ໂທລະ­ສັບ​ມື​ຖື​ກ້ອງ​ຄູ່​ຮຸ່ນ​ໃໝ່ໜ້າ​ຊື້​ ປີ 2017

ມື້­ນີ້​ຜູ້​ຂຽນ​ຂໍ​ແນະ­ນຳ​ໂທລະ­ສັບ​ມື​ຖື​ກ້ອງ​ຄູ່ ( Dual Camera ) ຮຸ່ນ​ໃໝ່​ປະ­ຈຳ​ປີ 2017 ມາ​ແນະ­ນຳ​ໃຫ້​ກັບ​ຄົນ​ທີ່​ກຳ­ລັງ​ຊອກ​ຫາ​ມື​ຖື​ຮຸ່ນ​ໃໝ່ໆ​ເນັ້ນ​ການ​ຖ່າຍ​ພາບ.

ມື​ຖື​ກ້ອງ​ຄູ່​ທີ່​ຢາກ​ແນະ­ນຳ​ເປັນ​ໂທລະ­ສັບ​ມື​ຖື​ທີ່​ຫາ­ກໍ່​ເປີດ​ຕົວ​ໃນ​ໄລ­ຍະ​ຕົ້ນ​ປີ 2017 ມີ​ຫຼາຍ​ຮຸ່ນ​ທີ່​ຕິດ​ໃຈ​ຄື:

  1. ຫົວ​ເຫວີຍ ພີ 10 ໂທລະ­ສັບ​ມື​ຖື​ຮຸ່ນ​ໃໝ່​ຈາກ ຫົວ​ເຫວີຍ ທີ່​ຍັງ​ຄົງ​ຈຸດ​ເດັ່ນ​ໃນ​ເລື່ອງ​ຂອງ​ການ​ຖ່າຍ​ພາບ​ມາ​ພ້ອມ​ກ້ອງ​ຫຼັງ​ຄູ່ ເລນ Leica ຄວາມ​ລະ­ອຽດ 20 ລ້ານ​ພິກ​ເຊວ​ກັບ 12 ລ້ານ​ພິກ​ເຊວ ພ້ອມ​ເຕັກ​ໂນ​ໂລ​ຊີ​ໃໝ່ Dual – Camera 2.0 ຮອງ​ຮັບ​ລະ­ບົບ ໄຮ​ບຣີດ ຈັບ​ໂຟກ​ັສ​ໄດ້​ໄວ​ຂຶ້ນ ມີ​ໂໝດ Professional ທີ່​ສາ­ມາດ​ເລືອກ​ປັບ​ທຸກ​ຢ່າງ​ໄດ້​ຕາມ​ຄວາມ​ຕ້ອງ­ການ.

  1. ຫົວ​ເຫວີຍ GRS 2017 ອີກ​ໜຶ່ງ​ໂທລະ­ສັບ​ມື​ຖື​ກ້ອງ​ຄູ່​ຮຸ່ນ​ໃໝ່​ຈາກ ຫົວ ເຫວີຍ ທີ່​ມາ​ພ້ອມ​ຈຸດ​ເດັ່ນ​ເລື່ອງ​ກ້ອງ​ຖ່າຍ​ພາບ ໂດຍ​ກ້ອງ​ຕົວ​ທຳ​ອິດ​ມີ​ຄວາມ​ລະ­ອຽດ 12 ລ້ານ​ພິກ​ເຊວ​ກັບ 2 ລ້ານ​ພິກ​ເຊວ, ສາ­ມາດ​ເຮັດ​ວຽກ​ຮ່ວມ​ກັນ​ເພື່ອ​ຈັບ​ໂຟກ​ັສ​ອັດ­ຕະ­ໂນ­ມັດ​ໄດ້​ຢ່າງ​ວ່ອງ­ໄວ ໂດຍ​ໃຊ້​ເວ­ລາ​ພຽງ 2.3 ວິ­ນາ­ທີ ແລະ ມີ​ພິກ​ເຊວ​ຂະ­ໜາດ​ໃຫຍ່ 1.25 um ທີ່​ຊ່ວຍ​ເພີ່ມ​ຄວາມ​ຄົມ​ຊັດ​ໃນ​ການ​ຖ່າຍ​ພາບ, ໃນ​ພາ­ວະ​ທີ່​ມີ​ແສງ​ໜ້ອຍ​ສາ­ມາດ​ເກັບ​ພາບ​ໄດ້​ໄວ ແລະ ຄົມ​ຊັດ ສ່ວນ​ກ້ອງ​ໜ້າ 8 ລ້ານ​ພິກ​ເຊວ ມີ​ລະ­ບົບ​ກວດ​ຈັບ​ໃບ​ໜ້າ​ອັດ​ຕະ​ໂລນ​ມັດ ແລະ ຟິ​ລ​ເຕີ​ແຕ່ງ​ພາບ​ບິວ​ຕີ້​ຕ່າງໆ​ທີ່​ເອົາ­ໃຈ​ຄົນ​ມັກ​ຖ່າຍ​ພາບ​ເຊວ​ຟີ​ໂດຍ​ສະ­ເພາະ.

  1. Honor V9 ເປັນ​ໂທລະ­ສັບ​ມື​ຖື​ກ້ອງ​ຄູ່​ຍີ່­ຫໍ້​ຈີນ​ອີກ​ຮຸ່ນ​ໜຶ່ງ​ທີ່​ໜ້າ​ສົນ­ໃຈ​ມາ​ພ້ອມ​ກ້ອງ​ຫຼັງ​ຄູ່​ຄວາມ​ລະ­ອຽດ 12 ລ້ານ​ພິກ​ເຊວ ທັງ​ສອງ​ຕົວ​ມີ​ລະ­ບົບ​ໂອ​ໂຕ​ໂຟກ​ັສ​ດ້ວຍ​ເລ​ເຊີ​ສາ­ມາດ​ຖ່າຍ​ພາບ​ຂາວ​ດຳ​ແບບ Monoch – rome ໄດ້​ຮູ້​ຮັບ​ແສງ​ກວ້າງ f/22, ແຟລັດ​ຄູ່ LED ແລະ ຮອງ​ຮັບ​ວິ​ດີ​ໂອ 4k ບອກ​ໄດ້​ວ່າ​ເປັນ​ການ​ເອົາ­ໃຈ​ຄົນ​ທີ່​ມັກ​ຖ່າຍ​ວິ​ດີ​ໂອ​ເປັນ​ຢ່າງ​ຍິ່ງ.

  1. ZTE Blade V8 Mini ໂທລະ­ສັບ​ມື​ຖື​ລະ­ດັບ​ກາງ​ລາ­ຄາ​ປະ­ຢັດ​ຈາກ ZTE ທີ່​ມາ​ພ້ອມ​ກ້ອງ​ຫຼັງ​ເບຣີ​ໄດ້ ແລະ ມີ​ໂໝດ​ການ​ຖ່າຍ​ພາບ​ແບບ 3 ມິ​ຕິ.

  1. ZTE Blade V8 Pro ໂທລະ­ສັບ​ມື​ຖື​ກ້ອງ​ຄູ່​ຮຸ່ນ​ໃໝ່​ຈາກ ZTE ທີ່​ຈຸດ​ເດັ່ນ​ດ້ານ​ຖ່າຍ​ພາບ​ໂດຍ​ສະ­ເພາະ​ມາ​ພ້ອມ​ກ້ອງ​ຫຼັງ​ຄູ່​ຄວາມ​ລະ­ອຽດ 13 ລ້ານ​ພິກ​ເຊວ​ທັງ​ສອງ​ຕົວ​ໃຊ້​ລະ­ບົບ​ໂຟກ​ັສ PDAF ຊ່ວຍ​ໃຫ້​ໂຟກ​ັສ​ດ້ວຍ​ຄວາມ​ໄວ, ຮອງ​ຮັບ​ການ​ຖ່າຍ​ວິ​ດີ​ໂອ​ດ້ວຍ​ຄວາມ​ລະ­ອຽດ​ລະ­ດັບ 4k ແລະ Dual Fash.

  1. ASUS Zenfone 3 Zoom ມື​ຖື​ກ້ອງ​ຄູ່​ຮຸ່ນ​ທຳ​ອິດ​ຈາກ ASUS ທີ່​ມາ​ພ້ອມ​ກ້ອງ​ຫຼັງ​ຄູ່​ທີ່​ມີ​ຄວາມ​ລະ­ອຽດ 12 ລ້ານ​ພິກ​ເຊວ​ທັງ​ສອງ​ຕົວ, ກ້ອງ​ຕົວ​ທຳ​ອິດ​ມາ​ພ້ອມ dual – tone LED flash ເຊັນ​ເຊີ Sony lMX362 ຂະ­ໜາດ​ພິກ​ເຊວ 1.4um ຮູ້​ຮັບ​ແສງ f/1.74 axis ລະ­ບົບ​ກັນ​ສັ່ນ 4 ແກນ​ແບບ OiS ແລະ 3 axis ລະ­ບົບ​ກັນ​ສັ່ນ 3 ແກນ.

  1. LG G6 ນອກ­ຈາກ​ຈະ​ມີ​ຈຸດ​ເດັ່ນ​ໃນ​ເລື່ອງ​ໜ້າ​ຈໍ​ແບບ Full Vision ຂອບ​ຈໍ​ບາງ​ລຽບ​ທີ່​ຊ່ວຍ​ໃຫ້​ສະ­ແດງ​ພາບ​ວິ​ດີ​ໂອ​ໄດ້​ສົມ­ຈິງ​ກວ່າ​ເດີມ​ແລ້ວ​ຍັງ​ມາ​ພ້ອມ​ກ້ອງ​ຫຼັງ​ຄູ່​ຄວາມ​ລະ­ອຽດ 13 ລ້ານ​ພິກ​ເຊວ​ທັງ​ສອງ​ຕົວ​ເລນ​ກວ້າງ 125 ອົງ­ສາ​ກັບ 71 ອົງ­ສາ ສ່ວນ​ກ້ອງ​ໜ້າ​ລະ­ອຽດ 5 ລ້ານ​ພິກ​ເຊວ​ໃຊ້​ເລນ​ມູມ​ກວ້າງ 100 ອົງ­ສາ ຮອງ​ຮັບ​ການ​ຖ່າຍ​ວິ​ດີ​ໂອ 4k ກັນ​ສັ່ນ iOS 2.0 ແລະ ຍັັງ​ສາ­ມາດ​ກັນ​ນ້ຳ​ກັນ​ຝຸ່ນ​ໄດ້​ຕາມ​ມາດ­ຖານ IP68 ອີກ​ດ້ວຍ.
loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.