ຜົນ​ການ​ສຳ​ຫຼວດ​ລະ­ບຸ ໄອ​ໂຟນ 7 ຍັງ​ຂາຍ​ດີ​ອັນ​ດັບ​ໜຶ່ງ

ຜົນ​ການ​ສຳ​ຫຼວດ​ຫຼ້າ​ສຸດ​ຈາກ Kantar Worldpanel ComTech ລະ­ບຸ​ວ່າ: ໃນ​ໄຕ​ມາດ​ສຸດ​ທ້າຍ​ຂອງ​ປີ 2016 ທີ່​ຜ່ານ​ມາ iOS ຍັງ​ຄົງ​ມີ​ສ່ວນ​ແບ່ງ​ທາງ​ການ​ຕະ­ຫຼາດ​ເພີ່ມ​ຂຶ້ນ​ຢ່າງ​ຕໍ່​ເນື່ອງ ແລະ iPhone 7 ທີ່​ຍັງ​ຄົງ​ເປັນ​ສະ­ມາດ​ໂຟນ​ລຸ້ນ​ທີ່​ຂາຍ​ດີ​ທີ່​ສຸດ​ໃນ​ຫຼາຍໆ​ປະ­ເທດ ພ້ອມ​ທັງ​ຄາດ​ວ່າ ການ​ກັບ​ມາ​ຂອງ Nokia ຈະ​ສົ່ງ​ຜົນ​ໃຫ້​ສ່ວນ​ແບ່ງ​ທາງ​ການ​ຕະ­ຫຼາດ Android ເພີ່ມ​ຂຶ້ນ​ສູງ​ອີກ.

ທາງ​ດ້ານ​ສ່ວນ​ແບ່ງ​ທາງ​ການ​ຕະ­ຫຼາດ​ຂອງ Android ຍັງ​ຄົງ​ເພີ່ມ​ຂຶ້ນ​ໃນ​ຫຼາຍໆ​ປະ­ເທດ, ຍົກ­ເວັ້ນ​ໃນ​ສະ­ຫະ­ລັດ​ອາ​ເມ​ຣິ​ກາ; ໃນ​ຂະ­ນະ​ທີ່​ລະ­ບົບ​ປະ­ຕິ­ບັດ​ການ​ອື່ນໆ ເຊັ່ນ: BlackBerry ແລະ Windows ແມ່ນ​ບໍ່​ໄດ້​ຮັບ​ຄວາມ​ນິ­ຍົມ ສົ່ງ​ຜົນ​ໃຫ້​ລະ­ບົບ​ປະ­ຕິ­ບັດ​ການ​ທີ່​ເຫຼືອ​ຫຼັກໆ​ມີ​ພຽງ iOS ກັບ Android ເທົ່າ​ນັ້ນ ໂດຍ​ທາງ Kantar Worldpanel ComTech ເປີດ­ເຜີຍ​ວ່າ: iOS ຍັງ​ຄົງ​ມີ​ສ່ວນ​ແບ່ງ​ທາງ​ການ​ຕະ­ຫຼາດ​ເພີ່ມ​ຂຶ້ນ​ໃນ​ຫຼາຍໆ​ປະ­ເທດ​ຍົກ­ເວັ້ນ​ປະ­ເທດ​ແອັດ​ສະ​ປາຍ, ຍີ່­ປຸ່ນ ແລະ ຈີນ. ສ່ວນ​ທາງ​ຂອງ Android ເພີ່ມ​ຂຶ້ນ​ໃນ​ຫຼາຍໆ​ປະ­ເທດ​ຍົກ­ເວັ້ນ​ໃນ​ສະ­ຫະ­ລັດ​ອາ​ເມ​ຣິ​ກາ.

ໃນ​ສ່ວນ​ຂອງ​ຍອດ​ຂາຍ​ສະ­ມາດ​ໂຟນ​ເປັນ​ຂອງ ແອັບ​ເປິນ ກັບ ຊຳ​ຊຸງ ສ່ວນ​ອັນ​ດັບ 3 ເປັນ​ຂອງ LG ໂດຍ​ໃນ​ກຸ່ມ​ປະ­ເທດ​ອາ​ເມ​ຣິ​ກາ ແມ່ນ​ມີ iPhone 7 ເປັນ​ສະ­ມາດ​ໂຟນ​ທີ່​ໄດ້​ຂາຍ​ດີ​ທີ່​ສຸດ, ເຊິ່ງ​ມີ​ສ່ວນ​ແບ່ງ​ທາງ​ການ​ຕະ­ຫຼາດ 22.7% ແລະ ໃນ​ປະ­ເທດ​ຈີນ iPhone ມີ​ສ່ວນ​ແບ່ງ​ທາງ​ການ​ຕະ­ຫຼາດ 16.6%, ສ່ວນ​ສະ­ມາດ​ໂຟນ Android ແມ່ນ​ມີ​ສ່ວນ​ແບ່ງ​ທາງ​ການ​ຕະ­ຫຼາດ​ສູງ​ເຖິງ 83.2% ເຊິ່ງ​ຍີ່­ຫໍ້​ທີ່​ມີ​ສ່ວນ​ແບ່ງ​ທາງ​ການ​ຕະ­ຫຼາດ​ສູງ​ສຸດ​ໃນ​ປະ­ເທດ​ຈີນ​ກໍ່​ແມ່ນ Huawei ຢູ່​ທີ່ 26.6%.

ສຳ­ລັບ​ການ​ເປີດ​ໂຕ​ຂອງ Nokia ໃນ​ເດືອນ​ກຸມ­ພາ​ທີ່​ຜ່ານ​ມາ ຄາດ​ວ່າ​ຈະ​ເຮັດ​ໃຫ້​ສ່ວນ​ແບ່ງ​ທາງ​ການ​ຕະ­ຫຼາດ​ຂອງ​ມື​ຖື Android ເພີ່ມ​ຂຶ້ນ​ສູງ​ໃນ​ໄຕ​ມາດ​ຕໍ່​ໄປ ໂດຍ​ສະ­ເພາະ​ແມ່ນ​ປະ­ເທດ​ຕາ­ເວັນ­ຕົກ ທີ່ Nokia ເຄີຍ​ເປັນ​ສິນ­ຄ້າ​ຍອດ​ນິ­ຍົມ​ມາ​ກ່ອນ.

 

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.