ຊຳ​ຊຸງ​​​ວາງ​​ແຜນຂາຍ​ໂນ້ດ 7 ຣີ​ເຟີ​ບີ​ຊ

ຊຳ​ຊຸງ​​​ວາງ​​ແຜນຂາຍ​ໂນ້ດ 7 ຣີ​ເຟີ​ບີ​ຊ

ຊຳ​ຊຸງ​​​ວາງ​​ແຜນຂາຍ​ໂນ້ດ 7 ຣີ​ເຟີ​ບີ​ຊ

ຊຳ​ຊຸງ​ກຽມ​ສົ່ງ​ສະມາດ​ໂຟນ ​ແກ​ແລັກ​ຊີ ​​ໂນ້ດ 7 ທີ່​ຮຽກ​ຄືນ​ຫຼາຍ​ລ້ານ​ໜ່ວຍ​ຈາກ​ບັນຫາ​ແບັ​ດ​ເຕີ​ລີ ກັບ​ສູ່​ຕະຫຼາດ​ອີກ​ເທື່ອ​ໜຶ່ງ​ຫຼັງ​ຈາກ​ແຂ້​ໄຂ້​ຂໍ້​ຜິດພາດ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ຊຳ​ຊຸງ​ກຽມ​ນຳ​ສະມາດ​ໂຟນຮຸ່ນ​ແກ​ແລັກ​ຊີ ​ໂນ້ດ 7 ບາງ​ສ່ວນ​ທີ່​ມີ​ການ​ຮຽກ​ຄືນ​ເນື່ອງ​ຈາກ​ບັນຫາ​ດ້ານ​ຄວາມ​ປອດ​ໄພ​ຈາກ​ກໍລະນີ​ທີ​ແບັ​ດ​ເຕີ​ລີ​ອາດ​ເຮັດ​ວຽກ​ຜິດ​ປົກກະຕິ​ຈົນ​ເກີດ​ຄວາມ​ຮ້ອນ ​ແລະ ລະ​ເບີດ​ລຸກ​ໄໝ້​ໄດ້ ​ໂດຍ​ຈະ​ເປັນ​ການ​ປ່ອຍ​ອອກ​ສູ່​ຕະຫຼາດ​ໃນ​ຖານະ​ສິນຄ້າ​ເດີມ​ທີ່​ຜ່ານ​ການ​ປັບປຸງ​ແກ້​ໄຂ​ຂໍ້​ຜິດພາດ​ແລ້ວ ຂະນະ​ທີ່​ບາງ​ສ່ວນ​ຈະ​ຖືກ​ແຍກ​ເປັນ​ຊິ້ນ​ສ່ວນ ​ແລະ ນຳ​ສ່ວນ​ທີ່​ຍັງ​ໃຊ້​ໄດ້​ເຊັ່ນ​ຊີບຫຼື​ກ້ອງ​ກັບ​ມາ​ໃຊ້​ໃໝ່​ຫຼື​ຂາຍ ທັງ​ນີ້ ຍັງ​ບໍ່​ມີ​ການ​ເປີດ​ເຖິງ​ລາຍ​ລະອຽດ​ຂອງ​ຕະຫຼາດ ​ແລະ ກຳນົດ​ການ​ທີ່​ຈະ​ນຳ​ແກ​ແລັກ​ຊີ​ໂນ້ດ 7 ຣີ​ເຟີ​ບິ​ຊ ກັບ​ມາ​ຈຳໜ່າຍ​ອີກ​ຄັ້ງ ​ໂດຍ​ການ​ຕັດສິນ​ໃຈ​ຄັ້ງ​ນີ້​ຊຳ​ຊຸງ​ລະບຸ​ວ່າ ​ເປັນ​ໄປ​ຕາມ​ຫຼັກ​ປະຕິບັດ​ເພື່ອ​ປະ​ໂຫຍ​ດດ້ານ​ການ​ຮັກສາ​ສິ່ງ​ແວດ​ລ້ອມ ຫຼັງ​ໃນ​ໄລຍະ​ຫຼາຍ​ເດືອນ​ທີ່​ຜ່ານ​ມາ​ຖືກ​ກົ​ດດັນ​ຢ່າງ​ໜັກ​ຈາກ​ອົງການ​ດ້ານ​ການ​ອະນຸລັກ ກັງ​ວົນ​ວ່າ ສະມາດ​ໂຟນປະມານ 4 ລ້ານ​ໜ່ວຍ​ທີ່​ບໍລິສັດ​ຮຽກ​ຄືນ​ຈະ​ກໍ່​ໃຫ້​ເກີດ​ຂີ້​ເຫຍື້ອ​ເອ​ເລັກ​ໂຕຣ​ນິກປະລິມານ​ມະຫາສານ.

ຢ່າງ​ໃດ​ກໍ​ຕາມ ນັກ​ເຄື່ອນ​ໄຫວ​ບາງ​ສ່ວນ​ມອງ​ວ່າ ສຸດ​ທ້າຍ​ແລ້ວ​ຊຳ​ຊຸງ​ກໍ​ຍັງ​ຫາ​ທາງ​ສ້າງ​ກຳ​ໄລ​ຈາກ​ການ​ຂາຍສິນຄ້າທີ່​ຜ່ານ​ການ​ປັບປຸງ ຂະນະ​ທີ່​ກຽມ​ປ່ອຍ​ສະມາດ​ໂຟນຫຼ້າ​ສຸດ ​ແກ​ແລັກ​ຊີ ​ເອສ ​ໃນ​ວັນ​ທີ 29 ມີນາ ​ໂດຍ​ນັກວິ​ເຄາະ​ມອງ​ວ່າ ການ​ປ່ອຍ​ສິນຄ້າ​ທີ່​ຜ່ານ​ການ​ການ​ປັບປຸງ​ອອກ​ສູ່​ຕະຫຼາດ​ຈະ​ຊ່ວຍ​ຫຼຸດ​ຄວາມ​ເສຍ​ຫາຍ​ທີ່​ເກີດ​ຂຶ້ນ​ຈາກ​ການ​ຮຽກ​ຄືນ​ແກ​ແລັກ​ຊີ​ໂນ້ດ 7 ​ໃນ​ໄລຍະ​ທີ່​ຜ່ານ​ມາ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.