Acer ນຳສະເໜີ Chromebook 11N7 (C731) ຮຸ່ນໃໝ່ ເພື່ອການສຶກສາໂດຍສະເພາະ

Acer ນຳສະເໜີ Chromebook 11N7 (C731) ຮຸ່ນໃໝ່ ເພື່ອການສຶກສາໂດຍສະເພາະ

Acer ນຳສະເໜີ Chromebook 11N7 (C731) ຮຸ່ນໃໝ່ ເພື່ອການສຶກສາໂດຍສະເພາະ

ເມື່ອບໍ່ດົນມານີ້ ເອເຊີ ໄດ້ເປີດຕົວໂນດບຸກຮຸ່ນໃໝ່ຫຼ້າສຸດທີ່ເໝາະສຳລັບລູກຄ້າໃນລະດັບກຸ່ມນັກສຶກສາທີ່ມີຊື່ວ່າ Acer Chromebook 11 N7 (C731) ທີ່ມີຄຸນສົມບັດທົນທານເພີ່ມຂຶ້ນ ນອກຈາກນີ້ ກໍຍັງມີແບັດເຕີຣີທີ່ສາມາດໃຊ້ງານຍາວນານ ແລະ ພັດລົມທີ່ທຳງານໄດ້ຢ່າງງຽບເຮັດໃຫ້ເປັນຕົວເລື່ອກທີ່ດີສຳລັບການໃຊ້ງານໃນໂຮງຮຽນ.

ທາງເອເຊີກ່າວວ່າ ໂຄຣມບຸກ 11 N7 (C731) ຕົວໃ ໝ່ນີ້ຕັ້ງມາດຖານໃຫ້ສູງຂຶ້ນສຳລັບໂຮງຮຽນເພື່ອໃຫ້ນັກສຶກສາໃຊ້ໃນຫ້ອງຮຽນ ແລະ ຫ້ອງປະຕິບັດການດ້ວຍການອອກແບບທີ່ທົນທານການທຳງານຂອງພັດລົມທີ່ງຽບສຽງ ແລະ ສາມາດພົກພາງ່າຍດ້ວຍການອອກແບບຄຸນສົມບັດທີ່ສາມາດຮັບແຮງກົດທັບຈາກຝາດ້ານເທິງໄດ້ສູງເຖິງ 132 ປອນ (60 ກິໂລກຣາມ) ໝົດຫ່ວງໄປໄດ້ເລີຍວ່າຫາກໃສ່ກະເປົາພາຍຫຼັງແລ້ວມີການຖືກທັບ ຫຼື ບີບອັດຈະບໍ່ເກີດເສຍຫາຍໄດ້ງ່າຍໆ.

ນອກຈາກນີ້ ຮອບໆຕົວກໍ່ຍັງມີກັນຊົນລ້ອມຮອບເພື່ອປ້ອງກັນການຕົກກະແທກຈາກທີ່ສູງໄດ້ເຖິງ 48 ນິ້ວ (122 ຊມ) ງ່າຍຕໍ່ ການຍີບຈັບ ແລະ ຊ່ວຍປ້ອງກັນບໍ່ໃຫ້ລື່ນຫຼຸດມືອີກດ້ວຍ ແລະ ຍັງມີແປນພີມສາມາດປ້ອງກັນການຮົ່ວຊືມຂອງນ້ຳເຂົ້າສູ່ຕົວເຄື່ອງຈາກອຸບັດເຫດນ້ຳຕົກໃສ່ດ້ວຍລະບົບທໍ່ລະບາຍນ້ຳທີ່ບໍ່ຄືໃຜພາຍໃຕ້ແປ້ນພິມ ແລະ ທັຊແພດນ້ຳຈະຖືກລະບາຍອອກຈາກພາຍໃນສູ່ດ້ານລຸ່ມຂອງຕົວເຄື່ອງໃນເວລາໄວເຮັດໃຫ້ຕົວເຄື່ອງປອດໄພຈາກການຊຶມຂອງນ້ຳທີ່ຕົກລົງມາ ແລະ ນອກຈາກຈະລະບາຍນ້ຳໄດ້ແລ້ວ ຄີບອດຍັງຖືກອອກແບບມາເພື່ອມອບປະສົບການພີມທີ່ດີໃຫ້ກັບຜູ້ໃຊ້ອີກ.

ໃນສ່ວນຂອງການເຊື່ອມຕໍ່ຕົວນີ້ຈະມີຜອດ USB 3.0 ມາໃຫ້ຈຳນວນ 2 ຜອດ, ເຄື່ອງອ່ານກາຣ໌ດ SD, ຜອດ HDMI, ຊ່ອງສຽບຟັງຫູ 3.5 ມີລີແມັດ ແລະ DC-in ສຳລັບຕໍ່ອາແດປເຕີແຕ່ໜ້າເສຍດາຍທີ່ບໍ່ມີຜອດ USB Type-C ສຳລັບສາກມາໃຫ້ຈະຕ້ອງໃຊ້ສາຍສາກທີ່ໃຫ້ມາເທົ່ານັ້ນ.

ສຳລັບໃຊ້ງານແບັດເຕີຣີບອກໄດ້ເລີຍວ່າໝົດຫ່ວງເລີຍເພາະວ່າຕົວນີ້ສາມາດໃຊ້ງານແບັດເຕີຣີຍາວນານເຖິງ 12 ຊົ່ວໂມງ ແລະ ຂັບເຄື່ອນດ້ວຍໜ່ວຍປະມວນຜົນເປັນ Intel®Celeron® Dual-core ໃນສ່ວນຝາພັບສາມາດເປີດກວ້າງໄດ້ເຖິງ 180 ອົງສາຈໍສະແດງຜົນແບບໜ້າຈໍສຳຜັດ IPS ຂະໜາດ11.6 ນິ້ວມີຄວາມລະອຽດຢູ່ທີ່ 1366×768 ພິກເຊລ ຊ່ວຍໃຫ້ພາບທີ່ສະແດງຄວາມຄົມຊັດ ແລະ ມີສີສັນສົດໃສບໍ່ວ່າຈະເປັນວີດີໂອຫຼືພາບຖ່າຍກໍຕາມໃນສ່ວນຂອງການອອກແບບພັດລົມແບບ fan-less design ຊ່ວຍ ໃຫ້ການທຳງານງຽບສະນິດບໍ່ສົ່ງສຽບລົບກວນເຖິງວ່າຈະຢູ່ໃນຫ້ອງທີ່ມີຄວາມງຽບກໍຕາມ.

ໃນສ່ວນຂອງລາຄາ ແລະ ການວາງຈຳໜ່າຍຈະເລີ່ມວາງຈຳໜ່າຍໃນທະວີບອາເມລິກາເໜືອໃນເດືອນກຸມພານີ້ ໃນລາຄາເລີ່ມຕົ້ນທີ່ 229 ໂດລາສະຫະລັດ ແລະ ໃນເອີຣົບຕາເວັນອອກ ແລະ ອາຟຣິກາໃນເດືອນກຸມພານີ້ດ້ວຍດ້ວຍລາຄາເລີ່ມຕົ້ນທີ່ 299 ເອີໂຣສ່ວນໃນລາຄາບ້ານເຮົາຕ້ອງຖ້າຕິດຕາມຂ່າວກັນຕໍ່ໄປຫາກມີຂ່າວຄາວການນຳເຂົ້າແອດມິນຈະຮີບມາແຈ້ງໃຫ້ທຸກຄົນຮູ້ຕື່ມອີກ.

 

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.