ຫວຽດນາມ​​ເຕືອນ​ອາດ​ເກີດ​ນໍ້າຖ້ວມກະທັນ​ຫັນທາງ​ພາກ​ເໝືອ

ສູນອົບພະຍົມນໍ້າ ແລະ ອຸຕຸນິຍົມວິທະຍາແຫ່ງຊາດຂອງຫວຽດນາມແຈ້ງເຕືອນວ່າ ອາດເກີດນໍ້າຖ້ວມກະທັນຫັນທາງພາກເໜືອຂອງປະເທດ ເນື່ອງຈາກຝົນຕົກໜັກໃນຊ່ວງ 5 ວັນທີ່ຜ່ານມາ ແລະ ມີມວນນໍ້າໄຫລລົງມາຈາກຈີນຫຼາຍຂຶ້ນ.

ເວັບໄຊໜັງສືພິມດ່ວຍແສອ້າງຄຳເຕືອນຂອງສູນວ່າ ອາດເກີດຝົນຕົກໜັກໃນພື້ນທີ່ທາງເໝືອ ແລະ ຕອນກາງຕັ້ງແຕ່ມື້ນີ້ຈົນເຖິງວັນພະຫັດ ແລະ ມີຄາມເປັນໄປໄດ້ສູງວ່າຈະເກີດນໍ້າຖ້ວມກະທັນຫັນຕາມແມ່ນໍ້າລຳເຊ ເກີດດິນຖະຫຼົ່ມຕາມພື້ນທີ່ພູດອຍ ແລະເກີດນໍ້າຖ້ວມຕາມບ່ອນຮາບພຽງຕໍ່າໆ ຂະນະທີ່ຫລາຍແຂວງມີຝົນຕົກໜັກຕະຫຼອດຫຼາຍວັນມານີ້ ເຊັ່ນ ດຽນບຽນ ຫ່າຊາງ ກວ່າງນິງ ທ້າຍຫງຽນ ປະກອບກັບນໍ້າຈາກຈີນໄຫຼລົງມາຍັງຫວຽດນາມເພີ່ມຂຶ້ນ ໂດຍສະເພາະແມ່ນໍ້າຊງດາທີ່ມີຕົ້ນນໍ້າຈາກມົນທົນຢູນນານຂອງຈີນ ນໍ້າຖ້ວມໃນຫວຽດນາມທີ່ເກີດຂຶ້ນຕັ້ງແຕ່ວັນສຸກຈົນເຖິງຂະນະນີ້ມີຜູ້ເສຍຊີວິດ ແລະ ສູນຫາຍແລ້ວ 7 ຄົນ.

ສ່ວນຈີນທີ່ເກີດຝົນຕົກໜັກ ແລະ ນໍ້າຖ້ວມທົ່ວພື້ນທີ່ຕອນກາງ ແລະ ຕ້ອງໃຕ້ໃນຊ່ວງ 4 ວັນທີ່ຜ່ານມາ ມີຜູ້ເສຍຊີວິດແລ້ວເກືອບ 130 ຄົນ ສູນຫາຍກວ່າ 40 ຄົນ ພື້ນທີ່ການກະເສດເສຍຫາຍເປັນວົງກວ້າງ ປະເມີນຄວາມເສຍຫາຍທາງເສດຖະກິດໂດຍກົງແລ້ວກວ່າ 38.000 ລ້ານຢວນ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.