ລາວ-ຈີນ ເສີມຂະຫຍາຍຮ່ວມມືການຄ້າ ແລະ ລົງທຶນ

ສປປ ລາວ ແລະ ສປ ຈີນ ແມ່ນປະເທດໃກ້ເຮືອນຄຽງ, ມີການພົວພັນກັນຢ່າງສະໜິດແໜ້ນຕັ້ງແຕ່ໃດມາ. ໃນຊຸມປີຜ່ານມາການນໍາຂັ້ນສູງຂອງສອງປະ ເທດລາວ ແລະຈີນໄດ້ມີການໄປມາຫາສູ່ເຊິ່ງກັນ ແລະກັນ, ເພື່ອຢ້ຽມຢາມ, ແລກປ່ຽນບົດຮຽນ ແລະເສີ່ມສ້າງສາຍພົວພັນຄູ່ຮ່ວມອຸດົມການ ແລະຍຸດທະສາ ດຮອບດ້ານ ໂດຍສະເພາະການລົງ ນາມແຜນແມ່ບົດ ການຊຸກຍູ້ຮ່ວມມືກໍ່ສ້າງ 1 ແລວທາງ 1 ເສັ້ນທາງ ເພື່ອເປັນບາດ ກ້າວອັນສໍາຄັນໃນການເພີ່ມທະວີການພົວພັນລາວ-ຈີນ ແລະເປັນຜົນດີໃຫ້ແກ່ການຊຸກຍູ້ການ ຮ່ວມມືເສດຖະກິດການຄ້າຂອງສອງປະເທດໃຫ້ມີການຂະຫຍາຍຕົວຢ່າງວ່ອງໄວ ແລະມີປະສິດທີ່ຜົນ.
ໃນວັນທີ 7 ມີນາຜ່ານມາ ທີ່ນະຄອນ ຫຼວງວຽງຈັນ ສະພາການຄ້າ ແລະອຸດ ສາຫະກໍາແຫ່ງຊາດ ຮ່ວມກັບສະພາສົ່ງ ເສີມການຄ້າກວາງຕົ່ງ ໄດ້ຈັດກອງປະ ຊຸມຮ່ວມມືການຄ້າ ແລະການລົງທຶນ ລາວ-ຈີນ (ກວາງຕົ່ງ) ໂດຍການເປັນ ທານຂອງທ່ານ ນາງ ເຂັມມະນີ ພົນເສນາ ລັດຖະມົນຕີກະຊວງ ອຸດສາຫະກໍາ ແລະ ການຄ້າ, ທ່ານ ນາງ ວາລີ ເວດສະພົງ ຮອງປະທານສະພາການຄ້າ ກະຊວງອຸດ ສາຫະກໍາແຫ່ງຊາດ, ທ່ານ ໂອຢາງ ເວີ້ຍ ໝິນ ຮອງເຈົ້າແຂວງກວາງຕົ່ງ, ທ່ານ ວັງ ສີ ຮຸ່ຍ ທີ່ປືກສາເສດຖະກິດການຄ້າ ສະຖານທູດຈີນ ປະຈໍາລາວ, ທ່ານ ຢາວ ຊີ້ນໝິນ ຮອງປະທານສະພາສົ່ງເສີມ ການຄ້າສາກົນແຂວງກວາງຕົ່ງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ນາງ ວາລີ ເວດສະພົງ ກ່າວວ່າ: ສປປ ລາວ ມີສະຖຽນສະພາບທາງ ດ້ານການເມືອງ ແລະມີການເຕີບໂຕ ທາງດ້ານເສດຖະກິດສູງ, ສະເລ່ຍການຂະຫຍາຍຕົວຂອງເສດຖະກິດ ແມ່ນ 7% ຕໍ່ປີ, ລາຍຮັບ GDP ຕໍ່ຫົວຄົນແມ່ນ ຫຼາຍກວ່າ 2.400 ໂດລາ, ພ້ອມດຽວກັນ ນັ້ນ ປະຈຸບັນລັດຖະບານລາວໄດ້ເອົາໃຈ ໃສ່ປັບປັງແວດລ້ອມທຸລະກິດເຊັ່ນ: ການປັບປຸງກົດໝາຍສົ່ງເສີມການລົງທຶນໃນປີ 2016 ເພື່ອສ້າງເງຶ່ນໄຂແວດລ້ອມເສດ ຖະກິດທີ່ດີກວ່າເກົ່າໃຫ້ແກ່ນັກລົງທຶນທັງພາຍໃນ ແລະຕ່າງປະເທດ.
ສປປ ລາວ ເປັນຈຸດໃຈກາງເຊື່ອມຕໍ່ຈີນ ແລະ ອາຊຽນ ແລະ ຍັງມີຄວາມອຸດົມສົມບູນທາງດ້ານຊັບພະຍາກອນທໍາມະຊາດ, ຂະແໜງການທີ່ເປັນທ່າແຮງລວມ ມີ: ພະລັງງານ, ອັກສັງຫາລີມະຊັບ, ທ່ອງ ທ່ຽວ, ໂລຈິດຕິກ ແລະອື່ນໆ ເຊິ່ງສາມາດເລືອກລົງທຶນໃນ 12 ເຂດເສດຖະກິດພິເສດດຂອງ ສປປ ລາວເຊັ່ນ: ເຂດໄຊ ເສດຖາ, VITA, ສະຫວັນເຊໂນ ແລະ ອື່ນໆ. ໃນປະຈຸບັນສະມາຊິກ ສຄອ ແຫ່ງຊາດລາວກໍ່ມີຫຼາຍໆໂຄງການທີ່ກໍາລັງພັດທະນາ ແລະ ຕ້ອງການຮ່ວມືຈາກນັກ ທຸລະກິດຕ່າງປະເທດໃນຂະແໜງການຕ່າງໆບໍ່ວ່າຈະເປັນໂຄງການພະລັງງານ, ກໍ່ສ້າງ, ຂົວທາງ, ກະສິກໍາ, ທ່ອງທ່ຽວ ແລະອື່ນໆ.
loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.