ເຈົ້າ​ໜ້າ­ທີ່​ພ້ອມ​ເກັບ​ຫຼັກ​ຖານ​ໂດຍ​ກົງ​ຈາກ​ສະ­ມາ­ຊິກ​ພີ​ເອ​ັສ!

ເຂົ້າ​ສູ່​ຂະ​ບວນ​ການ​ທາງ​ກົດ­ໝາຍ​ຮຽບ​ຮ້ອຍ​ແລ້ວ ສຳ­ລັບ​ຄະ­ດີ​ໃຫຍ່​ລະ­ດັບ​ປະ­ເທດ​ນັ້ນ​ກໍ ຄື​ກໍ­ລະ­ນີ​ດຳ­ເນີນ​ທຸ­ລະ​ກິດ​ແບບ​ລະ­ດົມ​ທຶນ​ຂອງ​ບໍ­ລິ­ສັດ ພີ​ເອ​ັສ ສົ່ງ­ເສີມ​ກະ­ສິ­ກຳ ຂາ​ອອກ-ຂາ​ເຂົ້າ ຈຳ­ກັດ​ຜູ້​ດຽວ (PS) ທັງ​ນີ້ ກໍ​ເພື່ອ​ເຮັດ​ໃຫ້​ສະ­ມາ­ຊິກ​ພີ​ເອ​ັສ​ໄດ້​ຮັບ​ຄວາມ​ເປັນ​ທຳ​ຕາມ​ກົດ­ໝາຍ​ຂອງ ສປປ ລາວ ດັ່ງ­ນັ້ນ ກະ­ຊວງ​ປ້ອງ​ກັນ​ສະ­ຫງົບ ກົມ​ໃຫຍ່​ຕຳ­ຫຼວດ ຈິ່ງ​ມີ​ແຈ້ງ​ການ​ເລກ​ທີ 43/ຕຫຼ ວັນ​ທີ 21 ກັນ­ຍາ 2017ເຖິງ ພໍ່​ແມ່​ປະ­ຊາ­ຊົນ ຊາວ​ຄ້າ­ຂາຍ ພະ­ນັກ­ງານ ທະ­ຫານ ຕຳ­ຫຼວດ ຄູ­ບາ ອາ­ຈານ ທີ່​ໄດ້​ເອົາ​ເງິນ​ໃຫ້​ບໍ­ລິ­ສັດ ພີ​ເອ​ັສ ຈົ່ງ​ເຂົ້າ​ໄປ​ແຈ້ງ​ຄວາມ ຫຼື ລາຍ​ງານ​ຜົນ​ເສຍ​ຫາຍ​ຂອງ​ຕົນ​ກັບ​ເຈົ້າ​ໜ້າ­ທີ່​ຕຳ­ຫຼວດ ນັບ​ແຕ່​ນີ້​ເປັນ­ຕົ້ນ​ໄປ​ບໍ່​ໃຫ​ກາຍ​ທ້າຍ​ເດືອນ​ພະ­ຈິກ 2017.

ອີງ​ຕາມ​ກົດ­ໝາຍ​ວ່າ​ດ້ວຍ​ການ​ດຳ­ເນີນ​ຄະ­ດີ​ອາ­ຍາ​ແຫ່ງ ສປ​ປລາວ ແລະ​ກົດ­ໝາຍ​ອາ­ຍາ ມາດ­ຕາ 20 ອີງ​ຕາມ​ຂໍ້​ຕົກ­ລົງ​ຂອງ​ຄະ­ນະ​ສະ­ເພາະ​ກິດ ດຳ­ເນີນ​ການ​ສອບ​ສວນ-ສືບ­ສວນ ແລະ​ຮັກ­ສາ​ຄວາມ​ສະ­ຫງົບ ບໍ­ລິ­ສັດ ພີ​ເອ​ັສ ຂອງ​ທ່ານ​ຮອງ​ລັດ­ຖະ­ມົນ­ຕີ​ກະ­ຊວງ​ປ້ອງ​ກັນ​ຄວາມ​ສະ­ຫງົບ ຮອງ​ຫົວ­ໜ້າ​ຄະ­ນະ​ຄົ້ນ­ຄວ້າ​ແກ້​ໄຂ​ບັນ­ຫາ ບໍ­ລິ­ສັດ ພີ​ເອ​ັສ ເລກ​ທີ 1739/ປກສ ລົງ​ວັນ​ທີ 19 ກັນ­ຍາ 2017 ອີງ​ຕາມ​ຄຳ​ສັ່ງ​ເປີດ​ການ​ສອບ​ສວນ-ສືບ­ສວນ​ຕໍ່​ບໍ­ລິ­ສັດ ພີ​ເອ​ັສ ຂອງ​ຕຳ­ຫຼວດ​ເສດ­ຖະ­ກິດ ເລກ​ທີ 180 181 182 183 184 185 186 187 188 189/302 ລົງ​ວັນ​ທີ 12 ກັນ­ຍາ 2017 ແລະ​ອີງ​ຕາມ​ສະ­ພາບ​ຄວາມ​ເປັນ​ຈິງ ຂອງ​ການ​ດຳ­ເນີນ​ການ​ສອບ​ສວນ-ສືບ­ສວນ ເອົາ​ຄຳ​ໃຫ້­ການ​ຂອງ​ຜູ້​ຖືກ­ເສຍ​ຫາຍ​ຕາມ​ກົດ­ໝາຍ.

ຜ່ານ​ການ​ສືບ­ສວນ-ສອບ​ສວນ ເກັບ​ຂໍ້​ມູນ​ຫຼັກ​ຖານ ແລະ​ໄດ້​ເອົາ​ຄຳ​ໃຫ້­ການ​ຂອງ​ຜູ້​ເສຍ​ຫາຍ​ຈຳ­ນວນ​ໜຶ່ງ ແຕ່​ຍ້ອນ​ວ່າ​ມີ​ຜູ້​ເສຍ​ຫາຍ​ຈຳ­ນວນ​ຫຼວງ­ຫຼາຍ​ໃນ​ຂອບ​ເຂດ​ທົ່ວ​ປະ­ເທດ ຊຶ່ງ​ຍັງ​ບໍ່​ທັນ​ໄດ້​ເຂົ້າ​ໄປ​ລາຍ​ງານ ແລະ​ແຈ້ງ​ຄວາມ​ນຳ​ເຈົ້າ​ໜ້າ­ທີ່​ຕຳ­ຫຼວດ ເພື່ອ​ປົກ​ປ້ອງ​ຜົນ​ປະ­ໂຫຍດ​ຂອງ​ຜູ້​ຖືກ­ເສຍ​ຫາຍ ແລະ​ເພື່ອ​ຮັບ­ປະ­ກັນ​ການ​ດຳ­ເນີນ​ຄະ­ດີ​ໃຫ້​ຖືກ­ຕ້ອງ​ຕາມ​ກົດ­ໝາຍ ດັ່ງ­ນັ້ນ ຮອງ​ຫົວ­ໜ້າ​ກົມ​ໃຫຍ່​ຕຳ­ຫຼວດ ຫົວ­ໜ້າ​ຄະ­ນະ​ສະ­ເພາະ​ກິດ​ການ​ດຳ­ເນີນ​ຄະ­ດີ​ຕໍ່​ກັບ​ບໍ­ລິ­ສັດ ພີ​ເອ​ັສ ຈິ່ງ​ອອກ​ແຈ້ງ​ການ​ດັ່ງ­ນີ້.

1 ໃຫ້​ຜູ່​ຖືກ­ເສຍ​ຫາຍ​ທີ່​ໄດ້​ຂຽນ​ຄຳ​ຮ້ອງ​ຟ້ອງ​ຕໍ່​ບໍ­ລິ­ສັດ​ພີ​ເອ​ັສ​ແລ້ວ ແຕ່​ຍັງ​ບໍ່​ທັນ​ໄປ​ລາຍ​ງານ (ໃຫ້​ປາກ­ຄຳ) ກັບ​ເຈົ້າ​ໜ້າ­ທີ່​ຕຳ­ຫຼວດ​ຢູ່​ກົມ​ຕຳ­ຫຼວດ​ເສດ­ຖະ­ກິດ ກົມ​ໃຫຍ່​ຕຳ­ຫຼວດ ກະ­ຊວງ​ປ້ອງ​ກັນ​ຄວາມ​ສະ­ຫງົບ ແມ່ນ​ໃຫ້​ຮີບ​ຮ້ອນ​ເອົາ​ເອ­ກະ­ສານ ຫຼັກ​ຖານ​ທັງ​ໝົດ​ເຂົາ​ໄປ​ພົບ​ເຈົ້າ​ໜ້າ­ທີ່​ສອບ​ສວນ​ດ່ວນ​ເພື່ອ​ຈະ​ທ້ອນ­ໂຮມ ແລະ​ບັນ­ທຶກ​ເອົາ​ຄຳ​ໃຫ້­ການ​ປະ­ກອບ​ໃສ່​ສຳ­ນວນ​ຄະ­ດີ​ໃຫ້​ທັນ​ເວ­ລາ

2  ໃຫ້​ຜູ່​ຖືກ­ເສຍ​ຫາຍ​ທີ່​ຍັງ​ບໍ່​ໄດ້​ຂຽນ​ຄຳ​ຮ້ອງ​ຟ້ອງ ຫຼື ແຈ້ງ​ຄວາມ​ຜິດ​ຕໍ່​ບໍ­ລິ­ສັດ ພີ​ເອ​ັສ ໃຫ້​ຮີບ​ຮ້ອນ​ຂຽນ​ຄຳ​ຮ້ອງ ຫຼື ເຂົ້າ​ແຈ້ງ​ຄວາມ​ພ້ອມ​ດ້ວຍ​ເອ­ກະ­ສານ​ຫຼັກ​ຖານ​ໂດຍ​ກົງ​ກັບ​ຄະ­ນະ​ສະ­ເພາະ​ກິດ​ດຳ­ເນີນ​ຄະ­ດີ​ຕໍ່​ບໍ­ລິ­ສັດ ພີ​ເອ​ັສ ຢູ່​ກົມ​ຕຳ­ຫຼວດ​ເສດ­ຖະ­ກິດ ກົມ​ໃຫຍ່​ຕຳ­ຫຼວດ ກະ­ຊວງ​ປ້ອງ​ກັນ​ຄວາມ​ສະ­ຫງົບ ກໍ­ລະ­ນີ​ຜູ້​ເສຍ​ຫາຍ​ຢູ່​ຕ່າງ​ເມືອງ ຕ່າງ​ແຂວງ ກໍ​ສາ­ມາດ​ຂຽນ​ຄຳ​ຮ້ອງ​ຟ້ອງ ເຂົ້າ​ໄປ​ແຈ້ງ​ຄວາມ ພ້ອມ​ດ້ວຍ​ເອ­ກະ­ສານ ຫຼັກ​ຖານ ກັບ​ເຈົ້າ​ໜ້າ­ທີ່​ຕຳ­ຫຼວດ​ຢູ່​ກອງ​ບັນ­ຊາ​ການ ປກສ ເມືອງ ຫຼື ຫ້ອງ­ການ​ຕຳ­ຫຼວດ​ຂອງ​ກອງ​ບັນ­ຊາ​ການ ປກສ ແຂວງ ນະ­ຄອນ­ຫຼວງ ທີ່​ຕົນ​ອາ­ໄສ​ຢູ່​ໄດ້.

3 ກຳ­ນົດ​ເວ­ລາ​ຮັບ​ບັນ­ທຶກ​ຄຳ​ໃຫ້­ການ ຮັບ​ຄຳ​ຮ້ອງ​ຟ້ອງ ແລະ​ຮັບ​ແຈ້ງ​ຄວາມ ແມ່ນ​ບໍ່​ໃຫ້​ກາຍ​ວັນ​ທີ 30 ພະ­ຈິກ 2017 ເພື່ອ​ໃຫ້​ເຈົ້າ​ໜ້າ­ທີ່​ຮັບ​ແຈ້ງ​ຄວາມ​ໄດ້​ສັງ​ລວມ​ສົ່ງ​ໃຫ້​ຄະ­ນະ​ສະ­ເພາະ​ກິດ​ດຳ­ເນີນ​ຄະ­ດີ ແລ້ວ​ສັງ​ລວມ​ເຂົ້າ​ໃນ​ບົດ​ສະ­ຫຼຸບ​ຄະ­ດີ​ທັນ​ຕາມ​ເວ­ລາ ດັ່ງ­ນັ້ນ ຈິ່ງ​ແຈ້ງ​ການ​ມາ​ຍັງ​ພໍ່​ແມ່​ປະ­ຊາ­ຊົນ ຊາວ​ຄ້າ­ຂາຍ ພະ­ນັກ­ງານ ທະ­ຫານ ຕຳ­ຫຼວດ ຄູ­ບາ ອາ­ຈານ ທີ່​ໄດ້​ເອົາ​ເງິນ​ໄປ​ໃຫ້​ບໍ­ລິ­ສັດ ພີ​ເອ​ັສ ໃນ​ຂອບ​ເຂດ​ທົ່ວ​ປະ­ເທດ ເພື່ອ​ຊາບ ແລະ​ຈັດ​ຕັ້ງ​ປະ­ຕິ­ບັດ​ຕາມ​ແຈ້ງ​ການ​ຢ່າງ​ເຂັ້ມ​ງວດ.

ຮອງ​ຫົວ­ໜ້າ​ກົມ​ໃຫຍ່​ຕຳ­ຫຼວດ ຫົວ­ໜ້າ​ຄະ­ນະ​ສະ­ເພາະ​ກິດ​ດຳ­ເນີນ​ຄະ­ດີ​ຕໍ່​ບໍ­ລິ­ສັດ ພີ​ເອ​ັສ ພົອ ປອ ເພັງ​ສະ­ຫວັນ ທິບ​ພະ​ວົງ​ໄຊ.

ຕິດ­ຕໍ່​ພົວ­ພັນ​ເພີ່ມ​ເຕີມ​ໄດ້​ທີ່ ພັທ ປອ ພັນ​ໄຊ ທຳ​ມະ​ສິດ 020 76241515 ພັທ ປອ ສີ­ສະ​ຫວັດ ສັງ​ສິນ​ໄຊ 020 99961156 ຮອ ທອງ​ວຽງ ໄຊ​ຍະ​ຈັນ 020 95333434 ຮທ ຊາຍ​ຟອງ ສົມ​ພະ​ວົງ 020 77717176.

ຂ່າວ: ນສພ ວັນອາທິດ

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.