ຫົວຜັກທຽມຮັກສາໂລກຫົວໃຈ

ປະ­ຈຸ​ບັນ​ໂລກ​ຫົວ­ໃຈ​ກຳ­ລັງ​ເປັນ​ໄພ​ຄຸກ​ຄາມ​ຕໍ່​ຄຸນ​ນະ​ພາບ​ຊີ­ວິດ​ຂອງ​ປະ­ຊາ­ກອນ​ທົ່ວ​ໂລກ​ເນື່ອງ​ຈາ​ກວ່າ​ໂລກ​ທີ່​ມີ​ສາ­ເຫດ​ຈາກ​ຫຼອດ​ເລືອດ​ຫົວ­ໃຈ​ຕີບ​ຕັນ​ເປັນ​ສາ​ເຫດ­ການ​ຕາຍ​ອັນ​ດັບ​ຕົ້ນໆ​ຈາກ​ໂລກ​ລະ­ບົບ​ຫຼອດ​ເລືອດ​ຫົວ­ໃຈ, ພາ­ວະ​ຫົວ­ໃຈ​ຕີບ​ມີ​ສາ­ເຫດ​ມາ​ຈາກ​ລະ­ດັບ​ໄຂ­ມັນ​ສູງ​ກວ່າ​ປົກ­ກະ­ຕິ​ປະ­ກອບ​ກັບ​ເຊລບ​ຜະ­ໜັງ​ຫຼອດ​ເລືອດ​ມີ​ຄວາມ​ປົກ­ກະ­ຕິ​ເກີດ​ກ້ອນ​ເກາະ​ຜະ­ໜັງ​ຫຼອດ​ເລືອດ​ເຮັດ​ໃຫ້​ຫຼອດ​ເລືອດ​ຄ່ອຍໆ​ແຂງ ແລະ ຕີບ​ຕັນ​ການ​ສົ່ງ​ເລືອດ​ໄປ​ລ້ຽງ​ກ້າມ​ເນື້ອ​ຫົວ­ໃຈ​ໜ້ອຍ​ລົງ​ປະ­ລິ­ມານ​ອອກ​ຊີ​ເຈນ​ທີ່​ໄດ້​ຮັບ​ບໍ່​ພຽງ­ພໍ​ຕໍ່​ຄວາມ​ຕ້ອງ­ການ​ຂອງ​ກ້າມ​ເນື້ອ​ຫົວ­ໃຈ​ສົ່ງ​ຜົນ​ໃຫ້​ເກີດ​ອາ­ການ​ກ້າມ​ເນື້ອ​ຫົວ­ໃຈ​ຂາດ​ເລືອດ​ສ່ວນ​ສະ​ໜຸນ​ໄພ​ທີ່​ສາ­ມາດ​ໃຊ້​ໃນ​ການ​ຮັກ​ໂລກ​ນີ້​ໄດ້­ແກ່: “ຫົວ​ຜັກ­ທຽມ”

ຫົວ​ຜັກ­ທຽມ ເປັນ​ອາ­ຫານ ແລະ ສະ​ໜຸນ​ໄພ​ທີ່​ມີ​ການ​ໃຊ້​ມາ​ຕັ້ງ­ແຕ່​ສະ­ໄໝ​ບູ­ຮານ​ຕຳ­ລາ​ຢາ​ຈີນ​ລະ­ບຸ​ວ່າ​ຫົວ​ຜັກ­ທຽມ​ມີ​ລິດ​ຮ້ອນ, ເຜັດ ຊ່ວຍ​ຈະ­ເລີນ​ອາ­ຫານ, ຂັບ​ລົມ​ໃນ​ລຳ​ໄສ້, ແກ້​ທ້ອງ­ບິດ, ແກ້​ໄອ ຂີ້­ກາກ, ກ້ຽນ ມີ​ການ​ວິ­ໄຈ​ພົບ​ວ່າ​ຫົວ​ຜັກ­ທຽມ​ສາ­ມາດ​ຊ່ວຍ​ຫຼຸດ​ລະ­ດັບ​ໄຂ­ມັນ​ໄວ​ໃນ​ເລືອດ, ຫຼຸດ​ລະ­ດັບ ໄຕຣ​ກລີ ເຊີ​ໄຣ ແລະ ເພີ່ມ​ລະ­ດັບ​ຂອງ​ໄຂ­ມັນ​ຊະ­ນິດ​ດີ​ຊ່ອງ​ຈະ​ຊ່ວຍ​ຫຼຸດ​ຄວາມ​ສ່ຽງ​ຕໍ່​ການ​ເປັນ​ໂລກ​ລະ­ບົບ​ຫຼອດ​ເລືອດ​ຫົວ­ໃຈ​ນອກ­ຈາກ​ນີ້​ຫັວ​ຜັກ­ທຽມ​ຍັງ​ມີ​ລິດ​ຊ່ວຍ​ຫຼຸດ​ຄວາມ­ດັນ​ອີກ​ດ້ວຍ. ປະ­ລິ­ມານ​ຫົວ​ຜັກ­ທຽມ​ທີ່​ແນະ­ນຳ​ໃຫ້​ໃຊ້​ຮັກ­ສາ​ຄື: ຫົວ​ຜັກ­ທຽມ​ສົດ 2-5 ກຣາມ​ຕໍ່​ມື້​ໂດຍ​ກິນ​ພ້ອມ​ອາ­ຫານ​ເພື່ອ​ຫຼຸດ​ອາ­ການ​ປວດ­ຮາກ, ເວ­ລາ​ກິນ​ໃຫ້​ບົດ​ຫົວ​ຜັກ­ທຽມ​ໃຫ້​ລະ­ອຽດ ແລະ ກິນ​ທັນ­ທີ​ຂໍ້​ເສຍ​ຈາກ​ການ​ກິນ​ກະ­ທຽມ​ຄື: ກິ່ນ​ປາກ ຊຶ່ງ​ສາ­ມາດ​ຫຍ້ຳ​ໃບ­ຊາ​ແກ່ໆ​ເພື່ອ​ບ້ວນ­ປາກ​ຫຼັງ​ຈາກ​ກິນ​ຫົວ​ຜັກ­ທຽມ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.