ມົນລະພິດເຮັດໃຫ້ຜູ້ຄົນເສຍຊີວິດເພີ່ມຂຶ້ນ

ນັກວິໄຈເປີດເຜີຍລາຍງານ ໃນວັນທີ 12 ມີນາຜ່ານມາວ່າ ມົນລະພິດທາງອາກາດເຮັດໃຫ້ປະຊາຊົນເສຍຊີວິດໃນແຕ່ລະປີຫຼາຍກວ່າຈຳນວນຂອງຜູ້ເສຍຊີວິດຈາກການສູບຢາ.
ຕາມຂ່າວຈາກລອນດອນລາຍງານວ່າ ນັກວິໄຈໃນເຢຍລະມັນ ແລະໄຊປຣັດ ລະບຸວ່າ: ມົນລະພິດ ທາງອາກາດເຮັດໃຫ້ມີປະຊາກອນ ເສຍຊີວິດ 8,8 ລ້ານຄົນ ໃນປີ 2015 ຊຶ່ງເປັນຕົວເລກທີ່ສູງເກືອບ ເທົ່າຂອງຕົວເລກທີ່ຄາດການໄວ້ກ່ອນໜ້ານີ້ 4,5 ລ້ານຄົນ. ໃນຂະ ນະທີ່ອົງການອານາໄມໂລກປະມານການໄວ້ວ່າ ທົ່ວໂລກຈະມີຜູ້ ເສຍຊີວິດຈາກການສູບຢາປະມານ ປີລະ 7 ລ້ານຄົນ. ຂະນະທີ່ໃນເອີຣົບມົນລະພິດທາງອາກາດເຮັດໃຫ້ມີ ຜູ້ເສຍຊີວິດ ປະມານ 790.000 ຄົນ ໃນນີ້ 40% ຫາ 80% ເສຍຊີວິດຈາກພະຍາດທີ່ກ່ຽວຂ້ອງກັບຫຼອດເລືອດ ແລະຫົວໃຈ ໂດຍສະ ເພາະຫົວໃຈວາຍ ແລະເສັ້ນເລືອດໃນສະໝອງແຕກ ຫຼື ຕີບ. ຂະນະທີ່ຝຸ່ນລະອອງຂະໜາດນ້ອຍ ແລະມົນລະພິດທາງອາກາດອື່ນໆໃນເອີຣົບເກີດຈາກການເຜົາ ໄໝ້ຂອງນ້ຳມັນ. ດັ່ງນັ້ນ ຈິ່ງຈຳເປັນຕ້ອງປ່ຽນໄປນຳໃຊ້ແຫຼ່ງພະລັງງານອື່ນໃນການຜະລິດພະລັງງານຢ່າງຮີບດ່ວນ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.