Facebook Messenger ອອກ​ຟີ​ເຈີ​ໃໝ່ ​ແຊ​ຕຳ​ແໜ່​ງທີ່ຢູ່​ແບບ Real time

ກ່າວ​ໄດ້​ວ່າ​​ໄລຍະ​ນີ້​ ​ເພີ່ມ​ລູກຫຼິ້ນ​ໃໝ່ໆ​ກັນ​​ຕໍ່​ເນື່ອງ​ແບບວັນ​ຕໍ່​ວັນ​ເລີຍ​ສຳລັບ Facebook Messenger  ຫຼັງ​ຈາກ​ຫາ​ກໍ​ເປີດ​ຕົວ​ຟີ​ເຈີ ​reactions ແລະ mentions ​ໄປ​ບໍ່​ເທົ່າ​ໃດ​ວັນ ກໍ​ເພີ່ມ​ຟີ​ເຈີ​ໃໝ່ ທີ່​​ເຮັດ​ໃຫ້​ຜູ້​ໃຊ້ສາມາດ​ແຊ​ຕໍາ​ແໜ່​ງທີ່ຢູ່​ຫຼ້າ​ສຸດ​ແບບ Real time ​ນາທີ​ຕໍ່​ນາທີ​ໃຫ້​ກັບ​ຄູ່​ສົນທະນາ​ໄດ້​ແລ້ວ ​ໂດຍ​ທະຍອຍ​ອັບ​ເດດ​ໃຫ້​ໃຊ້​ໄດ້​ແລ້ວ​ທັງ​ລະບົບ​ປະຕິບັດ​ການ​​ໄອ​ໂອ​ເອສ ​ແລະ ​ແອນ​ດຣອຍ.

ສຳລັບ​ຟີ​ເຈີ Live Location ນັ້ນ​ຜູ້​ໃຊ້​ຈະ​ສາມາດ​ທຳ​ການ​ແຊ​ທີ່ຢູ່​ປັດຈຸບັນ​​​ເປັນ​ເວລາ​ດົນ 1 ຊົ່ວ​ໂມງ ​ແລະ ລະບົບ​ຈະ​ທຳ​ການ​ອັບ​ເດດ​ຕໍາ​ແໜ່​ງທຸກ​ຄັ້ງ​ເມື່ອ​ມີ​ການ​ເປີດ​ແອບຯ ຂຶ້ນ​ມາ ​ເຮັດ​ໃຫ້​ຄູ່​ສົນທະນາ​ນຳ​ຫາ​ຕຳ​ແໜ່​ງຂອງ​ອີກ​ຝ່າຍ​ໄດ້​ສະດວກ​ຂຶ້ນ ​ໂດຍ​ຜູ້​ທີ່​ແຊ​ຕໍາ​ແໜ່​ງອອກ​ໄປ​ສາມາດ​ເລືອກ​ປິດ​ການ​ແຊ​ໄດ້​ພຽງ​ແຕ່​ທີ່​ແທັບ Stop Sharing ຊຶ່ງ​ຈະ​ປາກົດ​ໄອ​ຄອນ​ໂມງ​ນ້ອຍໆ​ທີ່​ຈະ​ນັບ​ຖອຍຫຼັງ​ເວລາ​ໃຫ້​ເຫັນ​ວ່າ​ອີກ​ຝ່າຍ​ຈະ​ນຳ​ເຖິງ​ຕໍາ​ແໜ່​ງທີ່​ເຮົາຢູ່​ພາຍ​ໃນ​ບໍ່​ເທົ່າ​ໃດ​ນາທີ​ອີກ​ດ້ວຍ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.