ເຮືອບິນສາຍການບິນເອຢິບລົງຈອດສຸກເສີນໃນອຸຊເບກິສຖານ

ເຮືອນບິນຂອງສາຍການບິນເອຢິບຈາກນະຄອນຫຼວງໄຄໂຣຂອງເອຢິບໄປຍັງນະຄອນຫຼວງປັກກິ່ງຂອງຈີນຕ້ອງລົງຈອດສຸກເສີນທີ່ອຸຊເບກິສຖານໃນມື້ນີ້ ຫຼັງຈາກມີການແຈ້ງວ່າມີລະເບີດເທິງເຮືອບິນ ຊຶ່ງປາກົດໃນເວລາຕໍ່ມາວ່າເປັນການແຈ້ງຂູ່ວາງລະເບີດເທົ່ານັ້ນ.

ທ່ານ ຊາຟວັດ ມຸສຊັລລາມ ປະທານສາຍການບິນເອຢິບກ່າວວ່າ ເຈົ້າໜ້າທີ່ຂອງອຸຊເບກິສຖານໄດ້ເຂົ້າກວດສອບເຮືອບິນໂດຍສານແອບັສ ເອ 330 ແຕ່ບໍ່ພົບລະເບີດໃດໆ ເທິງເຮືອບິນລຳດັ່ງກ່າວ ແລະ ຢືນຢັນວ່າເຮືອບິນປອດໄພພ້ອມທີ່ຈະໃຊ້ເດີນທາງຕໍ່ໄປໄດ້; ທ່ານ ມຸສຊັລລາມ ກ່າວວ່າ ມີບຸກຄົນນິລະນາມໂທລະສັບມາຍັງສາຍການບິນ ແລະ ເຕືອນວ່າ ມີລະເບີດເຮືອບິນຫຼັງຈາກຖ້ຽວບິນທີ ເອັມເອສ 955 ອອກເດີນທາງຈາກນະຄອນຫຼວງໄຄໂຣໄປແລ້ວ ທາງສາຍການບິນຈິ່ງໃຫ້ເຮືອບິນລົງຈອດທີ່ສະໜາມບິນທີ່ໃກ້ທີ່ສຸດ ກໍລະນີຂູ່ວາງລະເບີດຄັ້ງນີ້ນັບເປັນໜຶ່ງໃນຫຼາຍເຫດການທີ່ກ່ຽວຂ້ອງກັບເຮືອບິນຂອງສາຍການບິນເອຢິບ ຫຼື ສະໜາມບິນໃນເອຢິບ ໂດຍຫຼ້າສຸດເກີດຂຶ້ນເມື່ອວັນທີ 19 ພຶດສະພາທີ່ຜ່ານມາ ເມື່ອເຮືອບິນຂອງເອຢິບຕົກໃນທະເລເມດິເຕີເລນຽນ ພ້ອມດ້ວຍຜູ້ໂດຍສານ ແລະ ລູກເຮືອ 66 ຄົນ ລະຫວ່າງບິນຈາກນະຄອນຫຼວງປາຣີຂອງຝຣັ່ງໄປຍັງນະຄອນໄຄໂຣ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.