ໄອ​ໂຟນ 7 ພລັສ ຮຸ່ນໃໝ່​ສີ­ຂາວ

ສຳ­ລັບ ໄອ​ໂຟນ 7 ແລະ ໄອ​ໂຟນ 7 ພລັສ ທາງ ແອັບ​ເປິນ ໄດ້​ມີ​ການ​ເພີ່ມ​ສີ​ໃໝ່​ມາ​ໃຫ້​ເລືອກ​ເຖິງ 2 ສີ ຄື: ສີ­ດຳ​ດ້ານ ( Matte Black ) ແລະ ສີ­ດຳ​ເງົາ ( Jet Black ) ເຊິ່ງ​ໂດຍ​ລວມ​ແລ້ວ ໄອ​ໂຟນ 7 ແມ່ນ​ມີ​ໃຫ້​ເລືອກ​ທັງ​ໝົດ 5 ສີ; ແຕ່​ຫຼ້າ​ສຸດ​ໄດ້​ມີ​ການ​ນຳ​ສະ­ເໜີ ໄອ​ໂຟນ 7 ພລັສ ໃນ​ຮູບ​ແບບ​ໃໝ່​ຫຼ້າ​ສຸດ ເຊິ່ງ​ເປັນ​ສີ­ຂາວ​ລ້ວນ ທີ່​ເຮົາ​ບໍ່​ສາ­ມາດ​ຫາ​ຊື້​ໄດ້​ຕາມ​ຮ້ານ ແອັບ​ເປິນ Store ຢ່າງ​ແນ່­ນອນ.

ໄອ​ໂຟນ 7 ພລັສ ສີ​ໃໝ່​ນີ້​ມີ​ຊື່​ຮຸ່ນ​ວ່າ ຣີ​ໂຕຣ ອີ​ດິດ​ຊັນ ( Retro Edition ) ເຊິ່ງ​ເປັນ​ຜົນ­ງານ​ຮຸ່ນ​ໃໝ່​ຫຼ້າ​ສຸດ​ຂອງ​ບໍ­ລິ­ສັດ​ທີ່​ຈຳ­ໜ່າຍ​ພື້ນ​ຜິວ​ສຳ­ລັບ​ອຸ­ປະ­ກອນ​ຈຳ­ພວກ ໄອ​ທີ ຊັ້ນ​ນຳ​ນັ້ນ​ກໍ່​ຄື: Color wave ໂດຍ ໄອ​ໂຟນ 7 ພລັສ ຣີ​ໂຕຣ ອີ​ດິດ​ຊັນ ( Retro Edition ) ມາ​ພ້ອມ​ກັບ​ຮູບ​ຮ່າງ​ທີ່​ເປັນ​ສີ­ຂາວ​ຄ້າຍ​ກັບ​ເຄື່ອງ Macintosh ໃນ​ສະ­ໄໝ​ປີ 1980, ດ້ານ​ຂ້າງ​ມີ​ລາຍ​ສີ​ເທົາ​ພາດ​ທັງ 2 ດ້ານ ເພື່ອ​ເພີ່ມ ຄວາມ​ສວຍ​ງາມ ແລະ ຈຸດ​ເດັ່ນ​ທີ່​ສຳ­ຄັນ​ບໍ­ລິ­ເວນ​ໂລ​ໂກ້ ແອັບ​ເປິນ ດ້ານ​ເທິງ​ແມ່ນ​ມີ​ການ​ປັບ​ປ່ຽນ​ໃຫ້​ເປັນ​ສີ ຕາມ​ຮູບ​ແບບ​ໂລ​ໂກ້​ໃນ​ສະ­ໄໝ​ກ່ອນ​ຂອງ ແອັບ​ເປິນ ນັ້ນ​ເອງ.

ເຊິ່ງ ໄອ​ໂຟນ 7 ພລັສ ຣີ​ໂຕຣ ຈະ​ມີ​ໃຫ້​ເລືອກ​ພຽງ​ແຕ່​ຮຸ່ນ​ຄວາມ​ຈຸ 256 GB ເທົ່າ​ນັ້ນ ລວມ​ທັງ​ຈະ​ວາງ​ຈຳ­ໜ່າຍ​ແບບ Limited ແຕ່​ສຳ­ລັບ​ທ່ານ​ໃດ​ທີ່​ກຳ­ລັງ​ສົນ­ໃຈ​ສະ­ມາດ​ໂຟນ​ຮຸ່ນ​ນີ້ ອາດ​ຈະ​ຕ້ອງ​ມີ​ການ​ພິ­ຈາ­ລະ­ນາ​ໃນ​ເລື່ອງ​ຂອງ​ລາ­ຄາ​ໃນ​ການ​ວາງ​ຈຳ­ໜ່າຍ ເນື່ອງ​ຈາກ​ທາງ Color wave ແມ່ນ​ມີ​ລາ­ຄາ​ເລີ່ມ​ຕົ້ນ​ທີ່ 1,899 ໂດ​ລາ​ສະ­ຫະ­ລັດ ແລະ ຂັ້ນ​ຕອນ​ໃນ​ການ​ສັ່ງ​ຊື້​ສະ­ມາດ​ໂຟນ ໄອ​ໂຟນ 7 ພລັສ ຣີ​ໂຕຣ ແມ່ນ​ສາ­ມາດ​ເຂົ້າ​ໄປ​ສັ່ງ​ຊື້​ໄດ້​ທີ່​ເວັບ​ໄຊ www.colorware.com/p-744-colorware-iphone-7-plus-retro.aspx.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.