ເຕັກນິກການຖ່າຍພາບບຸກຄົນ

ໂຟກ​ັສ​ໄປ​ທີ່​ຕາ

ຫຼັກ­ການ​ສຳ­ຄັນ​ຂໍ້​ທຳ​ອິດ​ຂອງ​ການ​ຖ່າຍ​ພາບ​ບຸກ­ຄົນ​ຄື​ການ​ໂຟກັສ​ທີ່​ດວງ​ຕາ ເນື່ອງ​ຈາກ​ດວງ​ຕາ​ນັ້ນ​ເປັນ​ສ່ວນ​ສຳ­ຄັນ​ທີ່​ສຸດ​ໃນ​ພາບ ເນື່ອງ​ຈາກ​ເປັນ​ສິ່ງ​ທີ່​ບົ່ງ​ບອກ ແລະ​ສະ­ແດງ​ເຖິງ​ອາ­ລົມ​ຂອງ​ພາບ ຖ້າ​ຫາ​ກວ່າ​ເຮົາ​ບໍ່​ໄດ້​ໂຟກ​ັສ​ທີ່​ດວງ​ຕາ ແລະ​ເຮັດ​ໃຫ້​ຕາ​ບໍ່​ຊັດ​ເຈນ​ນັ້ນ​ຕົວແບບ​ທີ່​ເຮົາ​ຖ່າຍ​ຈະ​ເບິ່ງ​ຄື​ຄົນ​ສຸ­ຂະ­ພາບ​ບໍ່​ດີຄື​ຄົນ​ເຈັບ​ເຮັດ​ໃຫ້​ພາບ​ຂາດຄວາມ​ໜ້າ​ສົນ­ໃຈ​ໄປ​ໃນ​ທັນ­ທີ​ເຫດ​ສຳ­ຄັນ​ອີກ​ປະ­ການ​ໜຶ່ງ​ຄື​ການ​ຖ່າຍພາບ​ບຸກ­ຄົນ​ນັ້ນ​ເຮົາ​ໝັກ​ຈະ​ໃຊ້​ຮູບ​ຮັບ​ແສງ​ທີ່​ກວ້າງ ຊຶ່ງ​ຈະ​ເຮັດ​ໃຫ້​ມີ​ໄລຍະ​ຕື້ນ​ເລິກ​ທີ່​ໜ້ອຍເຖິງ​ວ່າ​ເຮົາ​ຈະ​ທຳ​ການ​ໂຟກ​ັສ​ທີ່​ໃບ​ໜ້າ​ແລ້ວ​ກໍ​ຕາມແຕ່​ຫຼາຍ​ຄັ້ງ​ເຮົາ​ອາດ​ພົບ​ກໍ­ລະ­ນີ​ທີ່​ດັງ​ເຫັນ​ດີ​ແຕ່​ດວງ​ຕາ​ບໍ່​ຊັດ​ເຈນ ຫຼື ບາງ­ເທື່ອ​ເປັນ​ແກ້ມ ຫຼື ວ່າ​ໃບ​ຫູ​ເຫັນ​ຊັດ​ເຈນ​ແຕ່​ດວງ​ຕາ​ບໍ່​ຊັດ​ເຈນ​ກໍ່​ມີການ​ໂຟກ​ັສ​ທີ່​ດວງ​ຕາ​ໃຫ້​ຈະ­ແຈ້ງ​ນັ້ນ​ບາງ​ຄັ້ງ​ບໍ­ລິ­ເວນ​ບ່າ ຫຼື ວ່າ​ໃບ​ຫູ​ບໍ່​ຊັດ​ເຈນ​ກໍ​ຍັງ​ສາ­ມາດ​ເປັນ​ພາບ​ທີ່​ດີ​ໄດ້.

ຫ້າມ​ຕັດ​ບໍ­ລິ­ເວນ​ຂໍ້​ຕໍ່

ຫຼັກ­ການ​ສຳ­ຄັນ​ອີກ​ປະ­ການ​ໜຶ່ງ​ກໍ​ຄື​ການ​ຈັດ​ອົງ​ປະ­ກອບ​ພາບ​ນັ້ນຢ່າ​ຕັດ​ຂອບ​ພາບ​ບໍ​ລິ​ເວັນ​ຂໍ້​ຕໍ່ຊຶ່ງ​ໄດ້­ແກ່ ຄໍ, ຂໍ້­ສອກ, ຂໍ້­ມື, ແອ​ລ, ຫົວເຂົ່າ, ຂໍ້​ຕີນ ເນື່ອງ​ຈາກ​ຈະ​ເຮັດ​ໃຫ້​ອາ­ລົມ​ພາບ​ນັ້ນ​ອອກ​ມາ​ດີ​ຄວາມ​ຮູ້ສຶກ​ຂອງ​ຄົນ​ເບິ່ງ​ພາບ​ຈະ​ຮູ້­ສຶກ​ຄື​ວ່າ​ເປັນ​ຕົວ​ແບບ​ຂອງ​ເຮົາ​ນັ້ນ​ແຂນ ຫຼື ຂາ​ຂາດ​ໄດ້​ການ​ຕັດ​ຂອບ​ພາບ​ບໍ­ລິ­ເວນ​ແຂນ​ຂາ ຫຼື ລຳ​ຕົວ​ນັ້ນ​ເຮັດ​ໄດ້ ພຽງ​ແຕ່​ເຮົາ​ຕ້ອງ​ບໍ່​ຕັດ​ບໍ­ລິ­ເວນ​ຂໍ້​ຕໍ່​ເທົ່າ​ນັ້ນ​ເອງເນື່ອງ​ຈາກ​ຂໍ້​ຕໍ່​ຕ່າງໆ ເປັນ​ຈຸດ​ເຊື່ອມ​ຕໍ່​ຂອງ​ຮ່າງ­ກາຍ​ຢູ່​ແລ້ວ​ການ​ຕັດ​ບໍ­ລິ­ເວນ​ຂໍ້​ຕໍ່​ນັ້ນ​ຈະ​ເປັນການ​ເນັ້ນ​ຢ້ຳ​ຄວາມ​ຮູ້­ສຶກ​ຄົນ​ເບິ່ງ​ພາບ​ວ່າ​ອະ​ໄວ​ຍະ​ວະ​ສ່ວນ​ນັ້ນ​ອາດຂາດ​ຫາຍ​ໄປ​ໄດ້​ຫຼາຍ​ຈົນ​ເກີນ​ໄປ​ການ​ລະ­ວັງ​ບໍ່​ຕັດ​ບໍ­ລິ­ເວນ​ຂໍ້​ຕໍ່​ຈະ​ເຮັດໃຫ້​ໄດ້​ພາບ​ທີ່​ດີ​ກວ່າ.

canon5dsr2

ສື່­ສານ​ກັບ​ຕົວ​ແບບ​ຂອງ​ທ່ານ​ໃຫ້​ເຊັດ​ເຈນ

ເພາະ­ວ່າ​ການ​ຖ່າຍ​ພາບ​ບຸກ­ຄົນ Portrait ນັ້ນ​ເປັນ​ຊ່າງ​ພາບ​ບໍ່​ໄດ້ເຮັດ​ວຽກ​ຄົນ​ດຽວ​ຄື​ກັບ​ການ​ຖ່າຍ​ພາບ​ແບບ​ອື່ນ​ເຊັ່ນ: ການ​ຖ່າຍ​ພາບທິວ​ທັດ, ການ​ຖ່າຍ​ພາບ​ບຸກ­ຄົນ​ນັ້ນ​ຈິ່ງ​ເປັນ​ການ​ເຮັດ​ວຍກ​ຮ່ວມ​ກັນ​ລະຫວ່າງ​ຜູ້​ຖ່າຍ ແລະ​ຕົວ​ແບບ ຊຶ່ງ​ຕ້ອງ​ມີ​ການ​ສື່­ສານ​ໂອ້​ລົມ​ກັນ​ວ່າ​ຢາກໄດ້​ອາ­ລົມ ແລະ​ທ່າ​ທາງ​ແບບ​ໃດ, ສິ­ລະ​ປະ​ໃນ​ການ​ສື່­ສານ​ຈິ່ງ​ເປັນ​ສິ່ງ​ສຳຄັນ​ປະ­ການ​ທຳ​ອິດ​ຄື​ຢ່າ​ໃຫ້​ຕົວ​ແບບ​ເຮົາ​ມີ​ຄວາມ​ຄຽດ​ຢ່າງ​ເດັດ­ຂາດເພາະ­ວ່າ​ຈະ​ເຮັດ​ໃຫ້​ບໍ່​ສາ­ມາດ​ຖ່າຍ​ທອດ​ອາ­ລົມ​ທີ່​ເປັນ​ທຳ​ມະ​ຊາດ ອອກ​ມາ​ໄດ້​ພະ­ຍາ­ຍາມ​ບອກ­ເລົ່າ ແລະ​ສື່­ສານ​ກັນ​ໃຫ້​ເຂົ້າ­ໃຈ​ໃຫ້​ໄດ້​ວ່າທ່ານ​ຕ້ອງ­ການ​ອາ­ລົມ ແລະ​ທ່າ​ທາງ​ແບບ​ໃດເມື່ອ​ສາ­ມາດ​ສື່­ສານ​ໄດ້​ກົງກັນ​ແລ້ວ​ເຊື່ອ​ແນ່­ນອນ​ວ່າ​ທ່ານ​ຈະ​ໄດ້​ອາ­ລົມ​ຂອງ​ພາບ​ແບບ​ທີ່​ທ່ານຕ້ອງ­ການ​ໄດ້​ບໍ່​ຍາກ​ປານ­ໃດ.

ປ່ອຍ​ໃຫ້​ເຂົ້າ​ເປັນ​ໃນ​ແບບ ທີ່​ເຂົ້າ​ເປັນ​ໃນ​ການ​ຖ່າຍ​ພາບ​ບຸກ ຄົນ​ບາງ​ຢ່າງ​ເຊັ່ນ​ພາບ​ແບບ​ວິ­ຖີຊີ­ວິດ, ແບບ​ສາ­ລະ​ຄະ­ດີ ຫຼື ວ່າແບບ​ອື່ນໆ​ກໍ​ຕາມ​ບາງ­ເທື່ອ​ເຮົາ​ຕ້ອງ​ຖ່າຍ​ພາບ​ເພື່ອ​ສື່​ຄວາມ​ເປັນຕົວ​ຕົນ​ຂອງ​ຄົນໆ​ນັ້ນ​ອອກ​ມາຫຼາຍ​ກວ່າ​ການ​ທີ່​ຈະ​ໃຫ້​ຄົນໆ​ນັ້ນ​ເຮັດ​ຕາມ​ແນວ​ຄວາມ​ຄິດ​ທີ່​ເຮົາ​ວາງ​ເອົາ​ໄວ້ຊຶ່ງ​ພາບ​ແບບ​ນີ້​ເຮົາ ຕ້ອງ​ມອງ​ໃຫ້​ເຫັນ ແລະ​ດຶງ​ຄວາມເປັນ​ຕົວ​ຕົນ​ຂອງ​ລາວ​ອອກ​ມາໂດຍ​ປ່ອຍ​ໃຫ້​ເຂົ້າ​ເປັນ​ໄປ​ໃນ​ແບບທີ່​ເຂົາ​ເປັນຊຶ່ງ​ສຳ­ລັບ​ພາບ​ແບບວິ­ຖີ​ຊີ­ວິດ ຫຼື ແບບ​ສາ­ລະ​ຄະ­ດີ​ນັ້ນການ​ຍ່າງ​ເຂົ້າ​ໄປ​ຖ່າຍ​ໂດຍ​ກົງນັ້ນ​ຂ້ອນ​ຂ້າງ​ຈະ​ເສຍ​ມາ­ລະ­ຍາດ ແລະ​ເຮັດ​ໃຫ້​ເກີດ​ຄວາມ​ເຂົ້າ­ໃຈ​ຜິດ​ໄດ້​ເລື້ອຍໆ​ການ​ທີ່​ຄົນ​ມີ​ກ້ອງມີ​ສິດ​ທີ່​ຈະ​ຖ່າຍ​ພາບ​ນັ້ນ​ຄົນ​ຖືກ ຖ່າຍ​ກໍ​ມີ​ສິດ​ທີ່​ຈະ​ບໍ່​ໃຫ້​ຖ່າຍ​ໄດ້ ເທົ່າໆ​ກັນ ເຮົາ​ຄວາມ​ທີ່​ຈະ​ເຂົ້າ​ໄປພົບ​ປະ​ໂອ້​ລົມ​ກັນ​ເສຍ​ກ່ອນ​ສະແດງ​ຄວາມ​ເປັນ​ມິດ​ກັບ​ຜູ້​ທີ່​ເຮົາ​ຈະ​ຖ່າຍ​ພາບ​ລາວ ຖ້າ​ຫາ​ກວ່າເຮົາ​ຜູກ​ມິດ​ກັບ​ລາວ​ໄດ້​ໂອ­ກາດ​ທີ່​ຈະ​ໄດ້​ພາບ​ງາມໆ​ນັ້ນ​ມີ​ຄວາມເປັນ​ໄປ​ໄດ້​ສູງ​ບາງ­ເທື່ອ​ເຮົາ​ອາດຕ້ອງ​ເວົ້າ​ລົມ​ໄປ​ຖ່າຍ​ໄປ ແລະຄອຍ​ຈັບ​ກິ­ລິ­ຍາ​ທ່າ​ທາງ​ຂອງ​ເຂົາ ແລະ​ກໍ​ຄ່ອຍໆ​ຖ່າຍ​ໄປ​ແນ່­ນອນວ່າ​ໃນ​ຫຼາຍໆ​ຄັ້ງ​ເຮົາ​ຕ້ອງ​ຖ້າ​ຈັງ ຫວະ​ຖ່າຍ​ເອົາ​ເອງເພາະ​ການ​ຈະບອກ​ໃຫ້​ເຂົາ​ທຳ­ທ່າ​ຕາມ​ທີ່​ເຮົາຕ້ອງ­ການ​ນັ້ນບາງ​ຄັ້ງ​ຈະ​ເຮັດ​ໃຫ້​ລາວ​ບໍ່​ເປັນ​ທຳ​ມະ​ຊາດ​ໄດ້.

korng1

Window light

ການ​ຄວບ​ຄຸມ​ທິດ​ທາງ​ແສງນັ້ນ​ຖື​ເປັນ​ເຕັກ­ນິກ​ສຳ­ຄັນ​ອັນ​ໜຶ່ງ ຂອງ​ການ​ຖ່າຍ​ພາບ​ບຸກ­ຄົນ​ໃຫ້​ມີ​ຄວາມ​ແຕກ​ຕ່າງ ໃນ​ສະ­ຖາ­ນະ ການ​ຕ່າງໆ​ນັ້ນ​ກໍ​ຈະ​ໄດ້​ມີ​ສະພາບ​ແສງ​ທີ່​ແຕກ​ຕ່າງ​ກັບ​ໄປ ຊຶ່ງ​ເຮົາ​ຕ້ອງ​ຊອກ​ໃຫ້​ພົບ​ວ່າ​ຈະ​ນຳ​ໃຊ້​ແຕ່​ລະ​ສະ­ພາບ​ແສງ​ນັ້ນ​ແນວ­ໃດ​ໜຶ່ງ ເຕັກ­ນິກ​ທີ່​ສາ­ມາດ​ໃຊ້​ວຽກ​ໄດ້ງ່າຍໆ​ຄື​ການ​ນຳ​ໃຊ້​ແສງ​ທີ່​ເຂົ້າມາ​ພຽງ​ດ້ານ​ດຽວ ຊຶ່ງ​ຈະ​ຮຽກ​ວ່າເຕັກ­ນິກ​ນີ້​ໃຊ້​ວຽກ​ບໍ່​ຍາກ ແລະສ້າງ​ຄວາມ​ແຕກ​ຕ່າງ​ໃນ​ພາບ​ໄດ້ດີ​ເຮົາ​ສາ­ມາດ​ໃຊ້​ເຕັກ­ນິກ​ນີ້​ໄດ້ ໂດຍ​ການ​ຫາ​ສະ­ຖານ­ທີ່​ທີ່​ມີ​ແສງເຂົ້າ​ມາ​ດ້ານ​ດຽວ​ເຊັ່ນ: ດ້ານ​ຂ້າງ ປ່ອງ­ຢ້ຽມ, ປະ­ຕູ ຫຼື​ວ່າ​ຊ່ອງ​ກຳແພງ​ກໍ​ໄດ້​ຂໍ​ໃຫ້​ເປັນ​ສະ­ຖານ­ທີ່ໆ ສາ­ມາດ​ບີບ​ໃຫ້​ແສງ​ເຂົ້າ​ມາ ຈາກ​ດ້ານ​ດຽວ​ໄດ້ ແລ້ວ​ຈັດ​ໃຫ້ແສງ​ເຂົ້າ​ມາ​ດ້ານ​ຂ້າງ​ຂອງ​ຕົວ ແບບ​ເທົ່າ​ນີ້​ເຮົາ​ກໍ​ຈະ​ໄດ້​ພາບ​ແສງທີ່​ແຕກ​ຕ່າງ​ຈາກ​ປົກ­ກະ­ຕິ​ຢູ່​ພໍ​ສົມຄວນ​ແລ້ວ ຊຶ່ງ​ເຕັກ­ນິກ​ນີ້​ບໍ່​ຍາກ ຈົນ​ເກີນ​ໄປ​ຢູ່​ທີ່​ເຮົາ​ຈະ​ສາ­ມາດຫາ​ສະ­ພາບ​ແສງ​ໃນ​ສະ­ຖານ­ທີ່ນັ້ນໆ​ໄດ້ ຫຼື ບໍ່ ຈາກ​ພາບ​ຕົວ­ຢ່າງຂ້າງ​ລຸ່ມ​ເປັນ​ພາບ​ທີ່​ໃຫ້​ຕົວ​ແບບຢືນ​ຂ້າງໆ​ຊ່ອງ​ແສງເພື່ອ​ໃຫ້​ມີແສງ​ເຂົ້າ​ມາ​ທາງ​ດ້ານ​ຂວາ​ຂອງ ພາບ​ພຽງ​ດ້ານ​ດຽວ​ເຮັດ​ໃຫ້​ໄດ້ ພາບ​ທີ່ມີ​ລັກ­ສະ­ນະ​ແປກ​ຕາ ແລະ ໜ້າ​ຄົ້ນ​ຫາ​ຫຼາຍ​ຂຶ້ນ.

ຖ່າຍ​ພາບ​ຢ້ອນ​ແສງ

ຫຼາຍ​ເທື່ອ​ເຮົາ​ອາດ​ເຄີຍ​ໄດ້​ຍິນ​ວ່າ­ການ​ຖ່າຍ​ພາບ​ຢ້ອນ​ແສງ​ນັ້ນ​ຈະໃຫ້​ຕົວ​ແບບ​ໜ້າ​ດຳ ແລະ​ໄດ້​ພາບ​ທີ່​ບໍ່​ດີ ແຕ່​ໃນ​ຄວາມ​ເປັນ​ຈິງ​ແລ້ວ​ຖ່າຍ​ພາບ​ບຸກ­ຄົນ​ຢ້ອນ​ແສງ​ນັ້ນ​ມີ​ສິ່ງ​ທີ່​ເຊື່ອງ​ຢູ່ໂດຍ​ເຮົາ​ຈະ​ໄດ້​ປະ­ກາຍ​ຂອງເສັ້ນ​ຜົມ​ເກີດ​ຂຶ້ນ​ຈາກ​ການ​ຖ່າຍ​ພາບ​ຢ້ອນ​ແສງ ຊຶ່ງ​ສິ່ງ​ທີ່​ເຮົາ​ເອງ​ທຳການ​ແກ້​ໄຂ​ຄື​ການ​ເຮັດ​ບໍ່​ໃຫ້​ຕົວ​ແບບ​ເຮົາ​ນັ້ນ​ໜ້າ​ດຳ ຊຶ່ງ​ວິ­ທີ​ແກ້​ນັ້ນ​ຈະມີ​ຢູ່ 3 ວິ­ທີ​ດ້ວຍ​ກັນ​ໄດ້­ແກ່:

  1. ໃຊ້​ການ​ວັດ­ແທກ​ແສງ​ແບບ​ສະ­ເພາະ​ຈຸດ​ວັດ​ແສງ​ທີ່​ບໍ­ລິ­ເວນ ແກ້ມ​ຂອງ​ຕົວ​ແບບ (ວິ­ທີ​ການ​ນີ້ ອາດ​ເຮັດ​ໃຫ້​ສາກ​ຫຼັງ​ວ່າງ​ເກີນ​ໄປ)
  2. ໃຊ້​ແຟລດ​ຊ່ວຍ​ຕື່ມ​ແສງ​ບໍ­ລິ­ເວນ​ໃບ​ໜ້າ
  3. ໃຊ້ Reflex ໃນ​ການ​ຕື່ມ​ແສງ​ບໍ­ລິ­ເວນ​ໃບ​ໜ້າ (ວິ­ທີ​ນີ້ ຈະໃຫ້​ແສງ​ທີ່​ນຸ່ມ​ນວນ ແລະ​ມີ​ມິ​ຕິ​ຫຼາຍ​ກວ່າ​ການ​ໃຊ້​ແຟລດ​ທຳ​ມະ​ດາ ແຕ່ຕ້ອງ​ມີ​ຄົນ​ຊ່ວຍ​ຖື​ໃຫ້)

ຈາກ​ສາມ​ວິ­ທີ​ການ​ຂ້າງ​ຕົ້ນ​ນັ້ນ​ຈະ​ເຮັດ​ໃຫ້​ເຮົາ​ສາ­ມາດ​ຖ່າຍ​ພາບ ຢ້ອນ​ແສງ​ໂດຍ​ມີ​ປະ­ກາຍ​ທີ່​ເສັ້ນ​ຜົມ​ໄດ້ໂດຍ​ທີ່​ບໍ່​ເຮັດ​ໃຫ້​ຕົວ​ແບບ​ຂອງເຮົາ​ໜ້າ​ດຳ​ອີກ​ຕໍ່​ໄປ​ວິ­ທີ​ການ​ນີ້​ບໍ່​ຍາກ ແລະ​ນຳ­ໄປ​ປັບ​ໃຊ້​ກັບ​ສະ­ຖາ­ນະການ​ຕ່າງໆ​ໄດ້​ບໍ່​ຍາກ.

jjjjjjjjjjjjjjjjjj

     ການ​ຖ່າຍ​ພາບ​ບຸກ­ຄົນ​ຮ່ວມ​ກັບ​ທິວ​ທັດ​ໃນ​ຫຼາຍໆ​ຄັ້ງ​ທີ່​ເຮົາ​ຕ້ອງການ​ຖ່າຍ​ພາບ​ບຸກ­ຄົນ​ຮ່ວມ​ກັບ​ສາກ​ຫຼັງ​ ໂດຍ​ທີ່​ເຮົາ​ຈຳ­ເປັນ​ຕ້ອງໃຫ້​ຄວາມ​ສຳ­ຄັນ​ກັບ​ທັງ​ສອງ​ຢ່າງ​ເຊັ່ນ: ການ​ໄປ​ຖ່າຍ­ຮູບ​ໃນ​ສະ­ຖານ­ທີ່ທ່ອງ​ທ່ຽວ​ຕ່າງໆ ຫຼື ການ​ຖ່າຍ­ຮູບ​ກັບ​ສະ­ຖານ­ທີ່​ສຳ­ຄັນ​ເຮົາ​ມັກ​ພົບ​ວ່າ​ໂດຍ​ທົ່ວ​ໄປ​ມັກ​ຈະ​ວາງ​ຕົວ​ແບບ​ໄວ້​ຢູ່​ກາງ​ພາບ​ຊຶ່ງ​ໃນ​ຫຼາຍ​ຄັ້ງຕົວ​ແບບ​ຂອງ​ເຮົາ​ຈະ​ໄປ​ບົດ​ບັງ​ພາບ​ທິວ​ທັດ​ເບື້ອງ​ຫຼັງ ຊຶ່ງ​ໃນ​ຄວາມ ເປັນ​ຈິ່ງ​ແລ້ວ​ມີ​ວິ­ທີ​ທີ່​ງ່າຍ​ທີ່​ຈະ​ເຮັດ​ໃຫ້​ທັງ​ສອງ​ສິ່ງ​ຢູ່​ຮ່ວມ​ກັນ​ໄດ້ ໂດຍ​ການ​ວາງ​ຈຸດ​ສົນ​ໃນ​ໃນ​ພາບ ຊຶ່ງ​ສາ­ມາດ​ນຳ​ຫຼັກ­ການ​ນີ້ມາ​ໃຊ້ຮ່ວມ​ກັບ​ການ​ຖ່າຍ​ພາບ​ບຸກ­ຄົນ​ໄດ້​ເຊັ່ນ​ກັນ ໂດຍ​ໃຫ້​ເຮົາ​ທຳ​ການ​ວາງ ຄົນ​ໄວ້​ດ້ານ​ຊ້າຍ ຫຼື ດ້ານ​ຂວາ​ພາບ​ຕາມ​ກົດ​ຂອງ​ຈຸດ​ຕັດ 9 ຊ່ອງ ຈະ​ເຮັດໃຫ້​ສາ­ມາດ​ເກັບ​ພາບ​ຂອງ​ທິວ​ທັດ​ເບື້ອງ​ຫຼັງ ແລະ​ພາບ​ຂອງ​ຕົວ​ແບບເອົາ​ໄວ້​ໄດ້​ໂດຍ​ບໍ່​ມີ​ບັນ­ຫາ​ໃດໆອີກ​ວິ­ທີ​ການ​ໜຶ່ງ​ກໍ​ຄື​ຖ້າ​ຫາ​ກວ່າ​ເຮົາ ຕ້ອງ­ການ​ຖ່າຍ​ຮ່ວມ​ກັບ​ຕຶກ ຫຼື ສິ່ງ​ທີ່​ມີ​ລັກ­ສະ­ນະ​ເປັນ​ຊົງ​ຕັ້ງ​ໃຫ້​ເຮົາຈັດ​ອົງ​ປະ­ກອບ​ພາບ​ຄື​ກັນ​ເປັນ​ການ​ຖ່າຍ​ພາບ​ຄູ່​ກໍ​ໄດ້ ໂດຍ​ໃຫ້​ຈິນ­ຕະ­ນາການ​ວ່າ​ສະ­ຖານ­ທີ່​ນັ້ນໆ​ເປັນ​ອີກ​ຄົນ​ໜຶ່ງ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.