ເອເຊີເຜີຍ Aspire VX 15 ໂນດບຸກສຳລັບເກມສະເປັກແຮງ

ເອເຊີເຜີຍ Aspire VX 15 ໂນດບຸກສຳລັບເກມສະເປັກແຮງ

ເອເຊີເຜີຍ Aspire VX 15 ໂນດບຸກສຳລັບເກມສະເປັກແຮງ

​ເອ​ເຊີ ຜູ້​ຜະລິດ​ຄອມ​ພິວ​ເຕີ​ຊັ້ນ​ນຳ​ຂອງ​ໂລກ​ໄດ້​ເປີດ​ຕົວ​ໂນ​ດບຸກທີ່​ມາ​ພ້ອມ​ໜ່ວຍ​ປະມວນ​ຜົນ​ລະຫັດ HQ ​ເຊິ່ງໜຶ່ງ​ໃນ​ນັ້ນ​ ກໍ​ມີ Aspire VX 15 ​ໂມ​ເດລ ​VX5-591G ໂນ​ດບຸກສຳລັບ​ການ​ຫຼິ້ນ​ເກ​ມທີ່​ມາ​ພ້ອມ Intel Core i7-7700 HQ​ ແລະ ກຣາຟິກ​ແຍກ​ຂອງ NVIDIA ຮຸ່ນ GeForce GTX 1050 Ti.

​ແນວ​ໃດ​ກໍ​ຕາມ Aspire VX 15 ນັ້ນ​ຜູ້​ໃຊ້ຈະ​ສາມາດ​ເລືອກ​ປັບ​ສະ​ເປັກ​ບາງ​ສ່ວນ​ໄດ້ ​ໂດຍ​ສະ​ເປັກ​ທີ່​ເປີດ​ຕົວ​ອອກ​ມາ​ນັ້ນ​ມີ​ດັ່ງ​ຕໍ່​ໄປ​ນີ້:

  • ໜ່ວຍ​ປະມວນ​ຜົນ​ຂອງ​ທາງ​ອິນ​ເທ​ລ (Intel) ສະ​ຖາ​ປັດຕະຍະ​ກຳ Kaby Lake ສາມາດ​ເລືອກ​ໄດ້​ລະຫວ່າງ Core i7-7700HQ ຫຼື i5-7300HQ
  • ໜ່ວຍ​ຄວາມ​ຈຳ (RAM) ​ແບບ DDR4 ຂະໜາດ 16 GB ​ໂດຍ​ສາມາດ​ເລືອກ​ໄດ້​ສູງ​ສຸດ​ເຖິງ 32 GB
  • ​ແຫຼ່ງ​ເກັບ​ມ້ຽນຂໍ້​ມູນ​ແບບ​ເອສ​ເອສດີ (SSD) ມີ​ຄວາມ​ຈຸ​ໃຫ້​ເລືອກ​ທີ່ ​ 128 GB, 256 GB ແລະ 512 GB ຫຼື ຈະ​ເລືອກ​ເປັນ HDD ຄວາມຈຸ ​1TB ກໍ​ໄດ້ (ບໍ່​ສະ​ໃຈ​ຈະ​ເລືອກ​ເອົາ​ທັງ​ສອງ​ຢ່າງ​ກໍ​ໄດ້)
  • ໜ້າ​ຈໍ​ຂະໜາດ 15,6 ນິ້ວ ​ໃຊ້​ພາ​ເນລ​ແບບ IPS ຄວາມ​ລະອຽດ 1.920X1.080 ພິກ​ເຊ​ລ
  • ກຣາຟິກຊິ​ບ​ແບບ​ແຍກ​ຂອງ​ທາງ NVIDIA ສາມ​າດ​ເລືອກ​ໄດ້ 2 ຮຸ່ນ​ຄື GeForce GTX 1050 ​ຫຼື ​ GTX 1050 Ti ໂດຍ​ທັງ 2 ຮຸ່ນຈະ​ມາ​ພ້ອມ​ໜ່ວຍ​ຄວາມ​ຈຳ​ຂະໜາດ 4GB ​ແບບ GDDR5
  • ກ້ອງ Webcam ຄວາມ​ລະອຽດ 720p ຮອງ​ຮັບ HDR
  • ການ​ເຊື່ອມ​ຕໍ່​ປະກອບ​ໄປ​ດ້ວຍ Intel dual band wireless-AC, Bluetooth 4.0, Gigabit LAN
  • ຜອດການ​ເຊື່ອມ​ຕໍ່​ປະກອບ​ໄປ​ດ້ວຍ USB Type-C , USB 3.0 ຈຳນວນ 2 ຜອດ, USB 2.0 ຈຳ​ນວນ 1 ຜອດ, HDMI, SD/SDXC card reader ທີ່​ຮອງ​ຮັບ​ຄວາມ​ຈຸ​ຫຼາຍ​ສຸດ 128 GB
  • ລະບົບ​ປະຕິບັດ​ການ Windows 10
  • ນໍ້າໜັກ 49 kg
  • ຂະໜາດ​ຕົວ​ເຄື່ອງ​ຢູ່​ທີ່ 31 X 10.45 X 1.1/1.14 ນິ້ວ
  • ​ແບັດ​ເຕີຣີ 3-cell ຄວາ​ມຈຸ 5 Wh(4605 mAh) ​ແບບ lithium-ion ສາມ​າດ​ໃຊ້​ວຽກ​ໄດ້​ຍາວ​ນານ​ເຖິງ 6 ຊົ່ວ​ໂມງ

ຈຸດ​ທີ່​ໜ້າ​ເສຍດາຍ​ນັ້ນ​ກໍ​ຄື​ເຄື່ອງ​ມາ​ພ້ອມ​ກັບກຣາຟິກຊິ​ບ​ແຍກ​ໃນ​ຊີຣີ GTX 1050 ​ເທົ່າ​ນັ້ນ ​ເຊິ່ງ​ເມື່ອ​ມາ​ຈັບ​ຄູ່​ກັບ​ໜ່ວຍ​ປະມວນ​ຜົນສະຖາປັດຕະຍະກຳ Kaby Lake ທີ່​ມີ​ລະຫັດ​ລົງທ້າຍ​ດ້ວຍ HQ ​ແລ້ວ​ນັ້ນ​ ອາດ​ຈະ​ເບິ່ງ​ບໍ່​ເໝາະ​ສົມ​​ປານ​ໃດ  ເມື່ອ​ເບິ່ງ​ໄປ​ທີ່​ຂະໜາດ​ຂອງ​ໜ້າ​ຈໍ 15,6 ນິ້ວ ​ແລະ​ຄວາມ​ລະອຽດ​ຂອງ​ໜ້າ​ຈໍ​ທີ່ Full HD ​ແລ້ວ​ນັ້ນ​ກໍ​ຖື​ວ່າ​ບໍ່​ໜ້າ​ແປກ​ໃຈ​ຫຼາຍ​ເທົ່າ​ໃດ ​ເນື່ອງ​ຈາກ​ກຣາຟິກຊິ​ບ​ໃນ​ສາຍ GTX 1050  ໜ້າ​ຈະ​ເອົາ​ຢູ່​​​ແບບ​ສະ​ບາຍໆ (​ແຕ່​ຖ້າ​ຕໍ່​ອອກ​ຈໍ​ນອກ​ທີ່​ມີ​ຄວາມ​ລະອຽດ​ສູງ​ກວ່າ​ນີ້ ກໍ​ອາດ​ຈະ​ຕ້ອງ​ຄິດ​ໜັກ​ໜ້ອຍ​ໜຶ່ງ)

ທັງ​ນີ້ ຕາມ​ທີ່​ເອ​ເຊີ​ໄດ້​ບອກ​ເອົາ​ໄວ້​ນັ້ນ​ລາຄາ​ຂອງ Acer Aspire VX 15 ເລີ່​ມຕົ້ນ​ຈະ​ຢູ່​ທີ່ 799 ​ໂດ​ລາ​ສະຫະລັດ ​ເຊິ່ງຖື​ວ່າ​ເປັນ​ລາຄາ​ທີ່​ໜ້າ​ສົນ​ໃຈ (​ແລະ​ອາດ​ຈະ​ເປັນ​ທີ່​ມາ​ວ່າ​ເປັນ​ຫຍັງ​ເອ​ເຊີຈຶ່ງເລືອກ​ກຣາຟິກຊິ​ບ​ໃນ​ສາຍ GTX 1050 ນຳ) ສ່ວນ​ກຳນົດ​ການວາງ​ຈຳໜ່າຍ​ນັ້ນ ​ທາງ​ເອ​ເຊີບໍ່​ໄດ້​ລະບຸ​ໄວ້​ຢ່າງ​ເປັນ​ທາງ​ການ​ ​ບອກ​ແຕ່​ພຽງ​ວ່າອາດ​ຈະ​ເລີ່​ມວາງ​ຈຳໜ່າຍ​ພາຍ​ໃນ​ເດືອນ​ນີ້ ຢ່າງ​ໃດ​ກໍ​ດີ​ ​ເມື່ອ​​ເບິ່ງ​ກັນ​ທີ່ລາຄາ​ກັບ​ສະ​ເປັກລະດັບ​ນີ້ ບອກ​​ໄດ້ເລີຍ​ວ່າ Acer Aspire VX 15 ນັ້ນ ​ໜ້າ​ສົນ​ໃຈ​ຫຼາຍ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.