ເຣ​ອັລ ມາດ​ຣິດ ຄວ້າ​ແຊ໋ມ​ສະ­ໂມ­ສອນ​ໂລກ ສະ­ໄໝ​ທີ 2 ຕິດ­ຕໍ່​ກັນ

“ຣາ​ຊັນ​ຊຸດ​ຂາວ” ເຣ​ອັລ ມາດ​ຣິດ ສະ­ໂມ­ສອນ​ບານ­ເຕະ​ຊື່​ດັງ​ແຫ່ງ​ເສິກ​ລາ​ລີ​ກາ​ແອັດ​ສະ​ປາຍ ປະ­ກາດ​ສັກ­ດາ​ດ້ວຍ​ການ​ເອົາ​ຊະ­ນະ​ທີມ ເກຣ​ມິ​ໂອ ສະ­ໂມ­ສອນ​ບານ­ເຕະ​ຊື່​ດັງ​ຈາກ​ບຣາ​ຊິນ 1-0 ປະ­ຕູ ຄວ້າ​ແຊ໋ມ​ສະ­ໂມ­ສອນ​ໂລກ ຫຼື ຟີ​ຟາ ຄັຟ ເວິ​ລ ຄັຟ 2017 ໄດ້​ເປັນ​ສະ­ໄໝ​ທີ 2 ຕິດ­ຕໍ່​ກັນ ທັງ​ນີ້ ຖື​ເປັນ​ການ​ຄວ້າ​ແຊ໋ມ​ລາຍ­ການ​ທີ 5 ໃນ​ປີ​ນີ້​ຂອງ ເຣ​ອັລ ມາດ​ຣິດ ຕໍ່​ຈາກ​ແຊ໋ມ​ລາ​ລີ​ກາ ຢູ​ຟາ ແຊ໋ມ​ປຽນ ລີກ ສະ​ແປ​ນິ​ຊ ຊູ​ເປີ​ຄັຟ ແລະ​ຢູ​ຟາ ຊູ​ເປີ ຄັຟ.

ສຳ­ນັກ​ຂ່າວ​ກີ­ລາ​ຕ່າງ­ປະ­ເທດ​ໄດ້​ລາຍ​ງານ​ເມື່ອ​ອາ­ທິດ​ທີ່​ຜ່ານ​ມາ​ວ່າ ການ​ແຂ່ງ­ຂັນ​ບານ­ເຕະ​ຊີງ​ແຊ໋ມ​ສະ­ໂມ­ສອນ​ໂລກ ປະ­ຈຳ​ປີ 2017 ຮອບ​ຊີງ​ຊະ­ນະ​ເລີດ ຊຶ່ງ​ຈັດ​ຂຶ້ນ​ເມື່ອ​ວັນ​ທີ 16 ທັນ­ວາ​ຜ່ານ​ມາ ທີ່​ສະ­ໜາມ​ຊີກ ຊາ​ເຢດ ສະ​ປຣອຕ ມະ­ຫາ​ນະ­ຄອນ​ດູ​ໄບ ສະ­ຫະ​ນະ­ຄອນ​ເອ​ມິ​ຣັດ ອາ​ຣັບ ເປັນ​ການ​ພົບ​ກັນ​ລະ­ຫວ່າງ ເຣ​ອັລ ມາດ​ຣິດ ແລະ​ເກຣ​ມິ​ໂອ ຜົນ​ປາ­ກົດ​ວ່າ ເຣ​ອັລ ມາດ​ຣິດ ສາ­ມາດ​ເອົາ​ຊະ­ນະ​ໄປ​ໄດ້ 1-0 ປະ­ຕູ ໂດຍ​ການ​ຍິງ​ປະ­ຕູ​ໄຊ​ຂອງ ໂຣນ​ັລ​ໂດ ໃນ​ນາ­ທີ​ທີ 53 ສົ່ງ​ຜົນ​ໃຫ້ ເຣ​ອັລ ມາດ​ຣິດ ຄວ້າ​ແຊ໋ມ ຟີ​ຟາ ຄັຟ ເວິ​ລ ຄັຟ 2017 ເປັນ​ສະ­ໄໝ​ທີ 2 ຕິດ­ຕໍ່​ກັນ ສ້າງ​ປະ­ຫວັດ­ສາດ​ຄວ້າ​ແຊ໋ມ​ລາຍ­ການ​ນີ້​ສູງ​ສຸດ​ທີ່ 3 ສະ­ໄໝ ທຽບ​ເທົ່າ​ສະ­ຖິ­ຕິ​ທີມ​ຄູ່​ແຂ່ງ​ຕະ­ຫຼອດ​ການ​ນັ້ນ​ກໍ​ຄື ບາ​ເຊ​ໂລ​ນາ ທີ່​ເຄີຍ​ເຮັດ​ໄວ້ ແລະ​ຖື​ເປັນ​ສະ­ໄໝ​ທີ 6 ຖ້າ​ຫາກ​ນັບ​ລວມ​ກັບ​ການ​ແຂ່ງ­ຂັນ​ແບບ​ເກົ່າ​ທີ່​ມີ​ຊື່­ວ່າ ອິນ​ເຕີ​ຣ​ຄອນ​ຕິ​ເນນ​ທັລ ຄັຟ.

ທັງ​ນີ້ ພາຍ­ຫຼັງ​ຈົບ​ເກມ​ກໍ​ມີ​ພິ­ທີ​ປະ­ກາດ​ລາ­ງວັນ​ດີ­ເດັ່ນ​ປະ­ຈຳ­ການ​ແຂ່ງ­ຂັນ ຟີ​ຟາ ຄັຟ ເວິ​ລ ຄັຟ 2017 ໂດຍ​ເລີ່ມ​ຈາກ​ແຊ໋ມ ໄດ້­ແກ່ ເຣ​ອັລ ມາດ​ຣິດ ຂະ­ນະ​ທີ່​ລາ­ງວັນ​ດາວ​ຊັລ​ໂວ ໄດ້­ແກ່ ຄຣິດ​ເຕຍ​ໂນ ໂຣນ​ັລ​ໂດ ດາວ​ເດັ່ນ​ຂອງ​ທີມ​ຣາ​ຊັນ​ຊຸດ​ຂາວ ຊຶ່ງ​ຍິງ​ທະ­ລຸ​ໄປ​ໄດ້ 2 ປະ­ຕູ ໂດຍ​ຍິງ​ໄດ້​ໃນ​ຮອບ​ຮອງ​ຊະ­ນະ​ເລີດ ແລະ​ຮອບ​ຊີງ​ຊະ­ນະ​ເລີດ  ສ່ວນ​ລາ­ງວັນ​ນັກ​ເຕະ­ບານ​ດີ­ເດັ່ນ ໄດ້­ແກ່ ລູ​ກ້າ ໂມດ​ຣິ​ຊ ກອງ​ກາງ​ຕົວ​ເກ່ງ​ຂອງ​ເຣ​ອັລ ມາດ​ຣິດ ນອກ­ຈາກ​ນີ້ ເຣ​ອັລ ມາດ​ຣິດ ກໍ​ໄດ້​ຮັບ​ລາ­ງວັນ​ແຟຣ​ເພ ໃນ​ຖາ­ນະ​ທີມ​ໄດ້​ຮັບ​ໃບ​ເຫຼືອງ ແລະ​ໃບ​ແດງ​ໜ້ອຍ​ທີ່​ສຸດ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.