ໝຸ່ມ​ຊາວ­ນາ ຫັນ​ມາ​ຄ້າ​ຢາ​ບ້າ 30 ພັນ​ກວ່າ​ເມັດ

ໝຸ່ມ​ຊາວ­ນາ ຫັນ​ມາ​ຄ້າ​ຢາ​ບ້າ 30 ພັນ​ກວ່າ​ເມັດ

ໝຸ່ມ​ຊາວ­ນາ ຫັນ​ມາ​ຄ້າ​ຢາ​ບ້າ 30 ພັນ​ກວ່າ​ເມັດ

ໃນ​ວັນ​ທີ 16 ທັນ­ວາ 2017 ທາງ ເຈົ້າ​ໜ້າ­ທີ່​ພະ​ແນກ​ຕຳ­ຫຼວດ​ສະ­ກັດ​ກັ້ນ ແລະ​ຕ້ານ​ຢາ​ເສບ​ຕິດ ແຂວງ​ຄຳ​ມ່ວນ​ໄດ້​ກັກ​ຕົວ​ທ້າວ ວັນ​ພິ­ລາ ອາ­ຍຸ 28 ປີ ອາ­ຊີບ ເຮັດ​ນາ​ຢູ່​ທີ່​ບ້ານ​ຫາດ​ຊຽງ​ດີ ເມືອງ​ໜອງ​ບົກ ແຂວງ​ຄຳ​ມ່ວນ ພ້ອມ​ຂອງ​ກາງ​ຢາ​ບ້າ 16 ມັດ ເທົ່າ​ກັບ 31.928 ເມັດ ມາ​ດຳ­ເນີນ​ຄະ­ດີ.

ເຈົ້າ​ໜ້າ­ທີ່​ພວກ​ເຮົາ​ໃຫ້​ຮູ້​ວ່າ: ໃນ​ເວ ລາ 20 ໂມງ​ຂອງ​ວັນ​ທີ 15 ທັນ­ວາ 2017 ທາງ​ເຈົ້າ​ໜ້າ­ທີ່​ແມ່ນ​ໄດ້​ຮັບ​ລາຍ​ງານ​ຈາກ​ພົນ­ລະ­ເມືອງ​ດີ​ວ່າ: ໃນ​ວັນ​ທີ 16 ທັນ­ວາ 2017 ຈະ​ມີ​ກຸ່ມ​ຄົນ​ບໍ່​ດີ​ຈຳ­ນວນ​ໜຶ່ງ​ເພື່ອ​ລັກ­ລອບ​ເຄື່ອນ​ໄຫວ​ຄ້າ­ຂາຍ​ຢາ​ເສບ​ຕິດ​ປະ­ເພດ​ຢາ​ບ້າ ຢູ່​ຂອບ​ເຂດ​ໂຮງ­ງານ​ຊີ­ມັງ ບ້ານ​ນາ​ຄຳ ເມືອງ​ມະ­ຫາ​ໄຊ ແຂວງ​ຄຳ​ມ່ວນ ດັ່ງ­ນັ້ນ​ເຈົ້າ​ໜ້າ­ທີ່​ວິ­ຊາ​ສະ­ເພາະ ຈຶ່ງ​ໄດ້​ວາງ​ແຜນ​ເພື່ອ​ດຳ­ເນີນ​ການ​ສະ­ກັດ​ກັ້ນ ແລະ​ຕິດ­ຕາມ​ກວດ­ກາ​ເປົ້າ​ໝາຍ​ຢູ່​ຈຸດ ດັ່ງ­ກ່າວ​ເຫັນ​ວ່າ​ມີ​ມູນ​ຄວາມ​ຈິງ.ພໍ​ມາ ຮອດ​ເວ­ລາ 11 ໂມງ​ຂອງ​ວັນ​ດຽວ​ກັນ​ຈຶ່ງ​ໄດ້​ພົບ​ເຫັນ​ເປົ້າ​ໝາຍ​ເຄື່ອນ​ໄຫວ​ຄ້າ­ຂາຍ​ຢາ​ເສບ​ຕິດ​ຈຳ­ນວນ 2 ຄົນ ທີ່​ກຳ­ລັງ ຊື້​ຂາຍ​ຢາ​ເສບ​ຕິດ​ກັນ​ຢູ່​ນັ້ນ​ຈຶ່ງ​ໄດ້​ຖືກ​ເຈົ້າ​ໜ້າ­ທີ່​ສະ­ແດງ​ຕົວ​ເຂົ້າ​ຈັບ​ກຸມ​ພວກ​ກ່ຽວ ແລະ​ສາ­ມາດ​ຈັບ​ກຸມ​ໄດ້ 1 ຄົນ​ຄື: ທ້າວ ວັນ​ພິ­ລາ ສ່ວນ​ຜູ້​ຮ່ວມ​ຂະ​ບວນ​ການ​ແມ່ນ​ເອົາ​ຕົວ​ລົບ​ໜີ​ໄປ​ໄດ້.

ຜ່ານ​ການ​ສືບ­ສວນ-ສອບ​ສວນ​ເບື້ອງ​ຕົ້ນ ທ້າວ ວັນ​ພິ­ລາ ຮັບ​ສາ­ລະ­ພາບ​ວ່າ: ຢາ​ບ້າ​ຈຳ­ນວນ​ດັ່ງ­ກ່າວ​ທີ່​ນຳ​ມາ​ສົ່ງ​ຂາຍ​ໃນ​ຄັ້ງ​ນີ້​ບໍ່​ແມ່ນ​ຂອງ​ຕົນ ແຕ່​ເປັນ​ຂອງ​ຜູ້​ຮ່ວມ ຂະ​ບວນ​ການ​ທີ່​ໃຫ້​ຕົນ​ມາ​ຂາຍ​ໃຫ້​ຄົນ​ຂັບ​ລົດ​ຫີນ​ກາວ​ທີ່​ອອກ​ປະ­ເທດ​ຫວຽດ­ນາມ ໃນ​ລາ­ຄາ​ປະ­ມານ 260 ລ້ານ​ກີບ. ປະ­ຈຸ​ບັນ​ທາງ​ເຈົ້າ​ໜ້າ­ທີ່​ກຳ­ລັງ​ດຳ­ເນີນ​ການ​ສືບ­ສວນ-ສອບ​ສວນ​ຂະ­ຫຍາຍ​ຜົນ​ຫາ​ຜູ້​ຮ່ວມ​ຂະ​ບວນ​ການ​ກະ­ທຳ​ຜິດ​ຄັ້ງ​ນີ້​ມາ​ດຳ­ເນີນ​ຄະ­ດີ​ຕາມ​ຂັ້ນ​ຕອນ​ຂອງ​ກົດ­ໝາຍ​ຕໍ່​ໄປ.

ຂ່າວ: ເສດຖະກິດ-ສັງຄົມ

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຫມວດຫມູ່

Copy Protected by Chetan's WP-Copyprotect.