ເວົ້າ​ເລື​່ອງ​ປາບ​ຕັກ​ແຕນ ​ຢູ່​ແຂວງ​ຫຼວງ​ພຣະ​ບາງ

ເວົ້າ​ເລື​່ອງ​ປາບ​ຕັກ​ແຕນ ​ຢູ່​ແຂວງ​ຫຼວງ​ພຣະ​ບາງ

ເວົ້າ​ເລື​່ອງ​ປາບ​ຕັກ​ແຕນ ​ຢູ່​ແຂວງ​ຫຼວງ​ພຣະ​ບາງ

ຕັກ​ແຕນ​ຝູງ​ໜ່ຶງ​ໃນ​ແມງ​ໄມ້​ທີ່​ຈັດ​ຢູ່​ໃນ​ກຸ່ມສັດຕູ​ພືດ ຊຶ່ງ​ສາມາດ​ທຳລາຍ​ພືດ​ພັນ​ຂອງ​ຊາວ​ກະສິກຳ​ໄດ້​ເປັນ​ບໍລິ​ເວນ​ກວ້າງ ​ແລະ​​ ໃນ​ໄລຍະ​ຜ່ານ​ມາ ກໍ​ເຄີຍ​ມີ​ຂ່າວ​ຕັກ​ແຕນ​ຝູງ​ໄມ້ປ່ອງ​ອອກ​ອາ​ລະວາ​ດ ກັດ​ກິນ​ຜະລິດ​ຕະພັນຂອງ​ຊາວ​ກະສິກຳ​ຢູ່​ບັນດາ​ແຂວງ​ພາກ​ເໜືອ ​ເປັນຕົ້ນ​ກໍ​ແມ່ນ​ເນື້ອ​ທີ່​ຜະລິດ​ກະສິກຳ​ຢູ່​ແຂວງ​ຫົວພັນ ຊຽງ​ຂວາງ ​ແລະ​ຫຼວງ​ພຣະບາງ ດັ່ງນັ້ນ ​ເພື່ອ​ປ້ອງ​ກັນ​ການລະບາດ​ຂອງ​ຝູງ​ຕັກ​ແຕນທາງ​ແຂວງ​ຫຼວງ​ພຣະບາງ ​ໂດ​ຍສ​ະ​ເພາະ​ແມ່ນ​ຫ້ອງການ​ກະສິກຳ-ປ່າ​ໄມ້​ເມືອງ​ງອຍ ກໍ​ໄດ້​ລົງ​ສົມທົບ​ຊາວບ້ານ​ໃນ​ການ​ປາບ​ປາມ​ຝູງ​ຕັກ​ແຕນ ທັງ​ນີ້ ​ແມ່ນ​ປະຕິບັດ​ຕາມ​ຫຼັກ​ວິຊາສະ​ເພາະ ​ແລະ​ແບບ​ປະຖົມ​ປະ​ຖານ​ຄວບ​ຄູ່​ກັນ​ໄປ​ເພື່ອ​ບໍ່​ໃຫ້​ຜະລິດຕະພັນ​ທາງ​ກາ​ນກະສິກຳ​ຂອງ​ປະຊາຊົນ​ຖືກ​ທຳລາຍດ່ັງ​ໃນປີຜ່ານໆ​ມາ.

ການ​ກຳຈັດ​ສັດຕູ​ພືດ ຊຶ່ງ​ນຳ​ພາ​ຈັດຕັ້ງປະຕິບັດ​ໂດ​ຍພະນັກງານ​ວິຊາ​ການ​ຫ້ອງການ​ກະສິກຳ-ປ່າ​ໄມ້​ເມືອງ​ງອຍ ມີ​ຂຶ້ນ​ເມ່ືອ​ທ້າຍ​​ເດືອນ​ພຶດສະພາ 2017 ຜ່ານ​ມາ ​ເລີ່​ມຕົ້ນຈາກການ​ໃຊ້​ນ້ຳ​ຢາ​ສີດ​ພົ່ນ​ປະສົມ​ປະສານກັບ​ວິທີ​ພື້ນ​ບ້ານ ນັ້ນກໍ​ຄື ການ​ກວາດ​ຕ້ອນ​ດ້ວຍ​ມຸ້ງ ​ແລະຟາດ​ດ້ວຍ​ຟົດ​ໄມ້​ຊຶ່ງ​ເລີ່​ມຕົ້ນ​ທີ່​ເຂດ​ກຸ່ມ​ພູ​ທິດ​ເຜີ້ງ ​ແລະ​ກຸ່ມ​ໂພນ​ໄຊ ມີ​ຈຳນວນ 5 ບ້ານ ​ໃນ​ນັ້ນ ມີ​ບ້ານ​ກະ​ຕາງ​ຊຽງ ບ້ານ​ຫີນ​ແປ້ນ ບ້ານ​ລ້ອງ​ຄຳ ບ້ານ​ໂພນ ​ແລະ​ບ້ານ​ໂດນ ​ໃນ​ນີ້ ສາມາດ​ສີດ​ພົ່ນ​ຢາ ​ແລະ​ປາບ​ຕັກ​ແຕນ​ໄດ້​ທັງ​ໝົດ 8 ຈຸດ ​ໃນ​ເນື້ອ​ທີ່​ເກືອບ 4 ​ເຮັກຕາ ​ແລະ​ໄດ້​ນຳ​ໃຊ້ນ້ຳ​ຢາ​ຈຳ​ນວນ 23 ກວ່າ​ລິດ ມີ​ແຮງ​ງານ​ທັງ​ໝົດ 123 ຄົນ ຍິງ 45 ຄົນ ຈາກ​ນັ້ນ ທີ​ມງານ​ກໍ​ສືບ​ຕໍ່​ລົງ​ສີດ​ພົ່ນ​ຢາ​ປາບ​ຕັກ​ແຕນ​ຢູ່​ໃນ 3 ກຸ່ມ​ຄື ກຸ່ມ​ເມືອງ​ຊືນ ມີ 3 ບ້ານ ມີ 7 ຈຸດ ​ໃນ​​ເນື້ອທີ່ 44 ​ເຮັກຕາ ກຸ່ມ​ສົບ​ຂີງ ມີ 4 ບ້ານ ມີ 6 ຈຸດ ​ໃນ​ເນ​ື້ອທີ່ 170 ​ເຮັກ​ຕາ ​ແລະ​ກຸ່ມ​ເມືອງ​ງອຍ ມີ 3 ບ້ານ ມີ 9 ຈຸດ ​ໃນ​ເນື້ອ​ທີ່ 98 ​ເຮັກຕາ.

ເວົ້າ​ເລື​່ອງ​ປາບ​ຕັກ​ແຕນ ​ຢູ່​ແຂວງ​ຫຼວງ​ພຣະ​ບາງ

ຢ່າງ​ໃດ​ກໍ​ຕາມ ​ໄລຍະ​ນີ້​ກໍ​​ແມ່ນ​ລະ​ດູ​ທີ່​ເອື້ອ​ອຳນວຍ​ໃຫ້​ແກ່​ການ​ຂະຫຍາຍ​ພັນ​ຂອງ​ຕັກ​ແຕນ​ຝູງ​ໄມ້ປ່ອງ ອັນ​​ໄດ້​ສ້າງ​ບັນຫາ​ໃຫ້​ແກ່​ຊາວ​ກະສິກຳ ​ເປັນຕົ້ນກໍ​ແມ່ນ​ການ​ບຸກທຳລາຍ​ພືດ​ພັນ​ການ​ກະ​ເສດ​ຂອງ​ປະຊາຊົນ​ໃນ​ເຂດ​ເມືອງ​ງອຍ ຊຶ່ງ​ການ​ລົງປາບ​ປາມ​ສັດຕູ​ພືດ​ໃນ​ຄັ້ງນີ້​ກໍ​ຈະ​ຊ່ວຍ​ໃຫ້ການ​ຜະລິດ​ຂອງ​ຊາວ​ກະສິກຳ​ໄດ້​ຮັບ​ຜົນ​ດີ​ຂຶ້ນກວ່າ​ເກົ່າ.

ນສພ ວັນອາທິດ

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຫມວດຫມູ່

Copy Protected by Chetan's WP-Copyprotect.