ມູນ​ຄ່າ​ການ​ຄ້າ ລາວ-ຫວຽດ­ນາມ ຫຼຸດ​ລົງ​ຫຼັງ​ລາວ ໂຈະ​ຂຸດ​ຄົ້ນ ແລະ​ສົ່ງ​ອອກ​ສິນ­ຄ້າ​ບາງ​ປະ­ເພດ

ມູນ​ຄ່າ​ການ​ຄ້າ ລາວ-ຫວຽດ­ນາມ ຫຼຸດ​ລົງ​ຫຼັງ​ລາວ ໂຈະ​ຂຸດ​ຄົ້ນ ແລະ​ສົ່ງ​ອອກ​ສິນ­ຄ້າ​ບາງ​ປະ­ເພດ

ມູນ​ຄ່າ​ການ​ຄ້າ ລາວ-ຫວຽດ­ນາມ ຫຼຸດ​ລົງ​ຫຼັງ​ລາວ ໂຈະ​ຂຸດ​ຄົ້ນ ແລະ​ສົ່ງ​ອອກ​ສິນ­ຄ້າ​ບາງ​ປະ­ເພດ

ມູນຄ່າການຄ້າ ລາວ-ຫວຽດ­ນາມ ຫຼຸດລົງຫຼັງລາວ ໂຈະຂຸດຄົ້ນ ແລະສົ່ງອອກສິນ­ຄ້າບາງປະ­ເພດ

ຈາກສະ­ພາບກົນໄກຂອງຕະ­ຫຼາດ ບວກໃສ່ນະ­ໂຍ­ບາຍຂອງລັດ­ຖະ­ບານທີ່ຜ່ານມາມີການສັ່ງໂຈະຂຸດຄົ້ນບໍ່ແຮ່ຈຳ­ນວນໜຶ່ງ ແລະໃຫ້ຢຸດສັ່ງອອກໄມ້ທ່ອນ, ໄມ້ແປຮູບທີ່ຂຸດຄົ້ນຕາມທຳມະຊາດໄດ້ສົ່ງຜົນເຮັດໃຫ້ພາບລວມຂອງການສົ່ງ ອອກສິນ­ຄ້າຂອງລາວໄປຍັງຕະ­ຫຼາດ ຕ່າງ­ປະ­ເທດຫຼຸດລົງຫຼາຍ  ສະ­ເພາະກັບ ສສ ຫວຽດ­ນາມ ໃນ 6 ເດືອນຕົ້ນປີນີ້, ມູນຄ່າການຄ້າບັນ­ລຸໄດ້ 3,46 ພັນຕື້ກີບ, ຫຼຸດລົງ 34,8%, ຫຼຸດລົງເກືອບເຄີ່ງໜຶ່ງຖ້າທຽບ­ໃສ່ໄລ­ຍະດຽວຂອງປີ­ຜ່ານ­ມາ.

ປະ­ຕິ­ບັດຕາມເນື້ອໃນຈິດ­ໃຈບົດບັນທຶກກອງປະ­ຊຸມການຮ່ວມມືພັດ­ທະ­ນາ ການຄ້າຊາຍແດນລາວ-ຫວຽດ­ນາມ ຄັ້ງທີ IX ທີ່ແຂວງດຽນບຽນ ສສ ຫວຽດ­ນາມ ແລະການອະ­ນຸ­ມັດຂອງ 2 ລັດ­ຖະ­ບານ ເພື່ອຊຸກ­ຍູ້ການຜັນຂະ­ຫຍາຍແຜນແມ່ບົດການຮ່ວມມືຮອບດ້ານຂອງກະ­ຊວງ ທັງ 2 ຝ່າຍ ລາວ-ຫວຽດ­ນາມໃຫ້ບັນ­ລຸຜົນຕາມເປົ້າໝາຍ ກອງປະ­ຊຸມການຮ່ວມມືພັດ­ທະ­ນາການ ຄ້າຊາຍແດນ ລາວ-ຫວຽດ­ນາມ ຄັ້ງທີ X ໄດ້ຈັດຂຶ້ນໃນວັນທີ 23 ກັນ­ຍາຜ່ານມາ ທີ່ແຂວງອັດຕະປື.

ໂດຍເຂົ້າຮ່ວມມີທ່ານ ນາມ ວິຍະ ເກດ ເຈົ້າ­ແຂວງອັດຕະປື, ທ່ານ ນາງ ເຂັມມະ­ນີ ພົນເສ­ນາ ລັດ­ຖະ­ມົນ­ຕີກະ­ຊວງອຸດ ສາຫະກຳ ແລະການຄ້າ, ທ່ານ ເຈິນຕັວນເອັງ ລັດ­ຖະ­ມົນ­ຕີກະ­ຊວງອຸດສາ ຫະກຳ ແລະການຄ້າ ສສ ຫວຽດ­ນາມ, ພ້ອມບັນ­ດາຮອງລັດ­ຖະ­ມົນ­ຕີ, ບັນ­ດາກະຊວງ, ຂະ­ແໜງ­ການຂັ້ນສູນກາງ ແລະ ທ້ອງ­ຖິ່ນ ພ້ອມດ້ວຍພາກທຸ­ລະກິດຂອງ 2 ປະ­ເທດເຂົ້າຮ່ວມ.

ກອງປະ­ຊຸມໄດ້ຕີລາຄ້າສູງບັນ­ດາຜົນ ງານທີ່ສອງຝ່າຍຍາດມາໄດ້ ໃນການ­ເຄື່ອນ­ໄຫວວຽກງານການຄ້າຊາຍແດນ ລະ­ຫວ່າງ ລາວ-ຫວຽດ­ນາມ ຜ່ານການ ຈັດຕັ້ງປະ­ຕິ­ບັດເນື້ອໃນບົດບັນ­ທຶກກອງ ປະ­ຊຸມການຮ່ວມມືພັດ­ທະ­ນາການຄ້າຊາຍແດນ ຄັ້ງທີ IX ມາເຖິງປະ­ຈຸບັນ ເຫັນໄດ້ວ່າ: ກົນໄກການຮ່ວມມືໄດ້ປະ ກອບສ່ວນຢ່າງຕັ້ງ­ໜ້າ ໃນຂີດການເພີ່ມທະ­ວີການຮ່ວມມືໃນຂົງ­ເຂດເສດ­ຖະ­ກິດ, ວັດ­ທະ­ນາທຳສັງ­ຄົມ ລະ­ຫວ່າງ 2 ປະ ເທດເວົ້າສະ­ເພາະແມ່ນໄດ້ປະ­ກອບ­ສ່ວນໃນວຽກງານການພົວ­ພັນແລກ­ປ່ຽນຊື້-  ຂາຍສິນ­ຄ້າຜ່ານດ່ານຊາຍແດນຂອງ 2 ປະ­ເທດ.

ໃນປີ 2015 ຜ່ານມາ ມູນຄ່າການຄ້າລະ­ຫວ່າງ ລາວ-ຫວຽດ­ນາມ ບັນ­ລຸ ໄດ້ 8,8 ພັນຕື້ກີບ, ທຽບ­ໃສ່ປີ 2014 ຫລຸດລົງ 12,6% ໃນນັ້ນ, ການສົ່ງອອກຂອງລາວໄປຫວຽດ­ນາມ ໃນປີ 2015ແມ່ນບັນ­ລຸໄດ້ 4,7 ພັນຕື້ກີບ ຫຼຸດລົງ 26,6% ສ່ວນມູນຄ່າການນຳເຂົ້າບັນ­ລຸ ໄດ້ 4,2 ພັນຕື້ກີບ ເພີ່ມຂຶ້ນ 10,2% ທຽບ­ໃສ່ປີ 2014.

ສະ­ເພາະ 6 ເດືອນຕົ້ນປີ 2016 ນີ້, ມູນຄ່າການຄ້າບັນ­ລຸໄດ້ 3,46 ພັນຕື້ກີບ ຫຼຸດລົງ 34,8% ໃນນີ້, ການສົ່ງອອກ ຂອງລາວໄປຫວຽດ­ນາມ ໃນປີ 2015 ແມ່ນບັນ­ລຸໄດ້ 1.5  ຕື້ກີບ ຫຼຸດລົງ 43,6% ແລະການນຳເຂົ້າແມ່ນ 1,8 ພັນຕື້ກີບ ຫຼຸດລົງ 25% ທຽບ­ໃສ່ໄລ­ຍະດຽວຂອງ ປີ 2015.

ສາ­ເຫດທີ່ພາ­ໃຫ້ຫຼຸດລົງເນື່ອງຈາກ ການສົ່ງອອກຂອງ ລາວໄປຫວຽດ­ນາມ ໂດຍລວມແມ່ນເປັນໄປຕາມກົນໄກຕະ ຫຼາດ ແລະນະ­ໂຍ­ບາຍຂອງຝ່າຍລາວທີ່ມີ ການສັ່ງໂຈະການຂຸດຄົ້ນບໍ່ແຮ່ຈຳ­ນວນ ໜຶ່ງ ແລະການສັ່ງໃຫ້ຢຸດ­ຕິການສົ່ງອອກ ໄມ້ທ່ອນ, ໄມ້ແປຮູບ ທີ່ຂຸດຄົ້ນຕາມທຳມະ ຊາດເຮັດໃຫ້ພາບລວມການສົ່ງອອກ ຂອງລາວໄປຕ່າງ­ປະ­ເທດມີລັກ­ສະ­ນະຫຼຸດລົງ.

ແຕ່ເຖິງຢ່າງ­ໃດກໍຕາມ ເພື່ອເຮັດໃຫ້ ໂຄງສ້າງການຮ່ວມມືພັດ­ທະ­ນາການ ຄ້າຊາຍແດນລະ­ຫວ່າງລາວ-ຫວຽດ ນາມ ໃຫ້ມີການຄົງຕົວ ແລະຂະ­ຫຍາຍ ຕົວ­ຢ່າງຕໍ່ເນື່ອງໃນຮູບແບບຍຸດທະສາດຍາວນານ ທັງ 2 ຝ່າຍ ໄດ້ເຈລະ­ຈາ-ປຶກ ສາຫາ­ລືຢ່າງກົງໄປກົງມາຫາວິ­ທີທາງ ແກ້ໄຂ ແລະຍົກລະ­ດັບການຮ່ວມມືໃຫ້ ແໜ້ນແຟ້ນຍິ່ງຂຶ້ນກວ່າເກົ່າ ເພື່ອເຮັດໃຫ້ ການຄ້າຊາຍແດນລາວ-ຫວຽດ­ນາມ ນັບມື້ນັບມີການພັດ­ທະ­ນາປະ­ກອບ­ສ່ວນ ເຮັດໃຫ້ມູນຄ່າການຄ້າຮ່ວມຂອງ 2 ປະ­ເທດເພີ່ມຂຶ້ນ 20% ໃນປີ 2016 ໂດຍ ສະ­ເພາະສິນ­ຄ້າອຸດ­ສາ­ຫະ­ກຳ, ກະ­ສິ­ກຳ ທີ່ຊື້-ຂາຍລະ­ຫວ່າງ 2 ປະ­ເທດໃຫ້ມີທ່າ ອ່ຽງເພີ່ມຂຶ້ນ ແລະຫຼາກຫຼາຍທາງດ້ານ ປະ­ເພດສິນ­ຄ້າໃນອະ­ນາ­ຄົດ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.