ອາ​ເມ​ລິ​ກາຫ້າມນຳ​ອຸປະກອນ​ອິ​ເລັກ​ໂຕ​ນິກຂຶ້ນ​ເຮືອບິນ

ອາ​ເມ​ລິ​ກາຫ້າມນຳ​ອຸປະກອນ​ອິ​ເລັກ​ໂຕ​ນິກຂຶ້ນ​ເຮືອບິນ

ອາ​ເມ​ລິ​ກາຫ້າມນຳ​ອຸປະກອນ​ອິ​ເລັກ​ໂຕ​ນິກຂຶ້ນ​ເຮືອບິນ

ລັ​ດຖະບານ​ອາ​ເມ​ລິ​ກາ​ສັ່ງ​ຫ້າມຜູ້​ໂດຍສານ​ຂອງ​ສາຍ​ການບິນ ຣໍຍັລ ຈໍ​ແດນ ​ແອ​ລາຍ ນຳ​ອຸປະກອນ​ອິ​ເລັກ​ໂຕ​ນິກຖື​ຂຶ້ນ​ເຮືອບິນ ​ເລີ່​ມຕັ້ງ​ແຕ່​ວັນ​ທີ 21 ມີນາ​ເປັນ​ຕົ້ນ​ໄປ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ສາຍ​ການບິນ ຣໍຍັລ ຈໍ​ແດນ ​ແອ​ລາຍ ຖະ​ແຫຼ​ງວ່າ ລັດຖະບານ​ອ​າ​ເມ​ລິ​ກາ​ສັ່ງ​ຫ້າມ​ຜູ້​ໂດຍສານ​ຂອງ​ສາຍ​ການບິນ​ແຫ່ງນີ້ ນຳ​ອຸປະກອນ​ເຄື່ອງ​ໃຊ້​ໄຟຟ້າ​ບໍ່​ວ່າ​ຈະ​ເປັນ​ແລ​ັບທ໋ອບ, ​ໄອ​ແພັດ, ກ້ອງຖ່າຍຮູບ ​ແລະ ​ເຄື່ອງ​ໃຊ້​ໄຟຟ້າ​ອື່ນໆ​ຖື​ຂຶ້ນ​ໄປ​ເທິງ​ເຮືອບິນ​ຖ້ຽວ​ບິ​ນຂອງ ສາຍ​ການບິນ ຣໍຍັລ ຈໍ​ແດນ ​ແອ​ລາຍ ທີ່​ເດີນທາງ​ເຂົ້າ​ອາ​ເມ​ລິ​ກາ ​ໂດຍ​ເລີ່​ມມີ​ຜົນ​ບັງຄັບ​ໃຊ້​ຕັ້​ງ​ແຕ່​ວັນ​ທີ 21 ມີນາ​ເປັນ​ຕົ້ນ​ໄປ ​ແຕ່​ໂທລະສັບ​ມື​ຖື ​ແລະ ​ເຄື່ອງມື​ທາງ​ການ​ແພດ ບໍ່​ນັບ​ລວມຢູ່​ໃນ​ຄຳ​ສັ່ງ​ດັ່ງກ່າວ ອຸປະກອນ​ທັງ​ໝົດ​ທີ່​ກ່າວ​ມາ​ນີ້ ຂໍ​ໃຫ້​ບັນຈຸ​ລົງ​ໃນ​ກະ​ເປົ໋າສຳ ລັບ​ກວດກາ ​ແລະ ​ເກັບ​ໄວ້​ໃຕ້​ທ້ອງ​ເຮືອບິນ ທັງ​ນີ້ ​ຍັງ​ບໍ່​ຮູ້​ຈະ​ແຈ້ງວ່າ ປະ​ເທດ​ອື່ນໆ ​ແລະ ສາຍ​ການບິນ​ອື່ນໆ ຖືກ​ຄຳ​ສັ່ງ​ຫ້າມ​ແບບ​ດຽວ​ກັນ​ນີ້​ຫຼື​ບໍ່ ​ແລະ ຈະ​ມີ​ຜົນ​ບັງຄັບ​ໃຊ້​ໄປ​ດົນ​ປານ​ໃດ​ຫຼື​ແມ່ນ​ຫຍັງ​ເປັນສາ​ເຫດ​ທີ່​ຕ້ອງ​ໃຊ້​ຄຳ​ສັ່ງ​ນີ້.

​ເຈົ້າ​ໜ້າທີ່​ອາ​ເມ​ລິ​ກາ​ເປີດ​ເຜີຍ​ພຽງ​ແຕ່​ວ່າ ຄຳ​ສັ່ງ​ຫ້າມ​ນີ້​ມີ​ການ​ພິຈາລະນາ​ຫຼາຍ​ອາທິດ​ແລ້​ວ ມີ​ການ​ພິຈາລະ ນາ​ເຖິງ​ປະ​ເດັນ​ດ້ານ​ຄວາມ​ໝັ້ນຄົງ​ພາຍ​ໃນ ​ໂດຍ​ເຈົ້າ​ໜ້າ​ທີ່​ລັດຖະບານ​ກາງ​ອາ​ເມ​ລິ​ກາ ຂະນະ​ທີ່​ສາຍ​ການບິນ ສາຍ​ການບິນ ຣໍຍັລ ຈໍ​ແດນ ​ແອ​ລາຍ ຢືນ​ຢັນ​ວ່າ ຄຳ​ສັ່ງ​ຫ້າມ​ນີ້​ມີ​ຜົນ​ກັບ​ຖ້ຽວ​ບິນ​ທີ່​ຈະ​ເດີນທາງ​ໄປ​ຍັງ​ນະຄອນຫຼວງ​ນີວຢອກ, ​ເມືອງ​ຊິ​ຄາ​ໂກ, ​ເມືອງ​ດີ​ທຣອຍຂອງ​ອາ​ເມ​ລິ​ກາ ​ແລະ ​ເມືອງ​ມອນ​ທຣີຂອງ​ກາ​ນາ​ດາ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຫມວດຫມູ່

Copy Protected by Chetan's WP-Copyprotect.