດ​ແລ້​ວກໍ່​ຕາມ ກໍລະນີ​ໝຶກ​ສີ​ໝົດ ຫາກ​ຍັງ​ຝຶນພິມ​ງານ ຂາວ​-ດຳ​ຕໍ່ ​ເຖິງ​ວ່າ​ໝຶກ​ສີ​ຈະ​ບໍ່​ໄດ້​ໃຊ້ ​ແຕ່​ຄວາມ​ຮ້ອນ​ຢູ່​ຫົວ​ພິມ​ຍັງ​ຄົງມີ​ຢູ່ ຍິ່ງ​ເຮົາ​ຝືນ​ພິມ ຈະ​ເຮັດ​ໃຫ້​ຫົວ​ພິມ​ມີ​ຄວາມຮ້ອນ​ເພີ່ມ​ຂຶ້ນ ຊຶ່ງ​ອາດ​ເຮັດ​​ໃຫ້​ເຄື່ອງພິມ​​ເສຍ​ຫາຍ​ໄດ້.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຫມວດຫມູ່

Copy Protected by Chetan's WP-Copyprotect.