ຊ່ວຍ​ໄດ້​ເກືອບ 30 ຄົນ ຍິງ​ລາວເຍື່ອ​ຄ້າ​ມະ­ນຸດ​ຢູ່​ຈີນ

ຊ່ວຍ​ໄດ້​ເກືອບ 30 ຄົນ ຍິງ​ລາວເຍື່ອ​ຄ້າ​ມະ­ນຸດ​ຢູ່​ຈີນ

ຊ່ວຍ​ໄດ້​ເກືອບ 30 ຄົນ ຍິງ​ລາວເຍື່ອ​ຄ້າ​ມະ­ນຸດ​ຢູ່​ຈີນ

ນັບ​ແຕ່​ປີ 2015 ເປັນ­ຕົ້ນ​ມາ ຫ້ອງ­ການ​ປະ­ສານ​ງານ​ສະ­ກັດ​ກັ້ນ ແລະ​ຕ້ານ​ການ​ຄ້າ­ຂາຍ​ມະ­ນຸດ​ຈີນ-ລາວ ທີ່​ປະ­ຈຳ​ຢູ່​ເມືອງ​ຫຼ້າ ສປ ຈີນ ໄດ້​ພົບ​ປະ​ແລກປ່ຽນ​ກ່ຽວ​ກັບ​ວຽກ​ງານ​ຕ້ານ​ການ​ຄ້າ­ຂາຍ​ມະ­ນຸດ​ກັບ​ເຈົ້າ​ໜ້າ­ທີ່​ຕຳ­ຫຼວດ​ລາວ​ຈຳ­ນວນ 27 ຄັ້ງ ຕິດ­ຕາມ​ກວດ­ກາ​ຂໍ້​ມູນການ​ຄ້າ​ມະ­ນຸດ​ກັບ​ເຈົ້າ​ໜ້າ­ທີ່​ຕຳ­ຫຼວດລາວ​ສະ­ໜອງ​ໃຫ້ 36 ກໍ­ລະ­ນີ ແລະ​ໄດ້​ກອບ​ກູ້​ມອບ​ແມ່­ຍິງ​ລາວ​ຜູ້​ຖືກ​ເຄາະ​ຮ້າຍ​ໄດ້ 28 ຄົນ​ໃຫ້​ເຈົ້າ​ໜ້າ­ທີ່​ຕຳ­ຫຼວດ​ລາວ.

ຈາກ​ສະ­ພາບ​ຄື​ດັ່ງ­ກ່າວ ໃນ​ກາງ​ເດືອນ​ມັງ­ກອນ 2018 ກອງ​ເລ­ຂາ​ຄະ­ນະ​ກຳ­ມະ­ການ​ຕ້ານ​ການ​ຄ້າ​ມະ­ນຸດ​ລະ­ດັບ​ຊາດ​ຮ່ວມ​ກັບ​ພະ​ແນກ​ຕຳຫຼວດ​ສະ­ກັດ​ກັ້ນ ແລະ​ຕ້ານ​ການ​ຄ້າ​ມະ­ນຸດ, ປກສ ແຂວງ​ຫຼວງ​ນ້ຳ​ທາ, ປກສ ເມືອງ​ຫຼວງ​ນ້ຳ​ທາ​ລົງ​ເຄື່ອນ​ໄຫວ​ໂຄ­ສະ­ນາ​ຜົນ​ຮ້າຍ​ຈາກ ການ​ຄ້າ​ມະ­ນຸດ​ລຽບ​ຕາມ​ຈຸດ​ກໍ່­ສ້າງ​ເສັ້ນ­ທາງ​ລົດ­ໄຟ​ລາວ-ຈີນ, ໂດຍ​ສະ­ເພາະ​ແມ່ນ​ເຂດ​ບ້ານ​ທີ່​ມີ​ຄວາມ​ສ່ຽງ​ຄື​ບ້ານ​ນາ​ເຕີຍ ແລະ​ບ້ານ​ບໍ່​ເຕ່ນ, ເມືອງ​ຫຼວງ​ນ້ຳ​ທາ, ແຂວງ​ຫຼວງ​ນ້ຳ​ທາ​ໃຫ້​ກຽດ​ເຂົ້າ ຮ່ວມ​ຂອງ​ທ່ານ ຈັນ​ເພັດ ໄຊ​ສົມ​ບຸນ ຮອງ​ກົມ​ຕຳ­ຫຼວດ​ສະ­ກັດ​ກັ້ນ ແລະ​ຕ້ານ​ການ​ຄ້າ​ມະ­ນຸດ, ທ່ານ ບຸນ​ຄຳ ລໍ​ກຳ​ນານ ຮອງ​ເຈົ້າ­ເມືອງໆ​ຫຼວງ​ນ້ຳ​ທາ, ມີ​ບັນ­ດາສະ­ຫາຍ​ຄະ­ນະ​ພະ​ແນກ​ຕ້ານ​ການ​ຄ້າ​ມະ­ນຸດ ປກສ ແຂວງ, ປກສ ເມືອງ​ຫຼວງ​ນ້ຳ​ທາ, ອຳ­ນາດ​ການ​ປົກ­ຄອງ​ບ້ານ, ປະ­ຊາ­ຊົນ ແລະ​ນ້ອງ​ນັກ­ຮຽນ ມ.ປາຍ​ເຂົ້າ​ຮ່ວມ.

ເປົ້າ​ໝາຍ​ການ​ລົງ​ໂຄ­ສະ­ນາ​ຄັ້ງ​ນີ້ ກໍ່ເພື່ອ​ເຮັດ​ໃຫ້​ປະ­ຊາ­ຊົນ​ທີ່​ອາ­ໄສ​ຢູ່​ບ້ານ ຊຶ່ງ​ເປັນ​ບ້ານ​ທີ່​ມີ​ຄວາມ​ສ່ຽງ​ຈາກ​ການ​ຄ້າ​ມະ­ນຸດ​ເນື່ອງ​ຈາ​ກວ່າ​ເປັນ​ເສັ້ນ­ທາງ​ຜ່ານ​ເຂົ້າ ສປ ຈີນ ແລະ​ເປັນ​ຈຸດ​ໜື່ງ​ທີ່​ພວມ​ມີ​ການ​ດຳ­ເນີນ​ກໍ່­ສ້າງ​ເສັ້ນ­ທາງ​ລົດ­ໄຟ ແລະ​ເປັນ​ທາງ​ຜ່ານ​ຂອງ​ເສັ້ນ­ທາງ​ລົດ­ໄຟລາວ-ຈີນ ໃຫ້​ມີ​ສະ­ຕິ​ຕື່ນ​ຕົວ​ເປັນ​ເຈົ້າ​ການໃນ​ການ​ປ້ອງ​ກັນ​ສະ­ກັດ​ກັ້ນ ແລະ​ຕ້ານ​ການ​ຄ້າ​ມະ­ນຸດ, ໂດຍ​ສະ­ເພາະ​ຄົນ​ລາວ ແລະ​ຄົນ​ຕ່າງ­ປະ­ເທດ​ອາດ​ຈະ​ແອບ​ແຝງມາ​ເຄື່ອນ​ໄຫວ​ຕົວະ​ຍົວະ​ເອົາ​ຍິງ​ສາວ ລາວ​ດ້ວຍ​ຮູບ​ການ​ແຕ່ງ­ດອງ​ບໍ່​ຖືກ­ຕ້ອງ​ຕາມ​ກົດ­ໝາຍ​ວ່າ​ດ້ວຍ​ຄອບ­ຄົວ, ບໍ່​ໄດ້ຜ່ານ​ອົງ​ການ­ຈັດ­ຕັ້ງ​ທີ່​ກຽ່ວ​ຂ້ອງ ແລະ​ຈົດ​ທະ­ບຽນ​ຖືກ­ຕ້ອງ​ຕາມ​ດຳ­ລັດ 198/ນຍ, ການ​ເອົາ​ເດັກ​ມາ​ເປັນລູ­ກລ້ຽງ​ແອບແຝງ. ການ​ບັງ­ຄັບ​ໃຫ້​ເປັນ​ໂສ­ເພ­ນີ, ການຂູດ​ຮີດ​ແຮງ​ງານ.

ທັງ​ນີ້ ທ່ານ ບຸນ​ຄຳ ລໍ​ກຳ​ນານ ໄດ້​ລາຍ​ງານ​ສະ­ພາບ​ຂອງ​ການ​ຄ້າ​ມະ­ນຸດ ຢູ່​ພາຍ​ໃນ​ເມືອງ​ເຫັນ​ວ່າ​ປະ­ຊາ­ຊົນ​ຢູ່​ພາຍ​ໃນ​ເມືອງ​ຫຼວງ​ນ້ຳ​ທາ​ແມ່ນ​ມີ​ຄວາມ​ສ່ຽງ​ສູງ​ທີ່​ອາດ​ຈະ​ຕົກ​ເປັນ​ເຫຍື່ອ​ຂອງ​ການ​ຄ້າ​ມະ­ນຸດ​ເພາະ​ການ​ເຄື່ອນ​ຍ້າຍ​ແຮງ​ງານ ແລະ​ການ​ໄປ​ອອກ­ແຮງ​ງານ​ຢູ່​ຕ່າງ­ປະ­ເທດ.

ພ້ອມ​​ນັ້ນ ​ທ່ານ​ຍັງ​ໄດ້​ຮຽກ­ຮ້ອງ​ໃຫ້​ປະ­ຊາ­ຊົນ​ຈົ່ງ​ມີ​ສະ­ຕິ​ລະ­ວັງ​ຕົວ ແລະ​ປ້ອງ​ກັນ​ການ​ຄ້າ​ມະ­ນຸດ ຊຶ່ງ​ໃນ​ປີ 2015 ເປັນ­ຕົ້ນ​ມາ, ຫ້ອງ­ການ​ປະ­ສານ​ງານ​ສະ­ກັດ​ກັ້ນ ແລະ​ຕ້ານ​ການ​ຄ້າ­ຂາຍ​ມະ­ນຸດ​ຈີນ-ລາວ ທີ່​ປະ­ຈຳ​ຢູ່​ເມືອງ​ຫຼ້າ ສປ ຈີນ ໄດ້​ພົບ​ປະ​ແລກ­ປ່ຽນ​ກ່ຽວ​ກັບ​ວຽກ​ງານ​ຕ້ານ​ການ​ຄ້າ­ຂາຍ​ມະ­ນຸດ​ກັບເຈົ້າ​ໜ້າ­ທີ່​ຕຳ­ຫຼວດ​ລາວ ຈຳ­ນວນ 27 ຄັ້ງ ຕິດ­ຕາມ​ກວດ­ກາ​ຂໍ້​ມູນ​ການ​ຄ້າ​ມະ­ນຸດ ກັບ​ເຈົ້າ​ໜ້າ­ທີ່​ຕຳ­ຫຼວດ​ລາວ​ສະ­ໜອງ​ໃຫ້ 36 ກໍ­ລະ­ນີ, ໄດ້​ກອບ​ກູ້​ມອບ​ແມ່­ຍິງ​ຜູ້​ຖືກ ເຄາະ​ຮ້າຍ 28 ຄົນ​ໃຫ້​ເຈົ້າ​ໜ້າ­ທີ່​ຕຳ­ຫຼວດ​ລາວ.

ຂ່າວ: ເສດຖະກິດ-ສັງຄົມ

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຫມວດຫມູ່

Copy Protected by Chetan's WP-Copyprotect.