ຈີນ​ລົງທຶນ​ອະສັງຫາລິມະ​ຊັບ​ຢູ່​ອິນ​ໂດ​ເນ​ເຊຍ

ການລົງທຶນດ້ານອະສັງຫາລິມະຊັບທີ່ອິນໂດເນເຊຍ ຂະນະນີ້ມີບໍລິສັດຂອງຈີນສົນໃຈເຂົ້າໄປລົງທຶນໃນໂຄງການສ້າງຕຶກຈຳນວນຫຼາຍມູນຄ່າ 1 ຕື້ໂດລາສະຫະລັດ.

ອິນໂດເນເຊຍຍັງຕ້ອງການເງິນທຶນເພື່ອການພັດທະນາໂຄງສ້າງພື້ນຖານຈຳນວນຫຼາຍ ໃນຂະນະທີ່ນັກພັດທະນາອະສັງຫາລິມະຊັບຂອງອິນໂດເນເຊຍເອງກໍປະເຊີນກັບການແຂ່ງຂັນສູງ ເພາະຕະຫຼອດໄລຍະ 40-50 ປີທີ່ຜ່ານມາ ມີນັກລົງທຶນຂະໜາດກາງ ແລະ ຂະໜາດນ້ອຍເພີ່ມຂຶ້ນຫຼາຍ, ໜຶ່ງໃນນັ້ນຄື China Harbour ທີ່ເຮັດທຸລະກິດຢູ່ອິນໂດເນເຊຍຫຼາຍກວ່າ 10 ປີ ໂດຍລົງທຶນສ້າງໂຮງານໄຟຟ້າພະລັງງານຄວາມຮ້ອນຢູ່ທີ່ຊວາ, ສ້າງທາງດ່ວນໃນສຸມາຕາເໜືອ ແລະ ສ້າງທ່າເຮືອ, ໂຄງການຫຼ້າສຸດຄືຈະສ້າງອາຄານ 30 ຫຼັງ ຫຼັງລະ 3 ຊັ້ນ ຢູ່ນະຄອນຫຼວງຈາກາຕາກຳນົດແລ້ວສຳເລັດພາຍໃນ 10 ປີ ເປົ້າໝາຍຄືຊົນຊັ້ນກາງ ໃຊ້ເງິນລົງທຶນປະມານ 1 ຕື້ໂດລາ ແລະ ມີໂຄງການຂະຫຍາຍໄປຍັງຊວາຕາເວັນອອກ ແລະ ສຸມາຕາເໜືອອີກດ້ວຍ.

ເຖິງແມ່ນວ່າເສດຖະກິດອິນໂດເນເຊຍຈະພັດທະນາຂ້ອນຂ້າງຊ້າ ແຕ່ທຸລະກິດອະສັງຫາລິມະຊັບຢູ່ຈາກາຕາຍັງເຕີບໂຕຢ່າງວ່ອງໄວ ແລະ ດຶງດູດການລົງທຶນຈາກຕ່າງປະເທດຫຼາຍຂຶ້ນ ການລົງທຶນຂອງຈີນສະທ້ອນເຖິງເຈດຕະນາຂອງຜູ້ນຳຈີນທີ່ຕ້ອງການຮັດແໜ້ນຄວາມສຳພັນທາງການຄ້າຕາມເສັ້ນທາງສາຍໄໝຍຸກໃໝ່ ແລະ ສອດຄ່ອງກັບນະໂຍບາຍຂອງທ່ານ ໂຈໂຄວີ ປະທານາທິບໍດີຂອງອິນໂດເນເຊຍ ທີ່ຕ້ອງການເລັ່ງສ້າງໂຄງສ້າງພື້ນຖານເຊັ່ນ: ທ່າເຮືອ, ສະໜາມບິນ ແລະ ຍົກລະດັບກະສິກຳພາຍໃນ 3 ປີຕໍ່ໜ້າ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.