ໄຟຟ້າດັບເຮັດໃຫ້ປະຊາຊົນເວເນຊູເອລາຂາດແຄນນໍ້າໃຊ້

ບັນຫາກະແສໄຟຟ້າມອດໃນຫຼາຍພື້ນທີ່ຂອງນະຄອນຫຼວງກາຣາກັສຂອງເວເນຊູເອລາ ສົ່ງຜົນເຮັດໃຫ້ເກີດການຂາດແຄນນໍ້າປະປາຢ່າງໜັກ ປະຊາຊົນຈຳນວນຫຼາຍຕ້ອງທົນຕັກນໍ້າເປື້ອນໃນແມ່ນໍ້າມາໃຊ້.
ຕາມຂ່າວຕ່າງປະເທດລາຍງານວ່າ ບັນຫາກະແສໄຟຟ້າມອດໃນຫຼາຍພື້ນທີ່ຂອງນະຄອນຫຼວງກາຣາກັສທີ່ແກ່ຍາວຕິດຕໍ່ກັນມາຫຼາຍວັນ ສົ່ງຜົນເຮັດໃຫ້ເກີດການຂາດແຄນນໍ້າປະປາຢ່າງໜັກ ປະຊາຊົນຈຳນວນຫຼາຍຕ້ອງທົນຕັກນໍ້າເປື້ອນໃນແມ່ນໍ້າມາໃຊ້, ໂຮງຮຽນຫຼາຍແຫ່ງຕ້ອງຢຸດການຮຽນການສອນ, ທຸລະກິດຮ້ານຄ້າຈຳນວນຫຼາຍຕ້ອງການປິດກິດຈະການ, ຕາມສະຖານີບໍລິການນໍ້າມັນໜາແໜ້ນໄປດ້ວຍລົດທີ່ລໍຖ້າໃສ່ ນໍ້າມັນ ຂະນະທີ່ແພດຕ້ອງປິ່ນປົວຄົນເຈັບທັງທີ່ໄຟມອດ.
ດ້ານທ່ານ ນິໂກລັສ ມາດູໂຣ ປະທານາທິບໍດີຂອງເວເນຊູເອລາ ຢືນຢັນວ່າ ລັດຖະບານກຳລັງເລັ່ງແກ້ໄຂບັນຫາກະແສໄຟຟ້າຂັດຂ້ອງ ຂະນະທີ່ສະມັດຊາແຫ່ງຊາດເວເນຊູເອລາ ຊຶ່ງຝ່າຍຄ້ານຄອງສຽງສ່ວນຫຼາຍປະກາດໃຫ້ສະຖານະການຂາດແຄນພະລັງງານໃນເວເນຊູເອລາເປັນສະຖານະການສຸກເສີນ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.